تجمع لتبادل الخبرات في اسواق الخاسكية فيدي واستفيدي/تمنع التجمعات بدون اذن المشرفات

السلام عليكم
كيفكم ياحوائيات إن شاء الله تكون سنة خير علينا جميعا
طبعا كلنا نعاني من ارتفاع الاسعار بشكل مبالغ فيه في كل شي الايجارات والاكل والاسواق ولو في فرصة للتوفير اكيد ماراح مانقول لا
يعني لو في شي عجبني ب300 وعارفه انه في زيه بالضبط ب150 اكيد ابغى الرخيص وااوفر ع نفسي
والخاسكيه هده عالم تاني شفت ملابس وساعات وشنط ع ناس تجنننن ولمن سألت ماصدقت انها من الخاسكيه
رحتها مع اختي مرتين واشوفها تدخل الاماكن اللي عارفتها بالشكل لكن ماتطالع في اللوحات واعتقد اغلبنا كدا عشان كده لمن نجي نوصف مانعرف

وهدا التجمع فكرته انه نفيد بعض بالمحلات الموجودة في الخاسكية البلد بالوصف الصحيح واسماء المحلات لانه كتير مننا مايعرف للاماكن هده لانها تتوه من كتر لفلفتها
طبعا في الغالي وفيه الرخيص ونحنا ح نسوي قائمة بالأسعار الغاليه والرخيصه والتقليد والاصلية
عشان كدا قررت نتجمع ونفيد بعض كل وحده تذكر اللي تعرفه بس بالتفاصيل عشان يكون مرجع مفيد للجميع
يلا يابنات جده شدو الهمة وخلونا نخلص من جشع التجار
بانتظار تفاعلكم