اشحالكــــــــــــــم بنات ..
طبعا باين من العنوان انه هالموضوع للي جربوا خلطه حور الجنان 1 للتبيض و التنعيم ..
اتمنى انه كل وحده جربت هالخلطه اتقوللنا النتايج..
يعني متى بدأت في الخلطه..؟؟
و شو البياض اللي شافته..؟؟
هل سببتلها الخلطه حساسيه او شئ..؟؟
يعني كل اللي لاحظتي مع استعمالج هالخلطه .. عشان اتعم الفايده على الجميع..
و اتمنى اللي تدخل و ما اترد ترفع الموضوع الله يرفع مقداركم ..
هذا الرابط لخلطه حور الجنان 1
http://forum.hawaaworld.com/showthread.php?t=987890
و هذا الرابط لاخت جزاها الله خير حطت تجربتها بعد استعمال هالخلطه
http://forum.hawaaworld.com/showthread.php?t=1613587
انا ببدا بتجربتي و بخط الخطوات بالضبط و ان شاء الله اليوم ببدأ فيها ..
هذي المقادير
كوب و نص صابون الوزير مبشور
نص كوب عصير ليمون
نخلطهم مع بعض
نضيف عليهم علبه الجليسوليد المتوسطه الحجم كلها
و نظل نخلط طبعا الخليط بيكون مثل مكتل و مب سائل بس لا تستعيلون صبروا و هذا شكل الخليط
نضيف 4 ملاعق زيت اللوز الحلو
نضيف 4 ملاعق زيت جوز الهند و انا استخدمت باراشوت للاكل مب مال الشعر
بعد خلط الزيوت
انا ليش قلتلكم صبروا يوم ضفنا الليمون و الجليسوليد يوم اتكتلت الخلطه عشان يوم بنضيف الزيوت بتسيح الخلطه شوي لانه حور الجنان 1 كاتبه انزيد ليمون بس انا في الاخير زدت الليمون عشان اشوف كيف بتكون سائله و ككم ليمونه بحتاج احط لاني لو حطيت من البدايه يمكن ازيد ليمون وايد و تستوي بعدين الخلطه سايله وايد المهم نرجع للخطوات ..
انضيف من 4 إلى 5 حبات جبن كيري و انا ضفت 4 حبات
و نخلط بالخلاط الكهربائي
و هذي الخلطه بعد الخلط بالخلاط الكهربائي
طبعا و انتي تخلطين اتشوفين سيوله الخلطه انا ضفت بعدين 7 ليمونات عشان اوصل للسيوله المطلوبه
و كل وحده على حسب ما اتشوف لانه المفروض اتكون سائله حتى انه انتي تقدرين تدهنين فيها جسمج
و في الاخير حطيتها علبه تنغلق عدل و حطيتها في الثلاجه
ان شاء الله الطريقه وضحت لكم كيف سويتها و حور الجنان قالت انه ما اتحطين صابون بعد الخلطه لانها اصلا تحتوي على صابون و زيوت تترك لمده نص ساعه على الجسم و ثم تفرك مده 5 دقايق بالقفاز اليفه اللي من بودي شوب
او حتى الليفه المغربيه تنفع ثم تغسل ..و نعيما عليكم
اتمنى اللي جربت الخلطه او بتجربها تدخل هالموضوع