يارب رحمتك


يارب انت ارحم من الام بطفلها

اللهم ارحمنا

اللهم انزل علينا شفاء لايغادر سقماااااااااااا


يارب رجونااااااااااااك ان ترحم بحالنا

يارب يارب يارب




بنات اكثروووووووووووووو من الصدقه


(( داوو مرضاكم بالصدقه ))



يارب ترتفع عندنا نسب الفيتامين ونرجع طبيعين مثل اول واحسن يارب

آآآآآآآآآآآآآآآآآآآآآآآآآآآآآآآآآميـــــــــــــــــــــــــــــــــن
جزيتي خيرآ أختي فكتوريا

سؤالي ياحلوات هل نقص فيتامين دار وأخذ الأدويه يسبب زيادة الوزن أنا نسبته سبعه ووزني كل ماله يزيد؟؟؟؟

نعم أختي خلمنده نقصه يسبب سمنه حتى لو تسوين ريجيم ماتنحفين وأدويته ماتسمن بس حافظي عليها وربي يشفي الجميع

تدرون أول مرة أدري أنه منتشر بين البنات كذا ..

أنا مريضة قدييييمة بنقص فيتامين د3 من أكثر من 9 سنوات من أيام المتوسط تقريبا
اكتشفو المرض بعد نقص شديد في الكالسيوم والمعروف أن هالفيتامين يساعد على امتصاص الكالسيوم ..
كانت البداية شكوى مستمرة من آلام المفاصل من الطفولة يظنها الاهل دلع وكسل ، وتطور الامر إلى تنميل في الاطراف ، رحت مستوصف ووحللت تحاليل عادية وروماتيزم وماظهر شي ، الدكتور قال للأهل يمكن الموضوع نفسي مراهقة وكذا >>> بغيت أذبحه وقتها :(
تطور أكثر لتشنج في اليد كأنها تغلق من نفسها معها نبض في العين في البداية الفترات كانت قصيرة ، ثم مرة طولت لاحظوها الأهل وقالو هذا مستحيل تمثيل وعلى الطوارئ ركض ، طلع في نقص في الكالسيوم حاد جدا تقريبا نسبته كانت 1 ، قالت الدكتورة لو متأخرين كان ممكن تحصل بلاوي (الحمد لله) ، وخذو عينات للدم لارسالها للفحوصات ..
المهم بعد اسبوعين وصلت نتيجة التحاليل من ألمانيا وكانت النسبة نازلة مررررررررة لفيتامين د3 ، وفي هرمون مرتفع تقول هذا يرتفع لمن يكون في نقص في الفايتامين ، بقية التحاليل سليمة ..
صرفت لي ون ألفا 1 ميكرو جرام ومعه 4 حبوب كالسيوم 500 ووصايا بالتعرض للشمس ..
وصرت أحلل كل شهر لمستوى الكالسيوم ،، بعد فترة رجع الكالسيوم طبيعي فقللت لي الجرعة ، خافت من التسمم ..
لكن لما حللت فايتامين د ما زال منخفض وبعيد عن المعدل الطبيعي ..
ظليت على الجرعة المنخفضة حوالي 3 سنوات أو أربع ، بعدها تغير التأمين وغيرت المستشفى لآخر ، وطبيب آخر حلل من جديد فايتامين د3 هالمرة التحليل راح فرنسا >>> دمي يروح ألمانيا وفرنسا وأنا ما وطيت برجلي أي منها ، المرة الجاية بقولهم دمي ما يروح إلا وأنا معاه :icon33:
بعد التحاليل طبعا النتيجة كالعادة منخفض ، زاد الجرعة إلى 2 ميكروجرام لمدة 6 شهور على ما أظن ، وحللنا قرب شوي من الطبيعي ..
قلل الجرعة إلى 1 ميكرو + كالسيوم وما زلت مستمرة إلى الآن عليها مع طبيب ثالث ..
لكني بصراحة غير منتظمة في العلاج ﻷني خلاص مليت صراحة :44:
الطبيب قلتها له مليت وما راح آكل حبوب ،غيرها فترة لنقط والكالسيوم فوار بس نفس الشي ما قدرت أنتظم ..

الغريب في حالتي أن سبب النقص غير معروف ، يعني تحاليل عمل الغدة الدرقية والجار درقية سليمة ،وبداية المرض في فترة أتعرض فيها كثيرا للشمس مدرسة ولعب وبعدها جامعة ودوام من الصبح ، يعني أتعرض كثير للشمس ..
ما عندي مشاكل في الهضم عشان أقول إني ما أستفيد من اللي آكله ، وأكلي مثل أهلي آكل عادي مشقات الألبان والسمك والكبد ، أخواني كلهم حللوا والحمد لله سليمين ..
والأهل ما يظهر فيهم المرض ، يعني أستبعد العامل الوراثي ، واحد من الدكاترة الاستشاريين لمن سألته عن سبب المرض عندي قال لي سبب غير معروف عندنا كأطباء يمكن خلل جيني ، والظاهر راح تستمري على العلاج كل عمرك :44:

رحت لاستشاريين في الباطنية والغدد والجهاز الهضمي ونفس الشي يحلل ويكتب نفس الجرعة ومافي منهم من يبحث عن المسبب ..

الحين خواتي ، هل تعرفون طبيب أو طبيبة متخصص في هذا المجال ﻷني أبي طبيب يقنعني ، مالم أقتنع ما راح أنتظم على أي علاج ، أبي علاج للسبب وليس علاج تكميلي :mad: