اقولكم شغله من يومين صار لي موقف غريب بالمجمع كنت ماخده ولدي العبه وبنفس الوقت امشي شوي تعرفون صيف البحرين ما اقدر امشي بها الجو قلت امشي بمجمع
وانا العب ولدي جاء ولد صغير يبي يلعب بنفس اللعبه الي بها ولدي جت امه تأخده قلت لها لا عادي خليه يلعب معه

وهم يلعبون وبدون مقدمات اي الله يهون عليك او الله يسهل عليك فاجأتني بسؤال انت بأي شهر وبما ان بطني صغير قلت لهل بسابع وردت فاجأتني بسؤال شنو قالو فيك ولد ولا بنت

قلت لها ولد.....

المهم خلص ولدي اللعبه وهي اخدت ولدها وراحت وانا اضحك من داخلي والله فيه ناس عندهم حب فضول او حب استطلاع؟؟؟؟

ام صباح ارسلت لك بالتجمع الأول سؤال بس شكلك ما رجعتي لصفحات السابفه او ما لاحطتي

مومشكله بسألك مره ثانيه

بما انك عندك ثلاث اولاد الله يحفظهم لك ويبلغك فيهم وتشوفينهم عرسان
ياريت تحدثينا بالتفصيل الممل كيفية حملك بهم اي من بداية الحمل شعرتي بالوحم لوعه واستفراغ او فقط لوعه الأشياء الي تميلي لها والأشياء الي كرهتيها حملك خفيف ولا ثقيل اول حركه اسفل ام وسط ام فوق طريقة الحركه رفس او ضربات او شو نوع الحركه نبض او رفه الجهه المتركزه يمين يسار وسط
ضعفتي ولا سمنتي حلويتي او صرتي شينه

رقبتك او بطنك اسودت او ما تغير اللون
شعرت بحرقان ام لا
مؤخرتك كبرت ام عادي
خشمك تغير ام عادي

اي مقارنه بحملك هذا وحملك السابق بأولادك؟؟؟؟؟؟؟؟؟؟؟

وينكم اليوم شكلي داخله اليوم بروحي شكلكم نمتوا واني بروحي سهرانه

اوكي خبروني متى تدخلون التجمع اي توقيتكم عشان اضبط توقيتي معكم

تصبحون على خير

ممكن انضم لتجمعكم الحلو.......
بكري بنت الحين عمرها 7سنوات وبعدها ولدين ونفسي في بنوته حتى بنتي يوم كنت حامل كانت تقول ابغاك تجيبين بنت تلعب معي لأن اخوانها مسوين حزب لحالهم مايحبونها تلعب معهم...

وانا اذا ربنا أراد ناوية احمل على رمضان
والمدة الي بين دورتي هي 31يوم
وعندي ولد ونفسي ببنوتة ياااااااارب ترزقني اياها وترزق كل واحدة ماتتمناه