هلا حبيبتي وهج الضوء أحب أقولك أن ون ألفا مايسمن الحين لي 3 شهور أستخدمه وهذا وزني,,, بس أستغرب من البنات اللي يسألون هل يسمن أو لا؟!!حبيباتي أهم شئ العافيه والصحه وإذا عالجتي نفسك يمديك تسوين ريجيم وش الفايده من النحف مع أمراض وشئ ثاني أحب أقوله لك فيه نقط اسمها في دي3 هذي مفعولها أسرع للي نسبتهم متدنيه لأني بإذن الله ناويه أستخدمها ونسبتي 5 تقريبآ نفس نسبتك نسأل الله ان يشفينا شفاء لايغادر سقمآ

الله يشفيكم ويشفي امي سنين وهي تعاني من المرض وكل الاعراض اللي تشكي منها نفس اعراضكم
وراحت المستشفى الحكومي والاهلي وفالو ماعندنا تحليل فيتامين د وشلون تعرف ان عندها نقص
امي اليوم ماعاد تمشي ردو علي

هلا فيك أختي لحظة شقا.....غريبه المستشفيات الأهليه عندهم تحليل أنصحك تروحين لطبيب الروماتزم في مستشفى رعاية الرياض اسمه أسامة الحجي أو طبيبة الروماتزم سميحه حجاج وتقولين لها أبغى أسوي تحليل فيتامين د أنا قلت لها وعلى طول سوته ولقته نازل يمكن ماتلاقينه في المستوصفات الأهليه والمستشفيات الحكوميه مسوينه لكذا وحده أعرفهم حاولوا مره ثانيه وربي يشفيني ويشفي أمك من عنده شفاء لايغادر سقمآ

أمسينا وأمسى الملك لله

سبحان الله وبحمده سبحان الله العظيم