السلآم عليكم ورحمه الله وبركاته
كل عام والجميع بخير .. ومبارك عليكم فيما تبقى لكم من الشهر
هذا تجمع للطالبات المقدمين على المرحله السابعه
( بكالوريوس وماجستير ودكتوراه )
بجميع التخصصات ..
ومن خلال هذا التجمع بنساعد بعضنا على كل شي ان شاء الله
واللي قدمو بالمراحل السابقه وانقبلو وابتعثو مافي مانع تشاركونا وتساعدونا كمان
لأن ما نستغني عن خبراتكم ..
وشي ثاني كمان بنعرف وش رغباتكم اللي اخترتوها والتخصص
وكيف اوضاعكم مع محارمكم وكيف اقنعتو الأهل بها الشي ووافقو ..
اتمنى التفاعل من الجميع
وان شاء الله موضوعي مايكون مكرر
** *همسه لمشرفاتنا الأفاضل ..
اذا شايفين الموضوع يستحق التثبيت ثبتوه
واذا ما يستحق انقلوه للمحذوفات
وياليت المتقدمات على الابتعاث يفيدونا لاني لسى ماتخرجت
وحابه أسأل كثــــــير اسأله مالقيت اجابتها في النت بوضوح
اولاً هل الابتعاث يوفرون لي سكن والا بس يعطوني راتب وانا اختار السكن وادفع من هذا الراتب ؟
ثانياً هل لازم يكون عندي لغه قبل ما اروح لان ماشاءالله تعليمنا الدراسي في اللغه فوق الممتاز ههه ؟ وهل اقدر اروح وانا لغتي ضعيفه جداً واتطور عبر المعهد والدورات في اللغه الانجليزي ولا ماينفع لازم اجي عارفه نصف اللغه واكمل الباقي ؟
(لان ها الشيء مسبب لي احباط وتعب )
والثالث هو هل التخصصات المتاحه للابتعاث في الماجستير تتغير كل سنه وهل ممكن يحطون اقسام نضريه مثل التربيه الخاصه او علم النفس اوهذا الشي صعب ؟
استفسارات بسيطه اتمنى من تملك المعلومه ان تلقي لها بالاً