هالموظفه وضعها اصعب من اللي جالسه بالبيت لأنه ثمان ساعات دوام تستنفذ طاقتها ... وتأثر على نفسيتها ومزاجها وحتى علاقتها -بزوجها واهتمامها بنفسها ... انا اشوف انه اذا الوحده شالت الاشياء الزايده من البيت ينظف البيت .. الغرفه اللي ماتدخلينها كثير قفليها .. النوم هو الأساس .. السهر يمرض الجسم والقومه بدري بركه ولاتنسون قوله صلى الله عليه وسلم " بورك لأمتي في بكورها " ... وضروري يكون فيه جدول لبعض المهام تنفذ اسبوعي وشي يومي وشي شهر ي .. وانا اشوف ان الجدول هو الاساس لاتقولون ننظم شغلنا بأذهاننا لا الجدول يختصر عليك وقت وجهد ويحمسك خاصه لما تشطبي على كل مهمه نفذتيها باليوم ... غير كذا الدعاء والصلاة والذكر ... استغلي هوامش الأعمال الطويله بتنفيذ أعمال صغيره .. مثلا الوقت اللي تكون فيه اللحمه على النار وتستغرق ساعه مثلا تسوين حاجات ثانيه مثل التشطيف والغسيل ... استعيني بأحد يساعدك إذا مره مضغوطه مثلا تجيبين وحده بالساعه مرتين بالأسبوع تكوي ملابس .. وتنظف المطبخ عميق وهكذا ... فيه اشياء ممكن تخدمك مثل قدر الضغط يختصر الوقت .. مثل الغساله الاتوماتيك .. مثل غسالة المواعين ... مثل الصحون السفري والسفر واكياس الملابس اللي من عند الغسال ... الترتيب المستمر يخفف الشغل لكن ان راكمتيه بتلاقين نفسك تأجلين كل يوم عموما التنظيف بالغالب ياخذ منك ساعتين من كنس وغسيل وتنظيف وتمسيح ... الوحده تضغط على نفسها بهالساعتين وتحط على شعرها زيت او قناع او اي شي ... وانا اشوف لو الوحده تنظف بالليل فالوقت اللي تكون تحضر فيه العشاء ... والصباح بدري تخليه لنفسها تروق وتتروش وتستشور وتجلس عالنت خاصه بالاجازات .. والموظفه واللي ميزانيتها كويسه ممكن تستعين بوحده تجيها البيت تنتف لها بالحلاوه او تسوي لها ماسكات واستشوار وبديكير الخ ... وبكذا تختصر على نفسها وقت وجهد ... هاه شرايكم فيني :)

انا ام لطفل واحد بيتي غرفتين وصاله ومطبخ وحمام الله يكرمكم وقسم الرجال مجلس وحمام

تقريبا منظمه وقتي اتمنى اكون ادق من كذا

يوميا المطبخ ارتبه من المواعين والمجلى يوميا تنظيف ومسح وسطح الدولاب الطاوله قدر المستطاع نظيفه

طبعا حتى ماحس ان في حوسه كل شئ. بدرجه البهارات الملح والزيت وأشياء المستخدمه بالطبخ وإعداد القهوه
كلها مع بعض

ودرج للمأكولات والمعلبات اكبر درج هههههههه ودرج للأكل الي كميات كبيرة مثل الرز والسكر وماشاابه من الاشياء الي بالكرتون

أحط منه بالحبه بدرج الثاني والرز أحط بالحافظة عند درج الطبخ ع الطاوله فقط الميكرويف

ودرج للأجهزة كلهاااااا ودرج للقدور ودرج لصواني ودرج لصحون الاكل الجماعي هههههه

ودرج لاواني الضيافة ودرج للاباريق ودرج لثلاجات ودرج للمحافظ والمطابق الصغيرة ودرج للمنظفات

ودرج الأكواب والكاسات والفناجيل العاديه استخدامنا العادي

المهم كل شئ مع بعض

وداخل الدوالايب مارتب غير كل اسبوعين الأدولاب الطبخ من كثر ماحوسه يوم عن يوم او يوميا حسب وقتي

الارضيه بالأسبوع مره غسل اما كنس كل ٣ايام مره وبالمكنسه الكهربائيه احسن عالطاير

البوتجاز يوم عن يوم وما احب القصدير المواعين مطلعه فنجالين وكاسين وصحن اكل وقدر ضغط والملاعق ٢كبار٣صغار الثالثه لولدي ههههههه وصينيه وثلاجه قهوة وثلاجة شاهي وابريق هذي غالبا عالطاوله القريبة من المغسله بشكل مرتب أخذ منها واردها لخلصنا

الثلاجة أحاول قد ماقدر تضل مرتبه حاطه لها يومين بالاسبوع

الباب ومروحة الشفط حسب الوقت الفاضي

طبعا شغل المطبخ الي مؤ يومي يتوافق مع شغل اخر بالبيت

//////

غسيل الملابس لطفلي بيوم واحد بالاسبوع

ولزوجي مرتين بالأسبوع يومين والثالث غسيل بس ملابس زوجي تحتاج نقع فكون من اليوم الي قبلها

ملابسي لها يوم واحد

زوجي السبت والثلاثاء وولدي الأربعاء وانا الاثنين

///////:

غرفة النوم ترتيب السرير يوميا غسل الفرش كل شهرين

الدوالايب أرتبها بالأسبوع مره لكن مو كلها سوء الأحد لان مافي غسيل الملابس اذا مختربه وأطبق الي مغسل ومكوى وأيام الاسبوع الاخرى بالاضافة لترجيع المغسل والمكوى ارتب دولاب مره التسريحة مره الكومدينات ومره دولاب العاب ولدي وأغراض مشكله ٦دروج

اتمنى فهمت ها ههههههههه ويوم الباب والغبرة اذا جايه غبره واكنسها وابخرها بخور مو فواحه الفواحه يوم عن يوم وبسسسسس اخلص غرفة النوم

غرفة الضيوف بالأسبوع مرتين واذا احد بيجي اشقر عليها ولدخلتها اخلصها مره وحده
يوم الاثنين والخميس لها

و الخميس ماحط عندي شغل لكن لان الزيارات غالبا بهاليوم فاروح الظهر انظفها


عاد ألازمنه الصاله جلطتني كل يوم تنظيف كنسسسسس وامسح التلفزيون والارفف وكلهااا

لان زوجي ماحب الحوسه وهو الي يحوس

المجلس يوم عن يوم كنس اخاف يجي احد فجاءه فشله

والحمامات يوميا الارضيه والمغاسل يوم عن يوم طبعا كل حمامات البيت بيوم واحد

اتمنى اكون أفدتكم طبعا ما ذكرت الكوي لانه جالطني للحين مارتبت وضعه اهم شئ زوجي يوميا اكويله نادرا أكوي مجموعه اتنرفز الله يعين