باختصار

انا كنت اتابع مع د صباء وكانت كويسه وامورنا تماااام
وكان معاي سكر حمل
وقالت انا مااقدر اولدك اذا جتك الولاده بتولدك الطبيبه المناوبه


المهم انا دخلت التاسع ومعاي سكر وكل ماجيت موعدي تقولي راح تكملي التاسع ووضعك كويس وراس البيبي تحت


المهم انا بطني كبر مرررره عشان السكر
جيتها وقلت لها
قالت عادي
وانا الي اعرفه الي معها سكر حمل لازم يولوها

جيتها في الاسبوع الثالث من التاسع بطني كبررررر مره
قامت تسالني تبين تولدين قلت لها ايه
( دكتوره وتسالني :mad:)


المهم دخلت للولاده وعطوني تحاميل يوم كامل لحد مافتح 4سم
وودوني للولاده
واليوم الثاني خذت ابره الظهر مع د التخدير عراقي ((( رائع الدكتور هو الي انقذني الله يجزه الف خير ))
اعطاني ابره الظهر بناء على طلبي
وجلست في غرفه الولاده من الساعه 10 الصباح وكل ساعه تجيني دكتوره وتطلع وتقول مافتح وقف الرحم عندك
وراحت القابله الي عندي وجت قابله ثانيه ماقعدت عندي تطل علي وتروح :mad:تخيلوا مافيه احد عندي
والدكتورات مايجون لين انا اطلبهم يعني ممكن اقعد ساعه محد جاني ولا شافني
وكنت احس بالم خفيف باسفل بطني وورجلي اليمين والمفروض الي مااخذه الابره ماتحس بشي
وجت الدكتوره الساعه 9 بالليل وكشفت علي دكتوره جديده طبعا اول مره اشوفها
قالت الرحم فتح بس 6 سم وراس البيبي اصبلا مو تحت
( وصباء وكل الدكتورات يقولون راسه تحت )
بنحولك عمليه لان البيبي بدا يتعب من الطلق الصناعي

انا خفت خصوصا انهم قالوا لي بنج نصفي وانا قاعده احس بالم تحت
وقعدت اصيح واقولهم انا احس والله احس
وللاسف محد صدقني يقولون هذا من الخوف لاتخافين ومااراح تحسين

دخلا غرفه العمليات الساعه 9 ونص وجاني دكتور التخدير نفس الي اعطاني الابره
قلت يادكتور احس والله احس قال مافيه شي الحين بتولدين
المهم حطوا بيني وبين بطني ستاره عشان مااشوف قالي الحين تحسين بشي قلت لا قال الحين فتحنا بطنك
( طبعا كان يكذب )
وانا ساكته واحس بالالم نفسه
بعد خمس دقايق حسيت يابنات والله العظيم بشي شق بطني صرخت صرخه قويه ( كان المشرط ) توهم يفتحون بطني
(((( تخيلوا فتحوا بطني وانا احس )))
الا قال الدكتور لحظه دكتوره اماني وقاموا يتكلمون بالانقليزي والدكتور عصب ويدعي على القابله الي كانت معي ويجتمعون علي 3 دكاتره مدري من وين جوا
ويقلبوني على جنب ويشفون الابره من ورا كتفي ويتكلمون صار المحلول مايمشي كويس
وانا قاعده احلف لهم الصباح محد صدقني :44:
قام الدكتور واتذكر انه عراقي يقراء علي وقالي لاتخافين انتي ان شااء بتقومين بالسلامه وهذا وعد مني وانا ابكي ابكي
قعد يقرا
والثنين الياقين يعططوني البنج( بنج كامل )
والله يابنات شفت الموت وقعدت اتشهد :44:
بس الحمدالله الي ربي رزقني بالدكتور هدا والحمدالله على كل حال جربت معهم كل انواع الطلق وانواع البنج

وهذي قصتي معهم دكتوررررات فاشلات وقابلات افشل من الدكتورات:mad:

يووووه ياميلان خوفتيني
الحمدلله على سلامتك
وصدقيني الولاده تساهيل من عند الله
لا دكتوره ولامستشفى الي ربي كاتبه بيصير
والله ييسر لنا عباده

http://forum.hawaaworld.com/showthread.php?t=3577302

الحمد الله على سلامتك ميلان ومشكورين على عرض تجربتك
يؤؤؤؤؤ والله خوفتيني يااااربي سهل لي ولادتي ولاتخليني احتاج احد غيرك
وان شالله ياميلان تنذكر ماتنعاد

بس انتي سكر المفروض ماينتظروون عليكي كثيييير
وحركة إبرة الظهرة ... سمعت كثير يقولون ما كان مفعولها قوي حسينا بألم الولادة؟؟ يعني الخطأ منهم ولاهي كذاا ممكن تحسين ناويه أخذها الله يكتب اللي فيه الخير

يا للهول .. وانا ذابحه نفسي ابي صبا ولا ابي غيرها !!

بس هي اللي ولدتني ببنتي وكانت رائعه معي ..

طيب يمكن البيبي لف باخر لحظه مو معقوله كان وضعه غير وهم ساكتين وبعدين راس وش كبيره يبين انه تحت ..

صدق التيسير من الله لا دكتوره ولا مستشفى