الله يرزقنا بيوت ملك مع العفو والعافيه وصلاح ذريتنا وهدايتهم

ياسلااااااااام عليكم وعلى سوالفكم الحلوووه

انا عااد بقول لكم مواقفي مع الشقق والإيجارات

طبعا بدااية زواجي دخلت شقه جديده وحلوه وتهبل

بس الحي ماعجبني وبعيد ونقلت لشقه ثانيه غاليه وكبيره

شقه بالدور الثاني ومرتبه ومره كنت مرتاحه فيها

وفيها جيران الله يذكرهم بالخير ويستر عليهم طيبه وراعين واجب

اما وحده من جاراتي ماعرفها زين من سذاجتي وطيبتي دخلتها غرفتي

عشان تتفرج وقالت تبي فساتين افراح عشان زواج عندهم قريب

المهم قالت بتلبس بغرفتي انا خبله وعلى نياتي طلعت وخليتها بغرفتي

وكانت مجوهراتي فوق التسريحه سرقتها وراحت مع الفستان ماعرفت الا يوم فقدت
اغراضي بعد ماطلعت ولارجعته انكرت وجحيد وبعيد الله لايوفقها ولايسامحها

نقلت من الشقه لشقه ثانيه علويه مريحه وهواء يدخل البيت والشمس

بس العيب الاغراض والشيل والحط وكانت واسعه وبرحه وسويت فيها العجب

كل شوي اغير واصبغ وازين وصراحه عشت فيها يمكن 9 سنوات من احسن السنين

وجيراني مثل اهلي زيارات وسهرات وتبادل طبخ شي وربي الله يذكرهم بالخير لين كلن راح بحاله ونقلوا

ضاق صدري ونقلت ابحث عن جيران مثل جيراني بس ماكل مايتمنى المرء يدركه

ونقلت للشقه رقم 3 ارضيه وجديده ومسرمكه وحلوه بس العيب صغيره

وانا عندي عيال وفيها حوش انشر الغسيل ومدخلين من العماره

بس مشكلتها اي شي يطيح بالبيت لو دبوس يسمعونه الجيران

وغير كذا الحمامات اكرمكم الله تطل على الشارع ومواقف السيارات

وياليل ياساري يسمعون اصوات الماء لو بس تغسلين قمة الاحراج

وجيران مايحتلطون باحد الا وحده تعرفت عليها وزارتني مره ورديت لها الزياره

بس ياخواتي الله يستر عليها جاره غثيثه لاسيرت ماعاد تقوم

يعني اعزمها بعد المغرب ماتروح الا الساعه 12 واضطر اني اجلس معها

وانا عندي عيال ومدارس والله اني انحرج بعدين صرت ماعاد اعزمها راعية طويله صراحه

بس لابغت تخلي بناتها يجون عندي يلعبون مع بناتي وصار الدعوى حلى كل يوم وهم جايين

ومافيه خصوصيه بالبيت انا والله احب الصغار بس موعلى حساب بيتي وسعادتي ومصلحة عيالي

ونقلنا من الشقه رحت لشقه اكبر واحسن ومطبخ كبير اهم شي عندي

ومدخل مستقل لامراقابات جيران ولا شي وحوش طويل يلعبون عيالي فيه وانشر الغسيل

اللهم لك الحمد مرتاحه جدا فيها بس النمل والسباكه والكهرباء كل ماخرب شي صلحناه

ويارب يعينا ونطلع بيت ملك ونرتااااااااااااااااااااااح

اب

انا ياطويلا العمر اول زواجي سكنت بشقه بس وربي مارتحت فيها ابد ثلاث غرف وحمامين من غير المطبخ والصراصير يابنات بشكل موطبيعي حتى كبيره مرررره والله اتقرف اذبحها من كبرها بس الحمدلله طلعنا لشقه اكبر وانضف مافي صراصير اهم شي خخخخخ بس الحمامات صغيره وشغلها تجاري مالنا الاشهر وبدى التسريب وحنا معتقين الجدران الله يرزقني وياكم بالملك اميييين يلبى وليدي يقول لي ماما خل نروح بيت جديد فيه حوش

احنا ساكنين بشقه في الدور الثاني لأني احس مميزاته اكثر من باقي الادوار ....
اولا :الدور الارضي احس يكون فيه خوووووف وبما اني ساكنه بجده وماأعرف احد فضلت الدور الثاني ....
ثانيا :الصراصير ماتطلع للدور الثاني واللي بالدور الارضي دايم يشتكي من الصراصير ولله الحمد ماعندي هذي المشكله.....
الميزه الوحيده في الدور الارضي انه قريب للباب الخارجي والمعاناه الاكبر اللي نعانيها اذا كان معنا اغراض الله ياهو تعب يتعبه زوجي في نقل الاغراض من السياره للشقه..بس افضل من اللي بالادوار العلويه لأنه للأسف ماعندنا اصنصير.....
أما الشقه مرتاحه فيها عالاخر ...مكونه من خمس غرف وصاله كبيره واحلى شي المطبخ كبير ..بس الشقه تعتبر كبيره علينا..انا وزوجي وعيالي واحد عمره 4سنوات والثاني 6 شهور ....
واللي اختار الشقه زوجي بس عدل في البويه شوي سوى نص الجدار من تحت ساده ومن فوق تعتيق وطلع رووووووعه...
أما الحي جديد وراقي في شمال جده شارع حراء حي النهضه>>حد طلب منك العنوان خخخخخخخخخخ
وبس >>>>>>>>بعد ماقلت قصت حياتي ههههههههه

تذكرت الخدمات عندنا بقاله وصيدليه وهذا اهم شي ......لاوحديقه تحت البيت كمان وبس>>>>>>>>>ايش تبين أكثر من كذا