رهيييييييييييييييييبة يا فردوس دمك شربات والله
سعدت بكلامك أنا مثلك تماما
أمس تلبدت الغيوم وبغت تصير أعاصير بس الحمدلله عدت

أنا واعوذ بالله من كلمة أنا عمر زواجي 11 سنة امده الله في طاعته

بصراحة الآن أحلى بالف مرة من بداية الزواج وكل يوم يمر علي أحلى من اللي قبله
مو معنى كذا إنه بداية الزواج او السنوات الأولى شقى لااا بس السنوات الاولى كنت
طول الوقت معصبة واي موقف ينرفزني وأغلب المواقف تافهة وكنت عنيييييييدة ورأيي
هو الصواب من غير الدلع زوجي مايقول كلمة او يمزح مزحة الا بكاء كانه مصيبة صايرة
وغير كذا كمان زوجي بالبداية ماكان يفهمني زي الآن
سبحان الله مع السنوات فهمت زوجي وصرت حريصة على اي شيء يريحه وابعد عن اي شيء
يزعله وهو نفس الحال صار يفهمني ومايزعلني وحريص انه يرضيني
صار بالنسبة لي دنيتي كلها والهوا اللي اتنفسه
وانا بعد صرت بالنسبة له حياته كلها مايستغني عني دقيقة
ترى سبحان الله العشرة تقرب الزوجين وبخاصة لوكل واحد فيهم يبدي سعادة الثاني على سعادته
مافي احلى من الاحترام والحب والتضحية بين الزوجين

المحبة للجميع يازين كلامك كثري وانا اختك

بسوووووووومة ياحليلك انتي بكل ملف وانتي رازة خشتك :42:
بس والله تحلين كل ملف تدخليه

محبوبة وعسل بعثتي لي الأمل في الحياة خخخخخخخ

تدرين أنتي تأثرتي من كلامي لأني كتبته بمداد قلبي لا مداد قلمي

التجارب في الحياة علمتني كثير
بأقولك على شي ويصير سر بينا

أنا كنت أسمى الدلوعة من كثر الدلع لا ويوم تزوجت صاروا يقولون وشلون هالزبدة بتعيش
والله اني صرت أقوى منهم
اللي قالوا عني دلوعة وزبدة ما يقدرون يتحملون اللي تحملته
الحمدلله كل دقة بتعليمه وبعدين المواقف القوية تصقل الشخصية وتخليك أقوى
الله لا يعيد علينا وعليكم الأزمات آمين يا رب وتكون حياتنا كله مفروشة ورورد ورياحين ويأجرنا في كل صغيرة وكبيرة

المحبه للجميع ادورك واثاريك لاقيتلك ملف جديد:30:
بس وراك وراك والزمن طويل << وش تبي ذي :eek:
ام العلامه
الله يرزقك بر عيالك وتشوفينهم كلهم علامه..
مافيه شك ان كل وحده ببداية زواجها حصل لها مواقف تتمنى ترجع
تصلحها والسبب قلة الخبره وانعدام الناصح الامين..
لذلك اتمنى من اللي مقبلات على الزواج او توهم بالبدايه يستفيدون
زين مازين..خل تبدون من حيث انتهى الآخرون..قهر الواحد يعيد نفس
الخطوات والاغلاط..
اكيد انا وحده من الناس اللي تزوجت ماتوقعت الزواج كذا..
انصدمت كنت عايشه بعالم خيالي مررره..
طبعا الرجل له دور بقوة الصدمه عفا الله عنا وعنهم ..
مواقف كثيره مرت علي تمنيت اني عند اهلي ماتزوجت والسبب قلت التأهيل
التربوي لحياة صعبه جداً..
يعني ثقافتنا للاسف ماتتعدى الظاهر بس..ديكور حلو وجو ينهدم شوي شوي..
الرجل بعد كم سنه من الزواج اذا خفت الشهوه ومل من الوجه اللي قدامه..
خلاص يبدا الصدام العنيف يظهر تطفو على سطح الحياة مشاكل كانت متراكمه
يصير كل واحد وده يموت الثاني بلحظات يمر فيها شريط التضحيات والالام
والصبر وووو خاصه عند المرأه..
طبعاً تعرفون لازم نسوي فلم هندي عند كل مشكله ونصير مافي زينا احنا بطل الفلم
وهم الاشرار المجرمين اللي ماقد سوو خير بحياتهم..:30:
ويقعد الفلم كم ساعه وهو يعرض المواقف البطوليه حقتنا..وتمر صورة الشرير اللئيم :arb:
ويازينه لو بيدك رشاش بعد وينتهي الفلم اكشن زي ماتبين وترتاحين وتريحين:22:
الزبده ياغاليات لازم تعرفون ان الاندلاق << حقوق النشر محفوظه والمحبه للجميع تشرحه
مرض خطير يفقدك احترامك لذاتك ويكرهك باللي حولك..وكل مازاد المرض كل ماكانت
الاثار اشنع..
الحمد لله لي الحين 11 سنه اكثرها غير سعيده..لكن خلاصة هالسنين اني وعيت لنفسي
ولقيت اخوات مخلصات هنا ينصحوني لله الله يحرم وجيههم على النار.
يجب ان تأخذ النفس حقها كاملا يجب ان نعتني بذواتنا جيداً لان اي بذل للآخرين بدون ايفاء
النفس حقها اولا بذل فاشل في غير مكانه..
يعني بطاطك بغير حوضك..
الله يمتعنا بأعمارنا وعافيتنا ويثبتنا على دينه الى يوم نلقاه وهو راض عنا.
واللي قالت الرجل مثل البعير اي نعم كلامها صحيح..
بسمة الم..انتي طلبتي النصيحه وحنا بذلناها لوجه الله..
لك ولغيرك من الجديدات..يمكن ربي وفقك برجل يخاف الله فنعم به واحشميه لكن برضه
انتبهي لنقطة الذات لاتهمليها..
علشان مو عند ادنى مشكله الوحده مننا تسوي مناحه وتتندم على اللي فات..خلاص من
اليوم ماسوي الا شي طالع من خاطري وعلى قد طاقتي ولله بس لله وطلباً لرضاه..
وهذا اللي بيسعدني بحياتي ويخلي الناس آخر اهتماماتي.

أهليييييييين يالعامرية يا بعد الدنيا تدوريني >>>>>> ما صدقت أحد يسأل عنها

أوه والله كلامك أكشن

يا قلبي عليك الحين أنا قاعده أدرس تطوير الذات >>>>>> خخخخ منتيب سهلة يا المحبه

وكيف تحولين الصدمات وكل شي سلبي بحياتك الى أيجابي الصراحة غصت في عالم جميل وأكتشفت ذاتي اللي فقدتها من سنين أو بمعنى أصح انا اللي كنت سبب بفقدانها ..

صحيح الحين أحسن من أول بس بصراحة كلما ذكرت عمري اللي راح أضيق وأقول ليش ما فيه أحد علمني يمكن لأني من النوع الكتوم شفتي لو أحد يقولك سرك في بير هذي أنا سر حتى لنفسي
ويستحيل أشكي لأحد من أخواتي أو أمي فديت قلبها وعمري مع أنها جت أيام تقولي تراني ما نمت كله منك أنتي فيك شي ومخبيتيه كنت أقول لها لا يا بعد الدنيا واتعذر بعيالي تصدقون أنتم مثلي أحس أني غريبة وانا أقول لا تشكين لأحد أرمي همك واتكلي على رب العالمين تدرون انكم كذا تكبرون بعيون رجالكم زوجي ما كان يصدق أني بس أمدحه عند أهلي الين جاء موقف وشاف وسمع بأذنه والله كنت على نيتي وكانت نقطة تحول بحياته وبعد ما أنسى الدعاء والله يا بنات ما يريح الا الدعاء الدعاء وبس
الله يحفظ لنا رجالنا تاج روسنا آميييييين ويبعد عنهم كل مكروه ويزيدهم قرباً لله ...

يالله كل وحده تستعد انها تلملم نفسها وتجلس جلسة خلوية وتفكر في حياتها وتسأل نفسها هي وش تبغى من هالدنيا مو ماديات وخرابيط لا هي تبغى رضا رب العالمين المجال مفتوح عن طريقه هو وبس فهو طريقك للجنة يالله يا صبايا اللي مزعله زوجها تكلمه وتعزمه على قهوة وتقعد تدردش معه وتعيش حياتها بلا هم >>>>>>> معليش خشيت جو هههههههههه