التيمية .. ياقلبي انتي طهور ان شاء الله لاباس عليك
انا قد قريت هالكلام بس ماانتبهت انك انتي صاحبة المشاركه عاد تدرين دائماً ارجع للصفحات الاماميه واتجاوز هالمشاركه بالذات ماأقراها لانها جابتلي الوسواس من اول مره قريتها وبالاخير تطلعين انتي صاحبة المشاركه سبحان الله له حكمه في ذلك
على كل حال بالنسبة لي نفسيتي جداً تعبانه وماني قادره اسيطر عليها وانا اساساً خوااااااااافه جداً لو يجيني صداع اقعد اوسوس والله من دريت انه فيني الذئبه خلااص صكت الدنيا بوجهي ونزل وزني من الهم واهملت نفسي لو تشوفيني تقولين ذي عمرها 70 سنه بصراحه انصدمت كثير من نفسي كنت احسب نفسي اقوى من كذا وكنت اظن انه ايماني قوي لكن للأسف الجزع ذبحني قاعده اطالع بناتي وابكي ماأدري اشبيصير علي وعليهم وقدام امي يالله ماسكه نفسي ماابيها تدري وهي حاسه فيني تسألني واقولها مجرد ارهاق
التيمية يمكن انتي ارسلك الله لي في هالوقت لحكمه هو وحده يعلمها انا محتاجه احد يقف بجانبي ويدعمني نفسياً بما انك صاحبت تجربه ارجو ان لاتبخلي علي بنصائحك انا المرض توه بادي معي مابعد اخذت له علاج الاسبوع الجاي عندي موعد مع الدكتور وبشوف شيقول
عندي الم في المفاصل وفي الكلى توه بادي أسأل الله العظيم ان يمن علي وعليك وعلى مرضى المسلمين بالصحه والعافيه
انتظر ردك ..

هلا يا حياتي
غناتي انا ما ألومج كل انسان في بداية كل ابتلاء يكون تايه ودايما يوسوس
حياتي بس حطي في بالج ان مرض الذئبة الحمراء تختلف حدته من شخص لآخر
بإذن الله ما تكون اعراضه عندج إلا خفيفة وتشفين منه بالقريب العاجل

بس انتي ياحياتي لازم تستجمعين قواج ولازم تصمدين امام المرض
وصدقيني ياقلبي إن النفسية تأثر بشكل كبييييييير على المرض
والله لما تكون النفسية مرتاحة تحسين بتحسن سريع والعكس صحيح

حبيبتي لا تفكرين وتحاتين كللللللل شي مكتوب بالقدر
رفعت الأقلام وجفت الصحف
يعني لو أهلكنا أنفسنا من التفكير والهم والقلق والوسواس ما راح يتغير من القدر شيئ المكتوب بيصير
ونحن لا نعلم شو المكتوب لنا وشو الي بالمستقبل وشو بيكون
المستقبل بعلم الغيب
فليش نفكر فيه على الفاضي وبالنهاية نفسيتنا تتعب
ما راح نستفيد من التفكير إلا زيادة الهم والتعب النفسي
فوضي امرج لله
وفكري فقط بالحظة الي انتي فيها
كيف تكونين سعيدة مع عيالج واهلج
اما المستقبل اتركيه لرب العالمين
ولا تشيلين هم وثقي ثقة عمياء إن ما كتب لج ربي من ابتلاء او اهم او غم إلا لأنه يحبج
وإلا إن هذا الشي في مصلحتج
وربج أرحم فينا من انفسنا ومن أمهاتنا
وصدقيني والله ان مع مرور الأيام بتبين لج وين الخير في هذا الإبتلاء وبتشكرين الله عليه
انا حاليا اقول الحمدلله (هذا من فضل ربي ليبلوني أأشكر أو أكفر )

غناتي لا تخلين الشيطان يكون أقوى منج جمعي كل قواج عشانج وعشان بناتج وامج
وتفائلي وقولي بإذن الله المرض بيكون شي عادي وطبيعي في حياتي
وبإذن الله بشفى وبيخف المرض وبكون بصحة وعافية
والله إن التفاؤول يحسن من حدة المرض بشكل كبير

يلا حياتي شدي حيلج وابتسمي وثقي بالله
ولا تحاتين وتفكرين
وأكثري من الدعااااااااااء
وما راح انساج من دعواتي

يعطيكم العافيه يلي ردو علي وعلى فكره التشققات انا اعاني منهااا وبعض المرات تسببلي احرااج ومازلت استخدم الكرتزون والبراجراف وسورتيفاا للضغط و((سيلسيبت))>>علاجي الجديد للذئبه واحس ببروده مو طبيعيه مهما البس ومهما ادفي نفسي واليوم اكتشفت بقع حمراء داخل شفايفي انا صابره على ابتلاء الله وراضيه لكن بعض الناس مايقدرون شعور الاخرين خصوصا اذا حصل عندي انتفاخ ومضطره اداوم بالمدرسه احصل بنات يضحكون او يستهزئون على شكلي وهم اساسا مو عارفين وشفيني يابنات الله يعطيكم العافيه وش اسوي مع البروده..؟؟!

يابنات من تاخذ هذي الحبوب وايش اعراضها الجانبيه
PREDNISONE 5MG
لاني اقراء اسامي ادويتكم وما لقيتها من ضمنها
مع العلم اني حامل

اتوقع انه الكورتيزون
لأن اللي عندي اسمهprednisolon
ودامه 5جرام اجل هو
وانا ماادري الصراحة بس هل هو حبوب بيضاء صغار مقسومة نصفين وطعمه مر جدا لأن هذا الكورتيزون