ذكريات الأمس :

نصيحه يا بنات اذا تقدرون على البناء لا تشترون عمروا البيت على مهل ولا تشترون بيت بأقساط من البنك همن تطلع لكم العيوب وانتم ما كملتم سنه تموتون من القهر وحرة البيت ما بردت بقولكم تجربتنا كنا ناوين على البناء بس صارت ظروف واضطرينا نشري لفينا ودرنا كثير وبحكم خبرتنا لأننا كنا نرمم بيت الوالد نعرف الزين من الشين يا بنات المجمعات دمار ما تنسكن يشرون من اسوء النوعيات ولا تستغربون اذا لقيتوا افياش ماهو موصل لها كهرب وافياش ماهو موصل لها خط تلفون فيش شكل بس اللي لفوا على البيوت الجاهز واللي شروا بعد من المجمعات يعرفون انهم يحطون اردى انواع الرخام(هذا اذا حطو رخام) والبورسلان والسيراميك وافشل انواع قيشاني الحمامات والأحواض والمغاسل واول شي يفكرون فيه الناس اذا اضطروا يشرون انهم يغيرون الأرضيات والحمامات هذا غير الشي اللي ما يندرى عنه تحت البنى مروا علينا ناس يحلفون بالله انهم بانين الفله بيسكنونها وغيروا رأيهم واذا سألنا نكتشف ان هاذي شغلتهم من سنين يبنون ويبيعون لا ويحلفون بالله بعد الخلاصه تقدرون تبنون ابنوا ما تقدرون لفو زين لين تلقون بيت راعيه بانيه بيسكنه صدق وغير رأيه احيان يكون ساكنه صاحبه سنه ولا سنتين ما عليه هذا حول الجديد اذا نويتوا جيبوا شركة للكشف عن التسربات ومهندس معماري من اي مكتب مقاولات وخليهم يكشفون على البيت وشوفوا اذا اعجبكم بيت لفوا على مكاتب العقار بنفس المنطقه واسئلوا عن البيت لأنه احيان يكون البيت دفان ولا فيه عيب كبير ما يعرفه الا اصحاب العقار اللي ماسكين نفس المنطقه وبنفس الوقت خلكم حذرين لأنهم ممكن يخربون عليكم علشان ما يفوز بالبيعه غيرهم يعني اذا اكثر من مكتب قالكم نفس العيب عن البيت خلاص اتركوه تراهم ادرى لكن اذا كل واحد طلع عيب شكل اعرفوا انهم بس بيخربون البيعه اسألوا اهل الحي بعد يمكن يكون نفس الشخص اللي تشرون منه شارين منه هم قبلكم ويريحونكم من شيلة الهم وبنفس الوقت اسئلوهم عن الحي تنقطع عنه مويه كهرب ولا تخافون ترى الناس فيها الخير وتحب تخدم بعضها اللي سألت عن فلل الصعب اذا هو نفس الصعب ما غيره اللي بنى للناس من كم سنه بالرياض هجي عنه ترا كثير يذمونه واذكر البنات هنا بالمنتدى تورطوا فيها وذكروا قصصهم عنها وحده اخوها شاري منهم وخر السقف قبل يكملون سنه بالنسبه للبنوك والشركات ترى الكلام اللي تشوفونه بالإعلانات خرطي يقولونك تمويل حتى 5 مليون وتتفاجئون بعدين ان المبلغ 500000 ألف يقولون لك تمويل خلال اسبوعين واذا بديتوا جرجروا فيكم وخلوها شهرين وثلاثه غالباً يطلبون دفعه مقدم فإذا عندكم نية تشرون من شركة ولا عن طريق بنك ابدءوا جمعوا قروشكم للدفعه من الآن الأسعار الآن متضخمه بشكل كبير حنا شايفين 285متر بـ950000 و300 متر بمليون وميتين و450 متر بمليون و800000 والبناء عادي والأحياء عادية يعني ماهي احياء الطبقه الراقيه والقصور الأحياء اللي بعدها على طول واللي كلنا نبي فيها اسعار ماهي معقولة ابداً الآن في حملة بناء بالبلد بسبب رخص الحديد وعزوف من الناس عن الشراء بإنتظار الجديد الأرخص البيوت اللي شفناها قبل 3 شهور الى الآن محد شراها واكيد اللي بيبنون جديد بيحاولون يخلون بيوتهم افضل علشان تنباع ولا تنركن مثل اللي قبلها كل الكلام اللي فوق عن الرياض كلمه اخيره لا تثقون بالضمانات لأنه اذا تهرب راعي العقار ما فيه جهه تحمي المشتري وتجبر البائع على اصلاح البيت وانتم ادرى بهالسوالف واللي عندها اي سؤال بجاوبها على حد علمي

نصيحه يا بنات اذا تقدرون على البناء لا تشترون عمروا البيت على مهل ولا تشترون بيت بأقساط من...

اليمامه :

ممكن التفاصيل على الخاص وطريقة الإتصال

ممكن التفاصيل على الخاص وطريقة الإتصال