*رتاج* :

غريبة والله ما بتحبي الميرمية :mad: :mad: الميرمية ختم الجودة للفلسطينية هههههههههه انا ازا بدي اشرب شاي لحاله بشرب شاي اخضر اللي بنكهة النعنع و ازا بدي مع الفطور او العشا لاااااازم ميرمية ولا ولا يمكن اشرب الشاي ههههههههه بالنسبة للأنابيب انا حكيتلك انه جوزي راااااافض العلاج حاليا طبعاً لئنه في ناس من برا تدخلوا بيني و بينه و تكلمو بالموضوع كتير و هو عند و خلصصص حط نهاية للموضوع و حكالي انتي بعدك صغيرة و انا بعدني صغير خليها لبعدين و انا لما احس انه الموضوع تأخر بتعالج طبعا لا انا صغيرة ولا هو صغير بس خلص سار الموضوع عنا :icon33: و احنا ازا حنعمل العملية حتكون بالكويت لئني ما بقدر اسافر الاردن لظروفي بالشغل و مبارح ما حدا عبرني من اهل جوزي هههههههههههههههه :hahaha: ضليت بالبيت بلكي اليوم حكيت معهم و اشوف شو اخبارهم

غريبة والله ما بتحبي الميرمية :mad: :mad: الميرمية ختم الجودة للفلسطينية هههههههههه انا ازا...

فراشة حيرانة :

مو اني بكره الميرمية بشربها بالشاي بس مو مفضلة عندي المشكلة لما يتدخل حدا طيب انتوا ليش تدخلوا الناس باموركم الخاصة اكيد رح يزعل ويعصب لانو هاد الموضوع حساس وبأثر على نفسية الرجل كنتوا عملتوا التحاليل على الهس وما خبرتوا حدا بتعرفي انا مرتين صرت عاملة تلقيح صناعي ولا مرة حكيت لحدا ولا حتى لامي ما بدي حدا يعرف زوجي بقلي لازم تقولي لامك خليها تدعيلك قلتولوا امي بتدعيلي من غير ما احكيلها اشي ورح تضل قلقانة ولو ما نجحت العملية رح يزيد همها وهلا كل ما حدا يسالني بقولوا كل شي بايد رب العالمين وبس يكتب ربي بحمل انتي بس يرجع بمدة اقعدي معو واحكي بهدوء وان شاء الله ربي يكتبلك الحمل حبيبتي عن قريب يسلموا على الرابط شكلها يمي بس ما فيه صور رح اعملها بإذن الله بس مش رح احط بيض عالبشاميل زوجي بكره يشم ريحة بيض بالاكل وانا بعملها بالعادة بلا بيض

مو اني بكره الميرمية بشربها بالشاي بس مو مفضلة عندي المشكلة لما يتدخل حدا طيب انتوا ليش...

*رتاج* :

المشكلة انه انا نهائيا ما حكيت لحدا بس مرة كنا عند اهله و سار ابوه يحكيلي بمواضيع الحمل و اعطاني كم كلمة زي الزفت بس هو حرام مو قصده انتي بتعرفي الزلام الكبار بعرفوش يحكو بالمرة فجوزي لما شاف ابوه عم يحكيني بطريقة مو حلوة حكى مرتي ما فيها اشي انا عملت تحليل و ما كان كتير كويس و حكى لأهله انه خلص هادا الموضوع بإيد رب العالمين و احنا بنعرف مصلحتنا و قبل ما سافر جوزي راح يشوف اهله لحاله و طبعا ابوه شافه لحاله و بلش يحكي معه فلما روح جوزي عالبيت كان وجهه :mad: وحكالي انه ابوه كلمه و قعد يحكي معه بالموضوع كتييييييييييير و انا جوزي بعرفه من النوع اللي عنيييييييد عالاخر فلما شفته مسكر عالموضوع و مأجله ما حبيت اكلمه عشان ما اخلي نفسيته زفت بزيادة الله يجيب اللي فيه الخير و كل تأخيرة فيها خيرة و بالنسبة للبشاميل انا كمان ما حطيت بيضه عليه بس ما شاء الله طريقتها كتييييييييييير طيبة

المشكلة انه انا نهائيا ما حكيت لحدا بس مرة كنا عند اهله و سار ابوه يحكيلي بمواضيع الحمل و...

فراشة حيرانة :

الله يفتح عليكم يا رب ويرزقكم الذرية الصالحة ما شاء الله عليكي حبيبتي الله يحميكي شو بحسك طيوبة وقلبك ابيض منيح انك ما حكيتي معه كان عند بزيادة خلص شوفي اي وقت بكون رايق ومبسوط واحكي معه والله يكتبلكم الخير كنت بدي اسألك وين بتاخدوا الشقق بعمان لاني حايسة ومش عارفة وين في شقق زي العالم وبتعرفي مو اي مكان بتاخد فيه فاهمة علي طبعا لساتني ما عملت شي للاجازة وكمان عندي نقل بدي ارحل عبيت تاني بس الاقي بيت طبعا وهالشي قبل الاجازة والله حاسة حالي مكركبة وزوجي بحكيل يخدي موعد عند الدكتورة مش عارفة ما الي نفس اخد ادوية ولا ابر يا ربي شو بتعب من المنشطات حتى زوجي بحزن علي بقولي وضعك بحزن مع هالادوية وكل يوم روحي عالمستشفى غزي ابر المرة الماضية حكيت هي اخر مرة بروح اخد الابر في المستشفى ازا صارت واخدت ابر مرة تانية بدي اغز حالي من حالي زوجي انهبل قللي عندك جرأة تغزي حالك قلتلو لكان بضل رايحة جاي وهاي لشو الابرة وليش ومن هالحكي بفكر اعمل تحليل للاجسام المضادة هو الوحيد اللي ما عملته بدي اروح اشوف الدكتورة الله يكتب اللي فيه الخير

الله يفتح عليكم يا رب ويرزقكم الذرية الصالحة ما شاء الله عليكي حبيبتي الله يحميكي شو بحسك طيوبة...

*رتاج* :

الله يخليكي يا ربي حبيبتي و ان شاء الله لييجي من السفر بسير خييير بالنسبة للشقق جوزي بحب ياخد اما بالجاردينز او بشارع الجامعة الاردنيه بس المرة الجاي رح اخد شقة تكون قريبة من منطقة اهلي اسهل علي عشان كل يوم رايحة جاي عندهم و على فكرة اكتر الناس بتاخد شقق بشارع الجامعة هناك المنطقة كلها بتكون تأجير للي نازلين من الخليج و حلوة كتير و هاديه بس المشكلة غااااااالية انتي مدامك سليمة ليه عم يعطوكي ابر ؟؟ هي للتنشيط يعني ؟ طيب و جوزك كمان فحص و سوا كل تحاليله؟ انا بالنسبة الي ما تعالجت غير بس بدوا اسمه نوربرولاك للهرمون عشان ينزل لسا ما بلشت المشوار مع الابر الله يفرجها يا رب والله هالمواضيع هاي كلها بتكلف كتييييييييير الله يعينا عليها بنخلص من شغلة بتيجينا شغلة تانية انا سمعت انها بالكويت بتكلف 1000 - 1500 دينار كويتي

الله يخليكي يا ربي حبيبتي و ان شاء الله لييجي من السفر بسير خييير بالنسبة للشقق جوزي بحب...