تجمع لكل من استخدم حبوب glutathione لتبادل الخبرة والتجارب//قديم

هالموضوع دردشة حابة فية نتبادل التجارب مع حبوب glutathione اللي صار لها ضجة اعلامية كبيرة واللي ماادري عن صحتها

قبل كل شي ما ابي اي ردود تقول مضر خطر حرام .. الخ ... انا اللي اسوية مقتنعة منة وراضية بنتايجة من قبل لا ابداء فية .. فــ بليز وفروا النصايح اللي في كل موضوع تحطونها .. احنا نبي تجارب علشان نفيد المهتمين فيها مو غيرهم

عموما ... انا عمري 22 بياضي متوسط يميل للحنطي احيانا ... بشرتي غير مشرقة قريب من لون بشرة الفنانة اممم مدري كل اللي اعرفهم من الممثلات والفنانات تغيروا يعني على سبيل المثال (اميرة محمد البحرينية ) صارت شبة بعد ماكانت رمادية وش مسوية بعمرها مدري يعني السالفة ماهي بس وجة الا رقبة ويدين وسيقان شي يدعوا للتشجيع انو احنا ممكن نتغير

عموما انا بديت فيها من العشر الاواخر والى الان .. يعني صار لي تقريبا 17 يوم
آخذ بنسبة 20 ملقرام للكيلوا الواحد بالجسم يعني اخذ 1000 ملقرام يوميا مع فيتامين سي بنسبة الضعف يعني 2000 ملقرام ...... موزعة على ثلاث مرات باليوم ... اخذها قبل الاكل بنص ساعة او اكثر
وناوية استمر عليها لمدة شهر بس .. لانة حسب معلوماتي اذا البشرة فاتحة يكفي لها شهر

اخذت هالحبوب من برى طلبية (وصيت عليها اخوي قبل مايجي اجازة في رمضان )

اللي اعرفة انة فية نسبة اعلى ممكن اخذها تقريبا 40 ملقرام للكيلو الواحد بس انا ما اقدر عليها
لان الكمية اللي عندي يادوب تكفي

النتايج ............. لحد الان ماشفت اي نتيجة ولا اي نضارة ولا اي تغير .... البشرة هيا هيا والبهتان هوا هوا
يعني لاتفتح ولا نضارة ولا غيرو

بس انا اقول توني بنص الطريق ... لكن لما افكر اقول وش اللي يمنع ان النتيجة تضهر بالتدريج ؟
مو معقول من يتم الشهر تبان النتيجة بتمام الشهر علطول ...المفروض بالتدرج تبان النتيجة.. لكن مالاحظت اي شي

اي اثار جانبية مالاحظت

ممكن نشوف تجارب غيرنا .. والله همتكم وبدون مبالغات ولا تخيل ولا فلانة قالت ...ابي شي عن تجربة بليززز