اختي ناعمة الخدود
أحب أولا أسجل إعجابي بيكي وبشخصيتك
وثانيا هاقول ما شاء الله لأن العين حق (ما تفتكريش اني باحسدك لا سمح الله)
ربنا أنعم عليكي بالمال والوقت والصحة
والزوج والأبناء
ودي في حد ذاتها نعم جميلة جدا تستاهل الحمد والشكر
وانا متأكدة انك بتحمدي ربنا وتشكريه
لكن انا عايزاكي تشوفي الوجه التاني للعملة
هاحكيلك شوية عن تجربتي انا وأمي
مع ان تجربتنا كمصريين تختلف عنكم تماما كخليجيين
انما اسمعي برضه يمكن تستفيدي
احنا كمصريين معندناش قصور ولا خدم ولا حشم
ما عدا في فئات محدودة وشرائح اجتماعية معينة
لكن الغالبية العظمى من الشعب غلابة ومطحونين
بنشتغل بالعشرة والاتناشر ساعة في اليوم وفي الآخر تلاقي المرتب بيخلص من يوم 10 في الشهر
امي كانت ست بيت
وفضلت انها تسيب الشغل علشان تربي اولادها
وانقطعت عن علاقتها بصديقاتها من أيام المدرسة علشان تتفرغ لأولادها
وما بقالهاش هوايات ولا اهتمامات غير انها تتابع أولادها
الأيام دارت
والأولاد كبروا
انا اتجوزت وأخويا الصغير خلاص هيتخرج السنة دي من الجامعة واحتمال يسافر يشتغل بره
كان المفروض ان أمي تبدأ تفوق وتهتم بنفسها
لكن للأسف كان بعد فوات الأوان
لأن صحتها اتأثرت
ومبقتش تقدر تعمل أي حاجة
حتى الاقتراحات اللي الأخوات اقترحوها (وكلها اقتراحات جميلة ومفيدة ما شاء الله) مينفعش تنفذها
نظرها ضعف ومبقتش تقدر تقرأ
رجليها بتوجعها ومتقدرش تمشي ولا تخرج من البيت إلا للضرورة
إيديها بتوجعها ومتقدرش تشتغل أشغال يدوية
حتى المطبخ مبقتش بتقف فيه زي الأول
وفيه واحدة بتيجي تساعدها كل أسبوع
تنضف البيت والخضار
وهي تحط الأكل على النار وخلاص
انا عايزة أطلع بإيه من الكلام ده كله
لازم تلحقي تستغلي صحتك قبل ما يفوت الأوان
ربنا يديم عليكي نعمة الصحة يا رب
ويزيدك من نعيمه كمان وكمان
لكن شكر النعمة لازم يبقى باستغلالها صح
ومتستنيش لحد ما تلاقي نفسك مش قادرة تعملي حاجة (بعد الشر عنك)
بالنسبة لي انا
كنت لسه من كام يوم بافكر في عكس الكلام اللي بتقولي عليه تماما
سبحان الله مش باقولك احنا تجربتنا الوجه التاني من العملة
كنت بافكر في ان الواجبات أكتر من الأوقات
وان نفسي اليوم يبقى أكتر من 24 ساعة علشان الواحد يلحق يعمل الحاجات اللي وراه
انا شخصيا موظفة
وباشتغل في البيت لأن طبعا معنديش شغالة
ومطلوب مني الاهتمام بجوزي
والاهتمام بنفسي من الناحية الجمالية
ومن الناحية الثقافية (قراءة واطلاع وتعليم واكتساب مهارات جديدة)
ومن الناحية الدينية (عبادات ونوافل وزيادة المعلومات الدينية)
ومن الناحية الاجتماعية (صلة الرحم والأصدقاء)
ومن الناحية الشخصية (هوايات واهتمامات)
كل ده وانا معنديش أطفال
فما بالك باللي عندهم أطفال؟
مطالبين فوق كل ده بالاهتمام بأطفالهم من الناحية المادية (أكل وشرب ولبس)
ومن الناحية المعنوية (تعليم ومذاكرة وتربية وحنان واهتمام)
انا شخصيا شايفة ان أهم حاجة في المرحلة دي انك تهتمي بتربية أطفالك
متزعليش من سؤالي لكن انتي ليه عندك 3 شغالات؟
أكيد واحدة منهم بتاخد بالها من طلبات الأطفال
فيها إيه لو تخليهم شغالتين بس؟
وتخلي أطفالك هم مشروعك
انا متأكدة انك لو اهتميتي بأطفالك كما يجب مش هتشتكي من وقت الفراغ
مش بس من ناحية الأكل واللبس
انما كمان التربية
المفروض محدش يربي أطفالك ويلعب معاهم ويحكيلهم قصص ويعلمهم ويوجههم غيرك
ده أول خط عريض
تاني خط عريض
الاهتمام بنفسك وهواياتك
انا مش هاقولك تعملي إيه ومتعمليش إيه
انتي أدرى بنفسك وبهواياتك
لكن لازم يكون عندك حاجة بتحبي تعمليها
حاجة خاصة بيكي انتي
مهارة معينة تتعلميها من الصفر
أو مهارة موجودة عندك فعلا تنميها
وربنا يخلي الإنترنت مفيش حاجة مش موجودة عليه
وحتى التعليم الإلكتروني موجود لو حابة تتعلمي
تالت خط عريض
علاقتك بجوزك
يمكن يكونوا الشغالين بيطبخوا وينظفوا ويكووا الملابس
لكن فيه حاجات مينفعش غير الزوجة هي اللي تعملها لزوجها
الاهتمام بيه والحنية عليه
حتى لو كان الطباخ هو اللي بيطبخ
إيه المشكلة انك تعمليله أكلة هو بيحبها
تعمليله عصير كل يوم بعد الغدا
تعمليله حفلة مفاجأة وتعملي انتي التورتة والجاتوه
انا برضه مش عايزة افرض عليكي أفكار معينة
لكن اللي قصدي اقوله ان لازم الاهتمام بجوزك يبقى في الخطة
والموضوع ده مش بس بياخد وقت
انما كمان بياخد من تفكيرك وبتحسي ان عندك أولويات في الحياة بدل الفراغ واللاهدف
انا عارفة اني طولت عليكي اوي ورغيت كتير
انا هنا في المنتدى مشهورة بالرغي :)
ويا رب ما اكونش عملتلك صداع

الله يبارك لك فيما اعطاك ويكفيك شر

العين والحسد

دعواتي لك بالصبر والفرج


وان يرزقك شكر نعمته انه جواد كريم

اختي في الله لاتزعلين مني بس اتمنى ان حياتج تكون اسعد من جذية
انا لو اعيش حياتج بموووووت من القهر

اعشق كل لحظة اهتم فيها بصغاري واستمتع بافعالهم وحركاتهم وهم يكبرووون
استمتع بعون زوجي لي في كل شي
بالطهو والاكل معا وتعبي لهم وراحتي لهم وشقائي لهم

ادعوا الله لك بالسعادة الغامرة في الدنيا والاخرة والتمتع بحلالك ومالك وعيالك
ادعوا الله ان يلهمك في فراغك من الامور ماتقوي ايمانك وتكثر طاعتك وقربك من الله عزوجل

خذيها فكرة>>> استغلي مالديك من امكانيات في مرضاة الله
فرب مال اعطاك اياه ربك اختبار منه كيف تصنعين به

ورجائي مني ومن اخواتي لاتزعلين

همسة فس اذنك >>> الحمد لله رغم كل هذا وذاك لازال قلبك طيبا متواضعا من كلامج مااحسج متكبرة او انسانه صعبة المعشر
الحمد لله

لاني اعرف ناس من جماعتنا حياتهم مثل حياتج واكثر وكأنهم في الدنيا محد مثلهم وكأن المقياس في التفاضل مال زائل

جميل ان نكون بسطاء!!!
ممكن نستوي اصدقاء؟؟؟

وفقك الله اخيتي

اقرأي كتب عن تربية الأطفال أقعدي مع أطفالك ألعبي معهم ألعاب كثير تنمي مهاراتهم وقدراتهم العقليه أقراي في الدين
تفقهي في الدين أكثر وماشاء الله بما ان عندك لغه انجليزيه لي ما تستخدمينها للدعوه في النت تدخلين على البالتوك أو أي منتدى وتدعين لأسلام لربما يجعل ربي هداية أحد على يدك
طوري من نفسك شوفي عيوبك وحاولي أن تتغلبي عليها

شوفي ياحياتي أنا مثل وضعك تمام......عندي ثلاث شغالات ومربيه....وطباخه وسواق.....ورجلي راعي عزايم وعمله يتطلب ضيووووف على طول.........


بس والله اني اتمنى هالوقت الفاااااضي......
الصباح أصلي الفجرو أتابع امور البيت حتى يروح زوجي وأولادي المدرسه....وأبدا في الإشراف على الشغالات.... في نظافة المنزل.وأشرف على الطبخ من بعيد.......وأخرج أحيانا تسوق....أو اعطي لنفسي شوية وقت أهتم بجسمي....يجون بناتي من المدرسه.....اعطيهم كل وقتي حتى يتغدون ويدرسون.....يجي زوجي نتغدا وحلاص انشغل معاه..نخرج نروح رياضه نروح زياره أو تسوق...قرب المغرب أشوف عشاء العيال وبعد ينامون شوي أجلس على النت....وأروح آخذ شور وأدخل الفراش بدري جدا...والله اني في دوامه من أصحى حتى أنام..وحتى زميلاتي وأي أنشطه ثانيه أخليها بآخر الإسبوع لأن ماعندي وقت...


حاولي تشغليين نفسك بشي مفيد داخل أو خارج البيت.....ارجعي فكري في هواياتك.....وحاولي تنمينها ...حتلاقين أشياء مدفونه نسيتيها ...ممكن تبدعين في مجالات كثيره بس فكري...

بصراحه موضوعك حلوووو وجاي على وتر حساس .....