ماراه مو حلو كذا

السلام عليكم
انا من قبل سنه كتبت عن مدرسة الروابي الخضراء واني حأنقل بنتي منها وكانت G1 يعني اولى بس مانقلتها خليتها فيها الصراحه ماندمت كانت مدرستها مس علياء اكثر من راااااااااااااااااااائعة من جد مربية اجيال الله يجزاها كل خير ماشاالله في الأخلاق والتعليم قمة بنتي مررة استفادت منها وكمان المديرة اللي مسكت مديرة المنارات غيرت انظمة كتير بس في شوية ملاحظات النشاطات الخارجية قليلة ان شاالله يهتموا فيها هذي السنة وسجلت بنتي السنة الماضية الصغيرة KG1 الصراحة مو كويس نفس المدرسات كويسين لكن ادارتهم مس بيرني امريكية مو قد كيدا واحسها بااردة
والصراحة كان في تصليحات في المدرسة كاملة عند استلام النتايج وعلى فكرة انا كان عندي ملاحظة اول على حمامات (اكرمكم الله) الصغار اما السنة الماضية كسروها كلها وجددوها وكانت تجنن وعلى قدهم حتى المغاسل صغار بس عتبي هذي السنه على الأسعار مرررة علوها بالذات للروضة KG صارت كلها ب 12 الف احسها مررة كثير لكن بنتي الكبيرة G2 ان شاالله حتكون فيها بس في الروضة حيكونو ماشاالله 2 كتير عليهم 24 الف وخايفة يكون المستوى زي اول هذي معلوماتي وسامحوني على الاطالة وافيدونا للي عندهم خبرة

رفع

مدرسة ثامر العالمية جدااااااا قويه منهجها بريطاني
ميزاتها مناهجها قويه جداااا ولا غبار عليها من بداية السنه يعطو جداول با الاختبارات للترم كامل عشان تكوني مستعده نهايه كل اسبوع تعطي ايش راح يدرسو و ايش المطلوب منهم مثل اي مدرسة اخري عالميه لديهم حصص دين و عربي منهج لبناني و كمان مؤخرا انضم لهم منهج الوزارة في الدين و العربي
عيوبها زحمه زحمه زحمه زحمه :)

محتاجين معلومات جديدة في هالموضوع خصوصا بهالوقت اغلب الاطفال على وشك المدارس والامهات اللي اول طفل لهم زي حالاتي ماعندهم اي خلفية عن المدارس
الله يجزاكم خير