ولدي عمره سنتين وشهرين ماينطق ولا كلمه وترتيبه الاخير وماشاء الله اخوانه واخواته كلهم يتكلمون بالسنتين الا هو وتعاملي معه زي اخوانه وهو ماشاء الله يسمع ويفهم بس مايتكلم

انا بنتي لها سنتين وثمان شهور
ماتكلم ولا حتا تفهم عندها إخوانها اكبر منها واحد ست سنوات وواحد خمس سنوات وتكلمو علا طول بس هي لا
رغم ماعندها لا ايباد ولا حاجه بس احيانن تشوف طيور الجنه
حتا لما تبي حاجه ماتعرف تطلبها او حتا تصيح
حتا رضاعتها ماتعرفها

انا بنتي 4 سنين وكم شهر تنطق كم كلمه بس ..ونطقها غلط بس افهم عليها ..تفهم علي اذا قلت سوي وجيبي وتعرف اسماء الالوان والحيوانات بس مستحيل تنطقها عجزززت فيها
دخلتها روضه ترم بس تحسن سلوكها شوي وماكانوا يهتموا فبها لانها ماتتكلم
بدخله السنه الجايه ان شاء الله ويااارب تتحسن
دعواتكم ان ربي يحلل عقده لسانها

السلام عليكم موضووع جميل طفلي كان عمره 3سنواات ويتكلم كلام مومفهووم وكل من سمع كلامه يقول هندي هالولد هههههههه:eek: وديته الدكتور كشف عليه طلع كل شي سليم عنده قالي بتخليه عند التي في قلت دايم عند طيور الجنه قال هذا السبب لاتخلوون اطفاالكم عند الﻷكترونيات والأنااشيد وربي هذه اللي تدمر الطفل وبعضهم يجيهم توحد الله يحفظ عياالنا من كل شر ويديهم الصحه والعافيه

السلام عليكم


بشروني كيف عيالكم يارب تشفيهم وتنطق لسانهم


انا بصراحه بس كملت بنتي 3 سنوات ماعد قدرت اسكت قلت كفايا كذا


وديتها عند دكتورة تخاطب في مركز التواصل بالرياض وانا اساسا من الرياض وسويت جلسه ثم غيرت المركز الى مستوصف الشعلان عند الدكتوره زينب


كانت الجلسه 200 ريال سويت لها تقريبا 12 جلسه في الاسبوع جلستين


اول جلسة تجلس مع الطفل وتقيم حالته وتعرف وش مشكلته


وبعدها تحدد الجلسات
سألتها هل انا تاخرت قالت لو جيتي بعمر السنتين مانقدر نسوي معها جلسات لانها صغيره بس نوجهك وش تسوين بالبيت


دخلتها الروضه كمان بنتي الان عمرها 4سنوات 4 شهور


والحمدلله الذي بحمده تتم الصالحات تحسنت كثير ماشاء الله نقدر نقول بنسبة 80% المشكله اللي تواجهها الان هي نطق بعض الكلمات غلط وان شاء الله تتحسن مع الوقت



اللي اقدر اساعدكم فيه اخواتي العزيزات لاني مرايت بوقت كنت خايفه وقلقانه وابحث عن حلول ومساعده والموضوع لو فيه 1000 رد ماعندي مشكله اقراها كلها بس احصل فايده


بتكلم لكم عن تجربتي الشخصيه في علاج بنتي واتمنى منكم الدعاء لي بظهر الغيب ان الله يريح بالي ويرزقني ماتمنى


لازم تلاحظين طفلك متاخر او لا من عمر السنتين او اقل كل ام تعرف اذا طفلها متاخر او لا لا تهملين وتقولين بكره تتحسن لازم تتحركين
بنت لحظت تاخرها بعمر السنتين بس كنت اقول بكره تتلكم من سنتين ونص بديت اتضايق من كلام الناس ومن وضعها اللي اصغر منها تكلم وهي باقي حاولت اعلمها ع الايباد صور حذفت طيور الجنه بس بعد سته اشهر مالحظت تحسن الا شيء بسيط
سجلتها روضه ورحت عند اخصايئة تخاطب وخلال سنه تقريبا بدينا نتحسن شوي شوي خطوه خطوه
في محل فناتير للي ساكنين بالرياض وخذي صور والعاب تعلمية فيها صور الفواكه والحيوانات والالون مرا فادتني حتى مع بنتي الثانيه واجلسي مع طفلك سولفي معه العبي معه طلعي الصور اللي اشترتيها واساليه وعلميه خلي نبرت صوتك عاليه كرري عليه الفواكه و الحيوانات بكون فيه قسم في فناتير مخصص لتطوير اللغه مرررررررررا حلو هذا المحل
ان شاء الله بتحسن خلال شهرين اذا ماتغير ابدا روحي عند اخصائية تخاطب وخليها تشخص الطفل
بس يكمل الطفل 3سنوات وما تكلم لازم اخصائي تخاطب ودخليه روضه وتفرغي له حتى يتحسن


وملاحظه بنات مع جلسات التخاطب انتي ناظري الدكتوره وش تسوي وتعلمي منها عشان تطبقينها بالبيت بتلحظون كيف الدكتوره ترفع صوتها مرررا وكل طريقة تعليمها عن طريق الالعاب مرا بتستفيدون


الله يشفى اطفالكم ويلبسهم ثياب الصحه والعافية ...