لاحول ولا قوة لنا إلا بالله

اولا كل الشكر لك لاْميرة الابداع والله يشفيها ويشفي مولودها وللاْخت سلاف ماقصرت وفت وكفت على هالمعلومات انا كنت من ايام المتوسط وانا اسمع بجفاف الجلد وتشقق الشفايف من نقص فيتامين د وزاد علي من عقب ماجبت اطفال وعندي نفس الاعراض اللي ذكرتوها ضيقة صدر واكتئاب وصداع وزغلله ودوخه والم بالعظام والاقدام وجفاف يديني ورجولي وتساقط شعر مهوب طبيعي حتى جتني قشره مهيب طبيعيه الحمد لله انا مانيب راعية قشره فجاْه جتني ورحت لدكتوره جلديه قالت قشرتك مرضيه يعني نقص فيتامينات وصرفت لي فيتامينات لمدة شهر ولا لاحظت اي تحسن وجتني مشكله بالاقدام باطنها ويوم رحت لدكتور عظام بمستوصف السلام قال عندك تمزق بالعقب وتهتك قال تمشين حافيه على السراميك قلت احيانا قال تستخدمين سير قلت مبطلته من سنه علشان الحمل قال يمكن من ضغطه لاانه يحتر ويضغط على الاقدام وقال توقفين مده طويله انتي قلت ايه اكيد علشان شغل البيت قال لازم ترتاحين لاْن وزنك كله تشيله رجولك وقلت انا اسوي رجيم من بعد الولاده وزني 70 قال لااقصد اللي عندهم سمنه وعطاني مضاد ولاخف الوجع وبعدين رحت له وزاد لي المضاد ولا فاد قال ابعطيك مضاد قوي والا ابره في العقب قلت لاعطني ابره ذبحتني الحبوب والله انه زاد اكثر من اول والابره كانها شوكه تدخل لين توصل للعظم ولا ابشركم اوجعتني رجلي الثانيه لي اكثر من سنه بها الاوجاع دايم اقول ابسوي تحاليل شامله ويقول زوجي مابك الا العافيه وشو له الوسوسه وعاد اختي جتها نفس اوجاع رجلي وراحت للحبيب وقالتلهم عن قصة رجولي قال اصلا الابرة تزيد من المشكله الحل حبوب وتدليك طبيعي وجزم الله يكرمكم طبيه عاد الله يعافيكم ابي دكتور او دكتوره يكونون كويسين واحد مجربهم اختي تقولي ليه ماتسوين تحليل فيتامين د كاْنها عارفه تقول فيه طبيبه عامه بس انها مره حلوه وحده مجربتها بالسلام على مااظن ان اسمها غاده فيه احد مجربها انا كرهته السلام من عقب الابره وابي تجاربكم مع الدكاتره .

هلا فيك أختي أشواك ناعمه....عني أنا ماجربت حي السلام سويت التحليل عند طبيبة روماتزم اسمها سميحه في مستشفى رعاية الرياض في رمضان هذا لأني كنت أحس بضيقة صدر وكل مالها تزيد وعدم توازن وأعراض كثييره المهم دخلت على الطبيبه وقلت لها أبغى أسوي تحليل فيتامين د سألتني ليه طيب بالتحديد قلت لها لأني أحس بأعراض نقصه وفعلآ طلع عندي ناااااااااااااازل كانت أول ماكشفت تحسب اللي فيني فقر دم بس سوت تحليل والحمدلله طلع نقص فيتامين د وب عاد الحين قاعده أخذ العلاج لي شهرين والحمدلله في تحسن بس بطئ بس مادام الوحده عرفت وش اللي فيها والعلاج ومتوفرر ياربي لك الحمد
اللهم رب الناس أذهب البأس اشفنا انت الشافي لاشفاء إلا شفاؤك شفاء لايغادر سقمآ

مشكوررررره سلوفتي

الله يشفيك ويشفيني وجميع بنات حواء والمسلمين أجمعين

سلاف الله يشفيني واياك وكل مريض
ايش العلاجات اللي كتبتها لك الدكتوره سميحه
لأني انا اراجع عند نفس الدكتوره
وعلاجها لي سنه وانا عليه ماتغيره
حتى لو شكيت من شي ثاني
فكرت اغيرها واروح لدكتوره نجلاء في نفس المستشفى
انتي شرايك فيها سميحه حجاج