sweetnana5
سبحان الله نفسسسسسسس اعراضي
ورحت لدكتورين 2 بمستشفيات اهليه واحد قال نقص كالسيوم والثاني قال فيروس بالمفاصل
وقالت امي ما ارتحت لكلامهم وطريقتهم بالكلام تقول ان ماعندهم سالفه
وعرض ابوي تحاليلي على دكتور بمستشفى اليمامة وعلى طول قال اشك ان عندها الذئبة الحمراء بس لازم نتأكد
واخذوا مني دم كثير قالوا بيوزعونه على عدة تحاليل دقيقة
طلع تحليل المفاصل انه مافيها شي
وباقي التحاليل الى الآآآآآآآآآآآآآآن ماطلعت
بس برضوا انا زيه اشك ان عندي الذئبة لأن اغلب الأعراض اللي هنا القاها فيني خصوصا يوم صحيتي من النوم لقيتي مفاصلك وارمه فجأه انا زيك بس قبله بيومين جتني حرارة وقب جلدي احمر وحبوب تحك وتحر شوي

اصلا انا شاكه بناس شافوني وسمعت بناتهم بأذني يقولون شوفوها تهبببببببببببببل يعني بأذني سمعهتم محد قال لي
والله بذيك العزيمة تعبت قبل ما اروح للبيت وقبل مايجي العشا حسيت بتعب وودي استفرغ
ونشبت بحلق امي لين دقت على السواق ورجعنا للبيت
مع اني قريت المعوذات مرتين مره بالبيت ومره بالسياره
لكن سبحان الله قدر الله وماشاء فعل
والله من ذاك اليوم وانا كل ماطاب شي انمرض شي ثاني
وكل ذيك الليله راحت على استفراغ وحراره وبس منسدحه
قلت لآمي ماعطتني وجه قالت يمكن اكل المطعم هو اللي تعبك بس قلت لها اني تعبت قبل العشا وحتى قلت لبنت خالتي يوم كنا بالعزيمة اني مره تعبانه وقلت لها وش قالوا البنات يعني عندي شاهد عيان :22: ههههه
واقول لأمي خوذي منهم بس رفضت تقول فشيله والمشكله الناس مررررررره بعيدين ومانعرفهم زين
هم يصيرون حمولة بنت خالي
وماما رفضت تجيب لي شيخ حتى ام الجيران تقرا على الناس رفضت توديني لمها تقول لاتوسوسين
والله ما اوسوس يعني ناس سامعتهم بأذني وبنفس اليوم انمرضت ولا شفت العافيه من بعد ذاك اليوم
وش معناتها ؟؟
حاولت اقرا على نفسي لكن سبحان الله نفسي تنفر وغصب عني اسهى واحيانا اقرا واحاول اتدبر الآيات اعجز

بس بصبر لين يطلع هالتحليل اللي مو راضي يطلع وبعدين نشوف وش ربي يكتب لي


حسبي الله ونعم الوكيل وش يضرهم لو ذكروا ربهم

,,

ماراح انساكم من دعواتي :26:

اختي عالية
الله يشفيكي ويشفي جميع مرضى المسلمين
حبيبتي لا تخافين باذن الله ربي بيقدرك على رقية نفسك بس انتي توكلي عليه وهو بيشفيكي
وجزاكي الله خير انتي وجميع الاخوات اللي ردو علي واتمنى تكون جمعتنا على خير واجر يارب

السلام عليكم ورحمة الله وبركاته :26:

بداية احب اقوولكم (قل لن يصيبنا الا ماكتب الله لنا)
وصراحه انا حابه احط تجربتي مع هذا المرض واتمنى للجميع الفائده..
طبعاً الآآم المرض واعراضه هذي ماراح يحس فيها ويعرف حجم المعاناه وشدتها الا اللي عاشها وجربها..والحمدلله اولا واخيرا على كل شيء.
انا قبل 4سنين كنت باولى كليه وتو عمري 17سنه تخرجت من الثانوي وع اعتاب دخولي الجامعه بدت المعاناه مع هذا المرض طبعا سبحان الله هالمرض اغلب المصابين فيه بالعين هذا غير الاكتئاب والارق والحاله النفسيه السيئه اللي يصاب فيها المريض .
انا بدايته كان الام شديده بالمفاصل وتيبس مااقدر احركه وطبعا الحراره ذبحتني كانت تووصل 40درجه وكنت اتنافض وجسمي يرتعش وتسااقط شعري بشكل فظيع ..
يمكن قعدت شهرين ع هالحاله وطبعا الام وتعب جسدي ونفسي مايعلم فيه الا الله..
ررحت كذا مستشفى وسبحان الله محد يعرف المرض هذا ويكتشفه بسهوله الغلطه الوحيده اللي تسببت علي بالتهاب الكلى وزلال في البول ان حرارتي لما ترتفع يعطووني المستشفى مسكن ابره (الفولتارين)
وهذا زاد علي التهاب الكلى..
المهم ررحت بعدين مستشفيات بالمنطقه الشرقيه وشخصوا المرض عندي وخذوا عينه من كليتي ..وترقدت اسبوعين وطبعا مت من الالآم والحمدلله اولا واخيرا على كل شيء..\
لقوا عندي نقص بالصفائح وكريات الدم البيضا والهيمجلوبين كان 8 والزلال كان 849 واتووقع المفروض يكون 150..
طبعا صرفوا لي الكلوركين والكورتيزون والكالسيوم والاميروان للكلى وفيتامين دال ..
واللهم لك الحمد كما ينبغي لجلال وجهك وعظيم سلطانك..
طبعاً انا اوصي نفسي وجميع المرضى بالرقيه الشرعيه وشرب ماء زمزم والتداوي بالعسل والحبه السودا وحسن الظن بالله..
ويااخواتي الكريمات (استعينوا على قضاء حوائجكم بالكتمان)
الوحده فينا لازم ماتظهر جوانبها الحسنه وتحاول تبرز كل شيء حلو عندها لان الله سبحانه وتعالي يعطي الخير والنعمه لناس ويحرمها من بعضهم ..
والمجتمع هذا كثرت فيه العين والحسد والانفس الخبيثه..
طبعا انا ررحت لشيخ وشخص حالتي بانها نفس خبيثه تتمنى زوال نعمه من عندي ..
الى اي حد وصلوا النااس سبحان الله ..
انا ماازكي نفسي بس الله شاهد علي عمري ماضريت احد بسوء لابكلام ولافتنه ولاحسد واتمنى من كل قلبي الخير للناس ..واصلن عمري 17 سنه وقتها كان ويني ووين الحسد واساسا انا من النوع اللي مااطالع احد وقنوعه بكل شيء
فسبحان الله انضريت وانحسدت فقط لاني كنت متفوقه ودخلت قسم علمي الكل يتمناه لظروف مرضي ياخواتي اجلت دراستي سنه وحولت من قسمي وفوق كذا ماقدرت انجح ووالله العظيم فيني ضيقه محد يتصورها من جامعتي ..
واتمنى الثلاث سنين تعدي عشان ارتاح واتخرج دفعتي طبعا راح تتخرج السنه هذي وانا ولله الحمد ماخلصت حتى سنه اولى ..
وسبحان الله كنت من المتفوقات في دراستي وكان فيني ذكاء شديد وملحوظ بس غلطتي كنت اتكلم واجد ونسبي كانت عاليه جدا ماتنزل عن ال98
والمجتمع اللي حولي مايتعدون الجيد_ بنات خوالي واعمامي ..
فسبحان الله لما يتذكر الواحد النعمه اللي كان فيها اول يعرف قيمتها ويشكر الله على اللي راح ..
اللحين والله يااخوات انسى كثير مع الادويه والمرض حتى مذاكره بالموت اجمع واحفظ كلمتين ع بعض ..
وسبحان الله بالماضي كان لدي ذاكره صيقاتي ومعلماتي ملاحظين قوتها..
عشان كذا يااخوات اوصيكم بالكتمان ع اموركم الشخصيه ..واوصيكم بالاذكار وحصنوا انفسكم واولادكم ..
واالله يشفي الجميع..
انا رجع لي المرض قبل فتره كنت اعاني من صداع قااتل وعملوا لي عينه من النخاع الشوكي وحسبي الله ونعم الوكيل طلعوا عيني 4 مرات سحبوا مني عينه ..
كل مره يقولون ماوصلنا للنخاع..
والله يابنات الانسان اذا مرض يعرف ان الدنيا ماتسوووى شيء والالآم والاوجاع اذا اشتدت على الواحد يستحقر الدنيا وكل شيء ويتمنى بس يقابل ربه بعمل صالح عشان يرتاح باخرته.


في النهايه يااخواتي احب اقولكم الله يكون بعونكم ويصبركم على الآم المرض القاتله وتذكروا دائما ان الله سبحانه وتعالى اذا احب عبدا ابتلاه..

طبعا انا عمري 21 سنه والكل يقوولي انتي مريضه وسمينه والادويه عدمت شعرك ووجهك مين بيخطبك ؟؟؟

انا اقوولهم ايماني بالله وتوكلي عليه يجعل كل هذه التفاهات الدنيويه وراء ظهري..

:26: كاان الله في عون الجميع وتقبلوا خالص تحياتي..


اختكم _ غاده القحطاني

الله يجزاكي خير يا غادة والله بجد ما يحس بالجرح الاصاحبة والله يكون بعون كل مصاب بالمرض والعين
وانا معاكي ومجربة وانحرمت من دراستي وتفوقي بسبب العين ومع ان العمر مر وتزوجت وجبت عيال الا اني مازلت افكر ان الحسد والعين حرموني من اغلى امنياتي
لكن ماقول الا حسبي الله ونعم الوكيل والله يغفر لنا ويعافينا وياجرنا اجمعين لان ما شي يصيب احد الا الله كاتبه له
اصبرن ولكن الاجر

سبحان الله يااختي sweetnana5

فقدنا امنيات كثيره وربما شبابنا ضاع من المرض والآلآم والمعاناه انا لما اتكلم كذا الكل يحسب عمري كبير لكن اقوولهم سبحان الله الانسان مع تجارب المرض وشدة الآلآم وربما قسوة الظروف يكبر عن عمره سنين وسنين..

والحياه تجارب وان شااء الله ربي يعوضنا بشبابنا وصحتنا ودراستنا خير..
(وعسى ان تكرهوا شيئاً وهو خير لكم)..