صباح الخير بنات

شخباركم كلكم انا قلت لكم اني مشيت امس مشي مال رياضه وبالليل جاني وجع

كل نص ساعه وبعدين صار يتأخر كل ساعه عرفت انه جذاب ويبي يقص علي

بس والله اني مت من الخوف قلبي صار عنده عرس من كثر ما يدق ومب قادره اصيطر

على نفسي تذكرت غرفة الولاده وانا ما بي اتذكرها فكرت اخذ ماي ورد وزعفران بس

خفت يستوي فيني مثل جنونه وما اولد بس تعب على الخالي خلني جذيه احسن

ناني هونيها وتهون بكره بعد ما تولدين وترتاحين بتتذكرين هالأيام وبتضحكين على

نفسك انشالله ما عليج شر والي فيه الخير بيقدمه رب العالمين بس انتي توكلي

على الواحد الي ما تنام عينه وهو ما يغفل عنج ولا عن غيرج انشالله نسمع

عنج اخبار حلوه يا رب

كيوت برنسيس

والله كلنا في الهوا سوا بس ما لنا الا نصبر بعض ونهون على بعض توكلي على الله

لا انا ولا غيري ننفعج

صباح الخير جميعاً

والله معذوره ناني الله يخفف عنها

ويسهل علينا جميعاً

hh40
الله يحييك :)
ليش الحيره
انتي ولاده طبيعيه والا قيصري .. واذا قيصري ايش الاسباب ؟

***

ناني
ياعمري لاتضايقين ..

وانتي توكلي على الله وتذكري دائما ان مع العسر يسرا وصلي الاستخاره اكثر من مرره وعسى ربي يدبرك على مافيه الخير لك وللجنين
والحمدالله ماتدرين القيصرية هذي علها رحمه من الله .. وعسى ان تكرهوا شيئا وهو خير لكم
اكثري من أدعية تفريج الهم والكرب
والله اني شفت اثرها وخف همي
رددي دائما
حسبي الله لا اله الا هو عليه توكلت وهو رب العرش العظيم (7 مرات)

لا اله الا انت سبحانك اني كنت من الظالمين

ياحي ياقيوم برحمتك استغيث اصلح لي شاني كله ولاتكلني الى نفسي طرفة عين (3 مرات)

لا اله الا الله العظيم الحليم لا اله الا الله رب العرش العظيم لا اله الا الله رب السموات ورب الارض ورب العرش الكريم (3 مرات )

واقرئي سورة البقر وسورة يس


ويارب ماتغيب الشمس اليوم الا وانتي مرتاحه من همك وصافي ذهنك وجميع الحوامل وغير الحوامل

***

زيزي الجميله

هلا بك الله يحييك

****

نظر عينه

بالله بلغي مجنونة قطر سلامي والله يقومها بالسلامه ان شاء الله
هي اخذت بنج نصفي ؟


****


ريماس

الله يعينك ويقويك والله يحييك
مشكله هالطلق الكاذب .. بس ان شاء الله فيه اجر وتكفير ذنوب

****

شامه

:)

ياحليلي سبقت عطوووره


****

كيوت برنسيس

لاتخافين من الولاده
ولاتسمعين كلام اللي يهولون
ترى مافيه ولاده مثل الثانيه كل وحده لها ظروفها والتساهيل من رب العالمين

****

شنطة سفر

هذا الكاذب
بس بنااات انتبهوا تاخذون شي .. والله يصير الطلق عذاب والرحم مايفتح
وقد يعسر الولاده ويسكر الرحم بعد
خلكم على اللي مذكور في القرآن .. التمرر وبسسسسسسسسسسسس

****

عطوره

اخبارك يا حلوه :)

****


اخباري انا
توني راجعه من عند الطبيب كان عندي موعد
ومافيه جديد قاسوا الضغط والوزن و شاف البيبي بس عرفت كم وزنه
سبحان الله زي اخته يوم كانت فنفس الاسبوع واليوم 2800 جرام
توافق غريب :)