العامريه :

ورده نت.. ضروري اللستك البسي واحد وخلي واحد احتياط << حشى وش هالرعب :eek: من الأشياء اللي لازم تنتبهون لها وتاخذونها اساس بحياتكم.. 1- عدم اهمال الذات. 2- الاستقلال مادياً بقدر الامكان لو كنتي موظفه. 3- ترك الاهتمام الزائد عن اللزوم والالتصاق الدائم بالزوج . كلها مهمه وبتخلي استخدامك للستك قليل :22: *** :eek: يماااااااااه على الدلع لاتخافين من التشويت ماراح يضيق صدرك انا شكلي بنشات من الموضوع ماتلاحظين اننا تربعنا فيه خخخخخخخخخخخخخ :30: *** غرشوب رعبوب ماشاء الله والله احسبك متزوجه من اكثر من عشر سنين بس فعلا الشخصيه لها دور بحياة الوحده مننا.. كلامك مهم جدا عن الماديات بالحياة الزوجيه الله يتمم عليكم ويديم عليكم السعاده. *** مشغووووله تدرين وش مشكلتك تنتظرين زوجك يبادر بالمشاعر وجفافه كرهك بحياتك لانك حسيتيه مايحبك ففقدتي ثقتك بنفسك وحبك لذاتك.. انا تزوجت اكبر منك بسنه بس.. وعندي اربعه مثلك.. وزوجي مثل زوجك جاف المشاعر صامت على الدوام..الله يخليه لنا ويحللنا من حقه. زوجك انا متأكده انه ماقالك انه مايحبك ولاتناسبيه الا وقت مشكله يعني وقت كنتم فيه متخاصمين.. والا علميني انتي وش حاده يصبر معك كل هالسنين ويجيب منك اربعة اطفال ليه الحياة لعب يكفيه بس المسؤوليات.. دنياك ماتسوى الزعل..الحياة دقائق وثواني وتنتهي ليه بربك تمضينها بدموع وزعل ليه قولي لي وش جاب لك الهم والبكا.. ليه ماتكوني قوية اراده وتحببي زوجك فيك..هو فاهم والرجال ترى حساس مره.. يحس باللي تحبه واللي ماتحبه.. وانتي من زمان محسسته بعدم الحب محسسته انك عايشه معاه رغما عنك علشان العيال صح؟ طيب انتي وش تبينه يقول رايح العمره وبدال ماتقولين له بنفقدك بنشتاق لك الله يعين وش البيت بدونك..تلاحقينه وتقولين ودني اهلي تقل فرحانه انه بيروح على فكره هو حاس وعارف كل شي.. انا ماودي بكرا تجين تشتكين انه بيتزوج ولاهاجرك ولاولا.. انا والله ناصحه لك لوجه الله وابغى مصلحتك..غيري معاملتك لزوجك تحببي له احسك انتي جافه بعد.. يعني تعملين بالمثل اللي يقول وحده بوحده والبادي اظلم.. الحياة الزوجيه موده ورحمه ماهي ساحة حرب وتصفية حسابات.. ربي خلق الانثى عطوفه متحببه لتجذب الزوج اليها..اجذبيه بحسن تبعلك.. وتغاضيك عن الصغائر..مافيه حياة كامله..ياما ناس رومانسيين وهات من هالكلام وآخرتها تكتشفه يخونها .. او رجل متطلب يحب التجديد وآخرتها يملها.. احمدي ربك على النعمه اللي انتي فيها وخليه يرجع من العمره وانتي مبسوطه ومستقبلته بشوق وفرحه بسلامة رجوعه.. يمكن مايعبر لكن يحس ويفرح ويتأثر..اكسبي زوجك لاتجي وحده بعد كل هالسنين والعشره تكسبه بحسن عشرتها. *** يااااااااااااااه نظرتك لنفسك زفت زفت زفت.. ليه انتي سياره ولاقوطي انتهى تاريخ الصلاحيه حقك! انتي اعز واكرم مخلوقات الله ..وكرمك فوق كذا بالاسلام 13 سنه عشتيها طول بعرض بصحه وعافيه وامان وعندك ذريه ملايين يتمنون واحد منهم.. كل هالنعمه وتندبين حظك..ايش يعني رجال مابغاني قامت الدنيا عليهم هالرجال! معليش بنات بعذر رجالكم مايبونكم يشوفونكم كارهين عماركم.. من بيحبك لاكرهتي روحك هالقد؟ لازم تتنبهون من اليوم تحبون انفسكم وتعيشون حياتكم مهما كانت الضائقات.. الانسان يبتلى احيانا بعضو مريض في جسده يقطعه ليرتاح فما بالك بإنسان من اللي حولك.. اذا كانوا فعلا لهالدرجه وصلوا معاكم اشرار وماهمهم الا انفسهم وماجابوا لكم خبر ومقصرين عليكم كلش.. ترى الحياة ماشيه بدونهم..يعني ياطلاق وتشتيت اطفال وتاخذين شايب تمرضينه بقية عمره..ياحياة رومانسيه سعيده مافي زيها!! وين الوسطيه اللي امر فيها نبينا الكريم.. يااعيش بهواي ياادمر الدنيا كلها.. لا هونكم ترى الدنيا دار ابتلاء واللي يبي السعاده يصبر ويتحمل علشان يجنيها بالدنيا والآخره. ارموا نظاراتكم السودا لاهنتم.

ورده نت.. ضروري اللستك البسي واحد وخلي واحد احتياط << حشى وش هالرعب :eek: من الأشياء...

المحبه للجميع* :

أنا جيت ياصبايا العامرية أم العلامة أبد أذا ما جت بنقوم بالواجب ولو يعني يمكنها مشغولة والا شي فنخلي الضيوف يدخلون من دون قهوة ومعاميل لالالا ما يصير >>>>>> أقول أسكتي بس شكلي بأنشات هالمرة بقوة خخخخخخخخخ أقول كلامك للمشغولة حلو وفيه تكفيخ شوي:22: بس يا مشغوولة يا قلبي ترا الواحد محتاج أحد يفوقه وأحس تجي منا وما تجي من زوجك:30: وترا يا حبايبي لمن نرد على وحده مو نقصدها هي لذاتها وأنما لكل من مر أو يمر بنفس الظرف مشغوولة أقولك على شي يريحك الزوج لو بدأ عليه تطنيش بس ترا عنده ضمير يأنب من جوا بس أحنا بأسلوبنا والجفاء اللي نستخدمه نخليه يبعد أكثر يعني أنتي الحين فرصة من السماء جتك سافر.. اذا كلم إياك تعاتبينه أو تحسسينه أنك زعلانة اذا كلم قولي وحشتني يا حياتي تدري ياشين الرياض من دونك تصدق الواحد ما يحس بخله الا لفقده عساني ما أنحرم منك يا حبيبي >>>>>من هالكلام اللي يسمونه رخيص:hahaha: وبعدين اذا جاء تشعبطي فيه:42: مثلي تعرفين تمثلين ...!!التمثيل يعني زي المسلسلات لا تجي وحده وتقول وش هالكلام والله أنه له مفعول مثل السحر وأقول للي تعارض؟؟ أنتي جربتي الخناق والهواش بالله فادتك..؟؟ بدال ما تجي فكرة الأنفصال في بالك جربي كل الطرق شوفوا الوحده تحاول بكل الطرق أنها تمسك طيرها لأنه لو ما مسكته امامه أمرين أما أنه ينصاد من شخص آخر او انه يطير مكان بعيد وهم لشخص غيرك ؟؟فأيهما تتبعين أنك تحافظين على طيرك وتصيدينه والا أنك تطيرينه ويصيده غيرك :( ؟؟؟ أترك الجواب لكم

أنا جيت ياصبايا العامرية أم العلامة أبد أذا ما جت بنقوم بالواجب ولو يعني يمكنها مشغولة والا...