يا حيا الله الجميع وصبحكم الله بالخير
ممكن انضم لكم بليز؟؟؟
انا لي عشر سنين متزوجة والحمد لله مثلي مثل كثير منكم مريت بمشاكل كثيرة وربي يسرها وسترهاعلي وعلي مملكتي ...
كان صعب علي كثير اني آخذ واحد والفرق الاجتماعي بيني وبينه كبير بس ابوي رحمة الله عليه حس انه كفؤ وزوجني اياه..
تعبت في البداية وعمري ما حسسته بشئ لا وساعدته باللي اقدر عليه بعد ..
صارت مضايقات واجدة لي لما كانوا اهلي ينغزون علي بالكلام وينك عن حياة الدلع والعز اللي كنتي فيه بس كنت اطنش ولا اسمع...
كان زوجي الله يسامحه منكد علي وسويلي مشاكل واجد على دراستي وكان يبيني اطلع منها بس لانها كانت شرط في عقد الزواج ماتنازلت عنها .والحمد لله كملت الأربع سنين الجامعية بتفوق مع مشاكل البيت والحمل والولادة...كان يطلع روحي لشاف كتاب في يدي؟؟كل ما طلع مكان ادرس بالقطارة:::واذا نام سهرت واحيانا اروح الجامعة مواصلة....
المهم وبعدين مثل كل الأخوات اللي تكلموا قبلي شفت العسل والمر والعلقم بعد...بس ربكم كريم
بس الحمد لله الآن انا وهو كثير متفاهمين مع بعض والفضل لله ثم لنصايح ومواضيع الأخوات في هالمنتدى الطيب..
بس قاهرني شئ واحد في زوجي كان مقنعني طول هالفترة انه يحبني وما يقدر يسافر عني وعن عياله لازم نكون معاه والآن سافر مرتين في خلال ستة شهور مع اصحابه..صرت اشك هل لانه وضعه المادي كان تعبان شوي والا كان صادق..في كلامه ..يقولي لازم نبعد شوي عشان نشتاق لبعض ..كان يقولي ما حب سفرات الشباب لانه تصير فيها كثير من الذنوب ..وسبحان مغير الأحوال ..الشين فيه بسرعة يتأثر من اصحابه وانا ماأدري كيف أأثر عليه واغيره زي مايسوون...
انصحـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــونـــــــــــــــــــــي
تعلمت ما ارادده وهو معصب ..واكون جدا مؤدبة معاه ...تعلمت ما أقارن حياتي بحياة غيري ...واحمد ربي على كل حال ...تعلمت انه مافي احد كامل ومثل ماهو عنده عيوبه...انا كمان عندي عيوبي...تعلمت الصبر ...وما الجألاحد في مشاكلي الا ربي ...
كنت ادقق على طلعاته مع اصحابه واجد وصرت بعدين ما اسأله ولا ابين له زعلي وقهري لين ما خفف طلعاته ولله الحمد بس ادعوا ان الله يفكه ويفك ازواجكم من اصحاب السوء

دايما امدح قدام عياله واخليهم يشوفون احترامنا لبعض ..

اعذروني في خاطري كلام واجد بس خل اشوف ترحبون فيني بالأول في هالموضوع الرائع

وولدي الله يحفظه قام يصيح ...برجع ان شاء الله

متابعة عن بعد

ولكن زوجي كان ولد عمي وولد خالتي وكان عمره 23 سنه والله يابنات اني مريت في مشاكل مايعلم مداها الا الله وكانت كبيره وحساسه للغايه لدرجة اني الى الآن متأثره منها وكادت حياتي ان تنهار عدة مرات
عندي اربعة اطفال والحمدلله الله يخليهم لي والآن حياتي لم تستقر على حال مره عواصف ومره امطار ومره زلازل ونص مره اجواء ربيعيه والحمدلله على كل حال

االسلاكم عليكم ورحمة الله وبركاته,,

حيالله راعيات العشر,,,

يمديكم تضفوني معكم!!:22:

أنا سفطت عشر سنين أبشركم!!<<<احلفي!!!:hahaha:

المهم عاد والله يوم شفت هالجمعة الزينه قلت خا أطب آخذ لي شوط!!<<فاهمه السالفة غلط!!!:hahaha:

الززززززززززبدة!!

الحمد لله عشر سنين مضت بحلوها ومرها,,

بأتراحها وأفراحها,,

عشت أحلى سنيييين عمري رغم قساوة بعض الأوقااااات,,,

لكن ولله الحمد رزقني الله الصبر والإحتساب والكتماااااااان.,,

عمري ماسبيته عند أحد من ماكان,,,

هو ستري وغطاي,,

والحمد لله ألحين أحس إن تفكيرنا واهتمامنا وطموحاتنا وحده,,,

يمكن لأني اعتبرته ابوي واخوي وصديقي وكلللللل شييييي,,,

والبنات اللي مابعد تموا عشر سنين,,

نصييييييييحة,,

لاتتهيونين بأي موقف ولو بسيط توقفين فيه مع رجلك,,

الأيام بتمر بس موب ناسيلك وقفتك معه أبددددددددد!!!

خصوصاً,,

لوكانت وقفتك معه تحتاج منك للتضحية بأشياء غيرك يعتبرها مهمممممممه!!!

مثل الطلعات أو الكماليات أو غيره,,,

وياسرعها الأيام وتركض!!!

ويصير كل شي ذكرى!!!

ويبقى منها الأثر الحلووو في نفوسكم,,

شكلي هذرت واجد,,

عاد إن شاء أبعود عليكم ولا نيب محترية ردكم!!

لأني حبيتكم!!:26:

الله يسعدكم ويهنيكم ويسخر لكم رجالكم ويآلف بين قلوبكم ,,

اللهم آآآآآآآآآآميــــــــن,,,




وقفة!!

وريدوووووووووووه!!!(ورده نت)

وش مطببتس فيذا!!!

بعدين ترى السالفة مايبغالها لساتك!!!!

يبغالها سباحه!!!

ترى اللساتك كاثرتن شقوقها هاليومين!!!:hahaha:



تسمحون بعد!!!

نور الليل,,

ياحليلتس يالعصلاااااااااااا !!!

إثرتس قديييييييييييمه!!!!

هههههههههههههه


آآآآآآآخر وحده!!!


مروووووووووووووجه,,,,

الله يشفيك ياقلبي ويلبسك لباس الصحة والعافية,,,

والله إني أدعيلك من قلبي على كل شي استفدته منك,,

كل شييييييييييي!!

لاعدمتك,,










هالمرة وبس!!!

العامريه والمحبة للجميع,,

آرااااااائكم أكثر من راااااااااااااااااائعة,,,

وردوووودكم حلوة وتفتح النفس,,,

متعه+فائدة=العامريه+المحبة للجميع*

أم العلامة,,

الله يجزاك خير على هالجمعه الحلوووووووة,,,

أستفدنا منها كثير والله,,,

الله يحرم يدينك على الناااااااااااار,,

أبغى هدوء هلا والله أجل سويتنا معادلة رياضيات يا حبي لك و للرياضيات
أقول تراني أتابعك من زمان من يوم تجمعكم حق بنات سدير هاااااه متابعة ممتازة صح

يا حبي لكم تدرون كلامنا طالعن من القلب فخش سيده لقلوبكم ما نبي تتعبون وتعانون مثلنا ولو كان كلامنا من اللسان كان ما تجاوز الا الأذان ...

الله ينفع بكل كلمة أنكتبت واللهم في هذة الساعة الفضيلة والوقت المبارك أن تكون سبب في لملمة جروح وراي لصدوع اللهم آمييييييين