اختي واااااااااااااااااو

اني عندي الاسبوع الجاي موعد

وان شاء الله اسأل لج

بالتوفيق ان شاء الله

والله يخلي لج اولادك ويرزقك بالذرية الصالحه ان كانو بنات او اولاد

بس هل انتي حملتي بالولدين بعد بعملية اطفال انابيب ؟

هلا حبيبتي حلا انا اولادي فديتهم حملت فيهم بحبوب كلوميد الاول من اول شهر والثاني من المحاوله الثانيه بعد كلوميد بس الحين حاولت بالابر ولا فاد وتلقيح صناعي ولا فاد والمشكله مني ومن زوجي صارت عنده حركة الحيونات المنويه 20% بس يعني عنده ضعف ف الحركه وانا ضعف ف التبويض واخذ المنشطات ويكون الحجم اوكي بس ربي للحين مااراد يااااااااارب يكتب لنا الخير وين ماكان ويسعدنا جميعاً

الله يخليهم لج يا اختي وهو القادر ان يرزقك بنين وبنات

بالتوفيق للجميع

هلا بخواتي واهل ديرتي
الحمدلله بديت مع هالدوره من ثاني يوم ابر في اليد ومن ثالث يوم ابره الجونال اف لمده اسبوع وكانوا 75 وزادت عليهم عليهم لمده 5 ايام 225والحمدلله صار عندي 20 بويضه واحجامهم ممتازه وخذيت ابره التفجير تاريخ 17/11 ويوم 19/11 كان عندي عمليه السحب وكنت بصراحه خايفه لأن كانت عندي تجربه من قبل يوم سحبوا البويضات اطلعوا بدون حويصلات يعني فارغين والحمدلله صار السحب واطلعوا عندي 13 بويضه والحمدلله زينه وقالولي انهم راح يتصلون لي يايوم الجمعه او السبت وللحين مااتصلوا والحين وايد خايفه انه ماتلحقوا لأني اتصلت العياده قلت يمكن يردون عل ولكن ماحصلت احد يرد. وقلت بكره باروح العياده باراجعهم ان شاء الله خير والحمدلله متفائله هذي المره بس لازم الواحد يصيده وسواس
سامحوني قصيت عليكم قصه حياتي ههههههههه

حيا الله شوق البحرين

هلا والله

موفقه يا الغاليه بس ماقلتين لنا في اي مستشفى بديتي ولا شنهي المشكله في تاخر الانجاب ؟

واحنا ننتظر اخبارج بفارغ الصبر