بداية أعرف بشقتي (( تتكون من مجلس ومقلط وصالة وغرفة نوم وغرفة لعيالي اذا شرفو ان شاء الله ( الحين قالبينها جلسة لنا )ومطبخ وحمامين (( ولا يوجد حمام مستقل مع غرفة النوم ))
سلبيات الشقه وايجابياتها
الايجابيات :
شرحه وملمومه وما فيها حشرات (( الا احيانا نادرة ألقى صراصير في دوراة المياه ))
السلبيات :
مااااااااااااااااافيه مخــــــــزن (( مهم بالنسبة لي ))
حماماتها صغيرة ..
الغبار يدخل مع الشبابيك وفتحات المكيف (( يمكن لأن العمارة قديمة ))
غرفة النوم صغيرة (( ودي انها اكبر شوي ويكون فيها على الاقل أريكة أو كرسيين نجلس فيهم .. مو بس هالسرير جلسة ونوم وقراءة وكل شي ..
ايش عجبها فيها
ما فيها الا شقتين واحنا الثالثة (( يعني هدوء ))
وايش مو عاجبها فيها
الدرج (( انا بالدور الثاني وتعب اذا جينا نشيل الاغراض ))
ايش نفسها تغير ومستخسره لأنه ايجار
ولا شي
وايش لازم تغير حتى لو ايجار ؟
اضافة مخزن (( مثلا دولاب كبير او اي شي ))
اللي ساكنه بدور علوي اول او ثاني او ثالث او غيره ابغى اسألها سؤال مهم جدا؟؟ هل تشوفي حشرات في بيتك وخاصه وزغ وفيران او صراصير ولا بس اللي ساكنات بدور ارضي؟؟
اشوف بس قليل جدا وبالحمامات صراصير فقط ..
كيف تتخلصو من الحشرات ؟
نصب ديزل في الحمامات اذا كنت ابسافر او ابطلع وأطول (( والافضل عند السفر عشان الريحة ))
هل شقتك لها بابين يعني مدخلين للشقه؟ وعلى اي اساس اخترتي الشقه هذي عن غيرها؟؟
لا مدخل واحد .. والشقة مختارها زوجي
كيف حمامات شقتك صغيره ولا كبيره عاجبتك ولا مو عاجبتك ؟
صغيرة ومو عاجبتني
غرفك تحسيها صغار ولا كبار ؟
بشكل عام مش بطاله .. لكن غرفة النوم ودي تكون أكبر
الشقه تستاهل الاجار اللي تدفعوه ولا لا؟؟
الى حد ما ومع الارتفاع الهائل بالاسعار الى الان السعر مقبول ..
حاسه انه صاحب العماره مستخدم خامات سيئه في السيراميك والترويبه والبلاط والخزف والبويه والكهربا ولا حاسه انه متكلف فيها ؟؟
يعني وسط لاهي سيئة مررررة ولا هي متكلفة ..

الله يغنينا عن الايجار يارب في اقرب فرصه
وخلونا ننتهز فرصة تواجدنا هنا وندعي من قلب لبعض بالبيت الملك اللي نسوي فيه اللي يعجبنا ويريحنا وعلى ذوقنا
يارب ارزق اخواتي في عالم حواء البيت الملك المريح والجميل وعلى ذوقهم وهنيهم فيه يارب وارزقني وايام ياكريم
قولو امين يااخواتي

آميـــــــــــــــــــــن

الله يرزقكم البيت الملك عاجلا ويوسع عليكم دنيا واخره ..

انا بالبدايه احب اقول ان اصحاب العمائر ماهم مثل بعض
يعني انا مثلا كان صاحب العماره ساكن معانا في الدور العلوي والله انهم كانوا اخلاق واصحاب واجب وللحين نتزاور ونجي بعض
اما الحين ابقول لكم على مميزات الشقه او الملحق زي ما نسميه هنا طبعا احنا سكنا بعد ما طلع صاحب البيت في نفس مكانه علشانه اشرح واكبر
الايجابيات
الشقه كبيره نوعا ما فيها غرة نوم وغرفة اولاد وغرفة بنات ومجلس حريم ومجلس رجال وصاله وقت الضيوف احولها مقلط وفيها مخزن و3حمامات 2للضيوف وواحد للعائله ويحيط بها 3 احواش وهذا هو بيت القصيد مت علشان اسكن بيت فيه حوش اسوي فيه اللي ابغى من شوي وزراعه وغيره
الاجار مناسب جدا بالنسبه للحجم
صاحب البيت الله يوفقه متعاون معانا مرره ماشاء الله تبارك الله ويحب زوجي مرره الحمدلله والشكر نعنه من عنده
المطبخ راكب كان لصاحب البيت
البيت تقريبا جديد لانه سكن فيه 3سنوات فقط وبعدين بنى له فله الله يرزقنا جميعا
بعد ما طلع من البيت جدد البويه
الغرف وسيعه ما عدا غرفة الاولاد اساسا ماعندي الا ولد وبنت الله يخليهم لي ويرزقني غريهم اللهم امين
الشمس تدخل البيت واقدر اهويه اذا حبيت
تحت البيت سوبر ماركت كبير لصاحب العماره مريحنا مره خاصة اذا كان في ضيوف ونسيت طلبات معينه
يوجد عامل لتنظيف السلم والمدخل مرتين بالاسبوع
اهلي واهل زوجي في الحاره اللي جنبنا ومتى ماحبيت اروح لاهلي في اي وقت وزوجي كذلك
العماره على شارع رئيسي والمطاعم والخدمات قريبه مرره مع اني مقاطعه لاكل السوق
المسجد قريب مره مننا وهذا اهم شيئ
في مجلس الرجال يوجد مشب وهذا مريحنا في وقت الشتاء مرره في التدفئه والشوي
المدارس في نفس الشارع للبنات بس انا حاطه بنتي في مدرسه بعيده شوي علشان تكون مع خالاتها وابني في مدرسه اهليه علشان الباص لاني اخاف عليهم كثير اعتقد ان هذه كل الايجابيات تقريبا
السلبيات
السلم طويل ومتعب بس احنا بنحتسب اننا نخفف وزن بالطلوع والنزول
الغبار في الحوش الامامي الذي يفتح عليه المدخل دائما مستمر لطبيعة المنطقه الجافة
الحشرات مافي الا وزغ بس في الحوش في ليالي الصيف وما اعطيها فرصه تدخل البيت
الحمامات متوسطه وكنت اتمنى انها شوي كبيره
ابوابه كثير لدرجة ابتلش فين افتح وفين اللي اقفله بس كل باب له وظيفه بس احسها بلشه
مافي مقلط فأظطر أحول الصاله مقلط واشيل كل عفشها من كمبيوتر وكنب وتلفزيون ومكتبه وبلاستيشن وبراده وتقولو لي ليش علشان الاطفال الله يصلحهم ما يخلو شيئ مكانه ويكسروا لي العفش ويلعبو بالاجهزه ويغرقوا الصاله بالمويه ............. واحده مقهوره
اذا جبنا مقاضي وعلب المويه الكبيره واسطوانة الغاز لازم نجيب عامل ونحاول انها تكون في نفس اليوم علشان تكون نفس الاجره مره وحده شفتوا التوفير والاقتصاد كيف
والحمد لله على كل حال الواحد يرضى ويحمد الله ويشكره على النعمه اللي هو فيها وهذا احس انه اكثر بيت سكنته فيه مواصفات عاجباني ومريحاني

شوفي حبيبتي احنا ساكنين بعمارة كشخة عبارة عن كمبوند سراميك جميل الصوالين رخام حراسة كلة تمام الايجار نار كسم وسطنا وحننقل :06:عيب الايجار ماتقدري تتحكمى في شئ المطبخ اخذتة المنيوم مع اني احب الخشب موت نفسي في غرفة غسيل وكوى مااقدر لانة ايجار نفسي احط حديد علي الشبابيك ما اقدر والبلكونة نفسي اتهنة بيها طبعا كشف لو بيتى ملك كان عملت طوب زجاجي فوق فخامة الشقة الكهرباء ضعيفة نزلت موضوع عن النشافة كيف الكهرباء ضربت وربنا ستر وغرفة الدرسنج روم مااشوف هدومي الي اذا فتحت باب الحمام اللة يكرمكم اللمبة دايما تضرب الين طنشناها والمدخل كمان مافي لمبة وكمان الحمام حق الاولاد الكبنية لامواخذة يصرف موية الشتفاط دايما نغيرها وكمان الطوب المستخدم الطوب الملون اصوات الجيران كلها عندك كمان اذا كانوا غجر اااااااااااااف النوم مانتهني غير الي في الشارع صحيح الجار قبل الدار وكمان الشفاط حق حمام الاولاد فوق الدوش وجنبة الفيش اخاف علي اولدي لمن يستحمو عمي ساكن معة صاحب العمارة مجننهم يقطع الموية في عز رمضان غير اسلوبة مع انة عمى خلوق اتمني القي بيت مناسب

شقتي دور ارضي فيها 4غرف وحمامين ...غرفه النوم عيوبها صغيره مافيها حمام خاص..الغرفة اللي حاطتها لضيوف صغيره نفس حجم غرفه النوم ..المجلس اكبر شوي من الغرف معه حمام وحمامه كبير الصاله جلستنا لاباسبها المطبخ صغير ..عيوب الحمامات سيراميكها موحلو اي كلام والطبخ كدلك ...فيها حوش بس ماله داعي كانه سيب مدخل الرجال يفشل مره وضيق الادوات الصحيه الموجوده في الحمامات مالها داعي ..انا وزجي ركبنا سيراميك في الشقه وغيرنا النجف اللي اللي ماله داعي..العماره قديمه الحلو في الحمامات كبره بالنسبه الشقق اللي شفتها مافي مخزن لدلك مستخدمين المقلط كمخزن وادا جاء احد قلطنا في المجلس ..ماتستاهل الايجار اللي نحطه فيها الحي حلو ..الله يرزقنا الملك يارب