تجمع لكل وحده قاعده تتقضى لزواجها

السلام عليكم ورحمة الله وبركآآته

كيفكم يا عروسآآت ؟؟

وكيف النفسيّه ؟؟

<=- نفسيتها زفت الله يكرمكم مع ان زواجها اقي له اكثر من شهريين :(

حبيت من هالموضوع نستفييد من بعض ،خاصه اللي قاعده تجهز لزواجها

حتى اللي تزوجت او لسى بدري على زواجها وعندها شي يفيدنا ياليت تقول لنا

تكفوون ابيكم تساعدوني وتتقضون معي ،انا اكبر خواتي وامي ماعندها خبره في هلااشيا ،ومعتبرتكم انتوا مثل خواتي ،فياليت ماتحرموني من مساعدتكم :26:

اول شي وهو المهم ،،فستان الزواج

وين ممكن احصل فساتين فخمه وبنفس الوقت اسعارها حلووه ،، يعني ماتتعدى 3000 بالكثيير
<=-فستان حق كم ساعه حرام نشتريه غالي خاصه ان عاداتنا في الزواج ،مافيه زفه قدام خلق الله ،، بس قدام المقربين من الاهل
وفساتين السهره ،، ثنين بالكثيير ،، وين ممكن احصل فخمه ؟؟

يمدحون المتنبي ،، بس شفت كم فستان منهم ،احس خرابيطهم كثييير

بعدين الجلابياات ،،
بشتري لي 5 جلابيات تقريباً ،، ابيها فخمه مثل حقات الكويتيات ،، بس بسعر معقوول ،ياليت اللي تدل سوق او محل يبيع مثل هالجلابيات يدلني عليها

التنانير ولبس البيت
،، امرها هيّن ،،كل الاسواق تقريباً اسعارها وحده ،، نفس الشي الماركات ،،اسعارها ثابته وعارفتها

ملابس النوم وشلتها ،، ابي اسواق تبيع تشكيلات حلووه وناعمه ،، مايهمني اشتري من هالماركات ابد ،لاني اعتبرها خساره عالفاضي ،الرجاجيل مايدرون وين ربي حاطهم ولايفرقون الماركه عن غير الماركه
اممممممم شبعد

الذهب طبعاً ،مخليتها على امي لاني ما اعرف لسوالف الحريم ذي ،،بس بشتريه ديكور للناس ،ومستحييل البسه الا اول كم يوم وبعدها افكر ابيعهم واشتغل بفلوسها بلاسهم اصرف لي ههههههه <=- امحق معرسه ،،شكلي بسحب على زوجي هههههههههه
امزح
،بس احس ماله داعي كثرته

العطوور
بشتري لي 9 او 10 عطور ،،ياليت تقترحون لي اسم كم عطر حلوه ،،ويقولون البنات رايهم فيها اذا يعرفونها،، هذا غير المخلطاات


مكيااج ،، ابي اشتري ولا ادري احسن ماركه وشي ،، ابي اهم شي كريم اساس حلوو وتغطيته حلووه
وبودره ،، ولمعه للوجه والجسم

وكحل حلو اسود وثابت ،، والباقي تقريباً بشتريه من ماركة مكياجي ،، اشياءه حلوه وعمليه
،،
بعد فيه اشياا كثييير انشالله ارجع بوقت اكون فاضيه فيه واكمله معكم

انا عن نفسي ،، البنات يمدحون لي الاندلس واسواق مكه لفساتين الزفاف،،
بروح واشوف وش عندهم انشالله بس بعد الاختبارات

وفساتين السهره يمدحون لمسه طيبه اللي قدام اسواق العليا مول ،، ما ادري يا بنات اللي تعرفه ،هو صدق يستاهل مدحهم ؟واسعارهم بحدود كم تقريباًً؟؟

والمكياج مثل ماقلت لكم ،الاغلب بشتريه من مكياجي

وملابس النوم ،يمدحون الهرم يقولون عنده اشياء خياااال وباسعار روعه

،،،نسيت اهم شي

بنات اللي تعرف مكان اسوي فيه حمام مغربي وتنظيف بشره تدلني عليه ،،ابي شي مجرب الله يخليكم
تدرون ماعاد باقي شي على الزواج واخاف اتوهق عن\د احد يخرب لي بشرتي وماعاد يمدي اعالجها

وبعد ،،ابي مكان اصبغ فيه واقص شعري يكون حلو ،واسعاره حلووه ،،لا احد يقول لي مشغل مدري شسمه والقصه عندهم بــ1000 ،، ترى مهب من كثر المهر هههههههه


سمعت عن مشغل السحر الحلال في الروضه ،وما ادري اذا احد يعرفه ولاا لاا ؟؟ يعني شغلهم حلو في القص والصبغ ؟؟

يلاا يا بنات ،، اتمنى كل وحده تقضت لزواجها او قاعده تتقضى بهالوقت تقول لنا وش شرت ومن وين بالظبط وكم اسعارها ،، كل شي بالتفصيل ،علشان محد يغثها بلاسئله

يلاا نتساعد مع بعض ،، وياليت تثبتون الموضوع ويكون مرجع لكل وحده قاعده تتقضى لزواجها :26:

عندي اضافات ،انشالله ارجع واكتبها لكم
واللي تتذكر شي مهب يخطر على البال من المقاضي ياليت تذكرنا
:26:

اشوفكم على خييير انشالله:26: