تجمع للبنات اللي يلبسون العبايات على الراس

حياكم الله
الله يثيتنا ونستمر
ماادري وشلون اوصف عبايتي
تذكرون العبايه الي على الراس القديمه المحتشمه
كان البعض يضع لها مايعرف ب (الطق طق) :)
عشان ماتنفتح العبايه اثناء حمل الاغراض او حمل الطفل
الان بدل الطق طق العبايه مخيوطه بالكامل مافيها إلا فتحه للراس
يعني اذا حملت طفلك أواغراض بكل يديك ماتنفتح
وحتى لو لعبتي كراتيه...لا يمكن تظهر شئ
وأنا اشتريها جاهزه من اسواق طيبه والقدس
هذه عبايتي
لااكمام ..لاكريستال...لاشئ
في وحده قالتلي ...عبايتك عبايتنا اذا رحنا للبر
رديت عليها :)
فليقولوا عن حجابي ف وربي لن ابالي
لبسته مرضاة لربي وستراً ولست ابغية زينة فوزرا

مشكورة حبيبتي والله عجبني ردك انا عبايتي الحين زي طريقة عبايتك بس احسها دايم تطيح من على راسي والله تفشلت قدام زوجي من كثر ماتطيح فودي بطريقة عباية غير اللي عندي

انا عبايتي ام طقطق اللي تقول عليها كراميل
ساده ما فيها اي حركات
اختي تلبس اللي تجي فيها فتحه من قدام وتحتها قطعه ساتره ...مرتبه بس ثقيله ما أحبها
احب اشتري صالونه رقم واحد ويكون خياطها عادي مافيه اي خرابيط
طبعاً الطقطق من الوسط وكنت اشتري اللي طقطقها على الجنب بس هالسنه غيرت
احبها تكون خفيفه طير وانا ألبسها
وأكثر قماش اكرهه الثقيل اللي اذا لبسته احس رقبتي بتنكسر
شفت الفراشه على الراس حلوه بس وسيييييييييييييييييعه قووووووووووووووووووووه
تصلح لبنت
اما انا لو بشريها بحوس بقماشها انا وولدي
ترى الفراشه على الراس مثل عبايات أول بس عريضه بزود

وشفت بعد اللي تجي على الراس وتنزل على الكتف اذا بتروحين مكان ما تفصخين العباة فيه ترمين بس الراس لورى وتبقى العباة على طولها ما تسحب على الأرض
عجبتني ...بس القطعه اللي على الراس جاي خياطها غلط ...يعني باين انها موصوله
ودي فيها بس ابي شكل ازين
انا شفتها عند بدون اسم اللي شافت تفصيله حلوه تقولي وين
صراحه موضوع حلو ...بس يبي تفاعل

موضوع رائع وجاي في وقته
حاليا عبايتي كلها طقاطق من فوق لتحت وقماشها خفيف بس ودي بوحدة سوادها فاحم وقماشها ما يتكرمش
وش أحسن نوع قماش يخدم يابنات

انا عباتي من بدون اسم

مهوب طقطق

لا سحاااااااااااااااااااب من فوق لتحت

فصلتها عندهم عشان تصير وااسعه مره

الصراحه السحاب مره حلو ومخفي مايبين