تجمع للمصابات بنقص فيتامين دال1437 الرجاء تثبيت /لم يتم اخذ الموافقة من مشرفات القسم

بسم الله الرحمن الرحيم
اغلبنا يعاني من هالنقص الي عمل لنا انتكاسه في حياتنا وخلانا مانقدر نمارس حياتنا بشكل طبيعي
اتمنى من الاداره تثبيت الموضوع
ومانبغى اي بنت تدخل تخوفنا رجاء
المطلوب من البنات الي مازالوا يعانون يفيدونا وكذلك البنات الي سبق لهم العلاج باعطاء نصائح لنا
راح ابتدي بنفسي كان النقص 12 وبعد خمس شهور تقريبا وصل 27
واستخدم حبوب قوتها 5000 مرتين بالأسبوع حاليا
وعطاني الطبيب توه حبوب كالسيوم
واكل تين مجفف من اسبوعين واتعرض للشمس كل ماكانت الشمس مشرقه لان احيانا غيم ومافي جو صافي
الاعراض متعبه جدا ولاتحتمل يارب عفوك
ياليت تكتبوا الاعراض الي تحسوا فيها
وهل صار لكم مثلي
بعد ارتفاع النسبة زادت الاعراض معي وصارت اوضح والآن ماقدر امشي ولا اتحرك ودايما دايخه ومفاصلي وعظامي الم شديد وراسي صداع والنفسيه صفر
ولمن سالت الدكتور ليه زادت الاعراض قالي لانه مازال ناقص
كل الي أعرفه اني تعبت وماني قادره اتحمل استغفر الله العظيم
ياليت تكلمونا عن معاناتكم ومتى تخلصتوا من هالاوجاع
ماني عارفه شنو اكتب وشنو اقول من التعب والالم والضيق
ولكن اسال الله سبحانه لنا الشفاء جميعا منه