يااخت نور اذاكنتي من القصيم وين حللتي وكم سعر التحليل اذاكان بالخاص بس اذكري لي اسم المستشفي اهم شي وبغيت أسالك عن احد أعراضه جفاف العين كيف عندك والله يعطيك العافيه ويشفيني ويشفيك وجميع المسلمين

كان ودي أفيدكم بس للأسف أنا من الرياض وماعرف أحد بالقصيم وبخصوص سؤالك اختي مساكم مطر نعم له دخل بنقص الكالسيوم لأن على كلام الطبيبه أن مادام عندك نقص في فيتامين د بيكون الكالسيوم اللي تأخذينه مايمتصه الجسم وماراح تستفيدين منه

أنا سويت تحليل لنقص الكالسيوم وطلع سليم الحمدالله هل هذا معناته ان مايوجد عندي نقص فيتامين د لأني مالقيت اي دكتور يسوي لي هالتحليل ولكن الاعراض الي ذكرتوها كلها موجوده عندي ومن زمان أعاني منها وكنت أتمني انوه يكون عندي نقص الفيتامين علي شان ارتاح واعرف وش التعب الي فيني

مساكم مطر انا تحليلي الكالسيوم سليم الحمد لله بس عندي نقص في فيتامين د نسبته 8 وبما انك من الرياض روحي للدكتور مراد المراد استشاري غدد بمستشفى المشاري ويرسلك لمختبر يسون التحليل ويرسلونه لالمانيا انا كذا سويت بس اسعارهم غاليه انا سوا لي التحليل ب1000يقول عشان مو بالسعوديه ان شاء الله افدتك ودعواتك لي بالشفاء لاني تعباااانه مرررره الله يشفيني وكل اللي بالتجمع ومرضى المسلمين

هلا اختي عبق الورد الله يشفيك شفا عاجلا غير اجل وجميع أخواتي المسلمات أنا. كنت بالرياض بس تزوجت وسكنت القصيم ودي اعرف دكتور شاطر بالقصيم بس قولي لي العيون من اثر النقص تعانين منها وش نوع التعب الي تحسين فيه