الله يسهل علي جميع الحوامل ويهون عليهم
نوشه توكلي علي الله الدكتوره نضال جدا شاطره وخياطتها رااااائعه
الله يسعدها وين ماراحت

بنات اليوم رحت لموعد المراجعة مع د.آية وحابة اقول لكم على بعض الاشياء لاني نشبت للدكتوره اليوم باسئله كثيره خخخخخخ

طبعا الحمدلله طمنتني على وضعي ووضع البيبي
سألتها عن موضوع التنقع للنفاس قالت انا ابد ما انصح فيه حتى لو كان بيتادين مخفف لانو ممكن يصير تنتقل جراثيم وانتم بكرامه من فتحة الشرج وتسبب التهابات، وقالت لي انو عموما الرطوبه مو كويسه للخيوط، قلت لها كيف طيب احط بيتادين بشاش وامسح على الجرح، قالت لا حتى كذا اخاف تتسببين بالتهابات، قالت لي احسن شي اخفف البيتادين بماء بايدي او اي كاسه نظيفه و معقمه واصبها واشطف الجرح فيها ويكون الصب من فوق من الامام لمن مكان الخيوط يعني السائل لا يجي من ورا عشان لا يكون معاه اي جراثيم، عجبني كلامها حسيتها فعلا حريصه كثير على موضوع الالتهاب، غير كذا قالت ممكن استخدام ميبو وفي بعض الحالات اذا حسوا المريضه عندها بداية التهاب او ممكن تتعرض لها يصرفون لها فيوسيدين
وقالت انو البكريه بالعاده تكون خياطه عاديه شوي من جوا وبرا، وانو الخيوط من النوع اللي يذوب وممكن تطيح واشوفها
شي ثاني سألتها عن يوم الولاده كيف الغرف، قالت انو كل مريضه تكون بلحالها يعني مو مجموعين بغرفه وحده سواء بالطلق او الولاده، وقالت انو بعض الغرف يكون الطلق والولاده فيها مره وحده وبعض الغرف الطلق يكون بغرفه والولاده بغرفه ثانيه
قالت ممكن يدخل شخص معاك واحد يا الزوج او اي حرمه من الاهل مثل ام او اخت
طبعا نشبت لها على موضوع الاستدعاء قالت لا تخافين اذا جيتي تولدين علميهم بس انو تبيني انا اولدك وادفعي الاستدعاء وخلاص هم ينادوها
طبعا برنامج الولاده يكلف بالظبط ٥٤٩٠ ويشمل موعد واحد قبل الولاده وموعد واحد للام بعد الولاده بـ٧ ايام وموعد واحد للبيبي بعد الولاده بـ٧ ايام، ويكون بغرفه مشتركه واللي حابه غرفة خاصه تصير تدفع ٣٠٠ ريال زياده عن كل يوم لمدة يومين (يعني ٦٠٠ ريال المجموع) اما بعد كذا يبدوا يحسبوا عليها سعر الغرفه كاملاً
وبرنامج الولاده يشمل كل المسكنات او الطلق الصناعي (ولكن لا يشمل ابرة الظهر)
امممممم وبس هذا اللي اذكره وان شاء الله ما اكون نسيت معلومه مهمه، ولو تذكرت شي ثاني رجعت لكم
والله يسهل علينا اجمعين ياااااارب

مشكووووره ما قصرتي ..

الله يسهل لك ولنا يا رب

يعطيك الف عااااافيه اخت قطيوه


معلومات وااااافيه

بس ماقلتي لنا ناويه تاخذي ابره ظهر او لا ؟

بعيدة
لا ياقلبي بصراحه مو ناوية على ابرة الظهر وان شاء الله ربي مايحوجني لها، صحيح انها تعتبر آمنة وكثير استخدموها بس مدري لا انا ولا زوجي متطمنين لها، استعنت بالله وعليه توكلت 