ماااااافي شي في القدرات اسمة الدرجة المطلوبة , بس كل ماكانت درجتك اعلى كل مازادت فرصة قبولك .

أنا راح أعيد الأختبار لان درجتي تعتبر منخفضة , لأن صاحباتي جابوا 89 والثانية 93 ماشالله عليهم , ودرجتي تعتبر في الحضيض بالنسبة لدرجاتهم , فقلت لازم اعيد الاختبار , والله يسهل .

وبالتوفيق .

اها واللله فتحتي ذهني ع اشياء كثيره ربي يعطيك العافيه .. يارب تجيبي النسبه الحلوه
طيب والله تعبتك معايه دام انك مجربه اختبارهم . يكون عن تخصصي فالبكالوريوس ولا عام فيه رياضيات؟؟ ...عقدتها

طيب
اممممم حبيبتي ماتعرفي متى يفتح القياس للجامعيين ؟
لو اختبر السنه هاذي عادي بنفس درجه الاختبار اسجل السنه الجيه ولا لازم اختبار طازه ؟؟
طيب فرضا انقبلت فالموازي اقدر احول عام واحول التخصص :) ولا ماتمشي عليهم


ومشكووووره مره ثانيه

جربت اختباراتهم . بصراحة سهلة وحلوة , بس الوقت مرررررة قليل ومايكفي .

الاختبار مقسم الى 6 اقسام وكل قسم فية من 16 الى 25 سؤال , لازم نخلصها في 25 دقيقة , ويدق المنبة ولازم ننتقل الى القسم اللي بعدوا وممنوع ترجعين للقسم اللي فاتك ولا تنطي للقسم القادم لازم كل قسم بوقتة , تخيلي كل سؤال بدقيقة وبعضها مسائل لازم حساب وتاخذ وقت وانا تقريبا اكثر من 20 فقرة حليتها عشوائي لان الوقت مضى بسرعة .

أنتي تباعي منتدى القدرات ومنتدى يزيد التعليمية , واشتري كتاب القدرات للجامعيين بس ماني فاكرة مؤلف الكتاب , روحي المكتبة واسالي عنة , أنا عن نفسي مااشتريت الكتاب رغم انة مفيد جدا لان انا ماكنت اعرف ان الاختبار بداء التسجيل , سجلت وبعدها بيومين اختبرت يعني بالعربي الفصيح ماحضرت للأختبار كويس , بس تابعت منتدى القدرات ومنتدى يزيد التعلمية وربي أستفدت منهم كيفية حل المسائل , وأن شالله المرة الجاية اكون محضرة للاختبار واحسب حسابي للوقت .

وعادي لو اختبرتي السنة هاذي وبدك تقدمي للسنة الجاية , بس حطي في بالك نتيجة الاختبار مدتها 3 سنوات وتنتهي صلاحيتها فلازم تختبري اذا مضى عن الاختبار 3 سنوات .


أما من ناحية التحويل عندنا في جامعة الملك عبد العزيز مافي تحويل لان تخصصات الموازي تختلف عن العام , والله اعلم .

وبالتوفيق ..

تفداك عمري ياراعيه الفزعات
لو انقبل فالماستر لو بعد 10 سنيين مستحيل انسى اسم كسرت الحواجز وجنبها ورده
ان شاالله السنه الجيه ماتفوتني

يابعد قلبي والله ..

أن شالله تنقبلي بالماجستير عاجلاً غير آجل ,,

ربي يوفقك ,,