تجمع لكل الكروشات في اي شهر ..تعالي نسدح يومياتنا

هلا


انا عن نفسي توني حامل في الشهر الثاني

الوحام متعبني من ناحية الاكل

ما احب اكل

يعني من امس الى اليوم بس اشرب ماي

عندي ولد عمره سنة وخمسة اشهر واسمه عبادي

والله يسهل لكل حامل ان شاء الله

مرحبا اختي

حامل في شهر السابع :icon28: والوحام مستمر معي:09:

وعندي ولدين وهيب عمره 7 ونصف

وهيفر عمره 4 ونصف


وحامل بولد ثالث::icon33: مسكينه نفسها ببنوته

هلا والله اشكرك على هذا المجهود اني حامل بنص الخامس والحين الوحام متعبني وعند بنت عمرها سنتين ونص وتعبانه معاها على تعليم الحمام الله يعين

يؤيؤيؤ
يعني انا اخرج براا احسن
خلاص انا على وشك ولاده عندي بنوووته سنه واربع شهوووور
ربي يسهل ع الجميع ان شاااء الله

هلا وغلا .. ماعاش من يطنشك .. ياختي من زمان ودي ادردش واسولف مع الحوامل .. الله يجزاك خير على هالموضوع الحلو ..

انا عندي بنت عمرها سنتين و3شهور .. وحامل في الأسبوع 14 يعني في اول الرابع .. ودي بولد .. الله يرزقني ولد سليم معافى ..

بصراحه حملي هذا غير الأول .. الحمد لله انا وحامي في بنتي وهذا مايتعبني يعني اكره ريحة الثوم والطبخ عموما .. بس الحمد لله مااحس بغثيان ودوخه وهذا اللي كنت خايفه منه ..

في حملي هذا ذابحني الصداع .. ومن أول الشهر الثاني ملابسي ضاقت علي وبطني كبر بسرعه كأني في الخامس .. صدري بعد كبر بسرعه ويعورني مرره من اول الحمل .. مدري ليه!!

همومي ::: الملالالالالالالالالالالالالالالالالابس .. ياناس ابي ملابس حمل حلوه تصلح للزيارات للعيد .. مدري من وين اجيبها .. ياليت اللي تعرف تدلني ..

اذا ذكرت شيء رجعت اسدحه هنا .. بس الله يجزاكم خير ادعوا لي الله يهون الطلق ويحسن الخلق .. ويرزقني بولد سليم معافى .. ويرزق كل محرومه .. يارب ..