مرااااااااحب على بنات تجمعنا الغالي الوردي الفوشي المكرمش اللي كله فيونكات وربطات وشباصات
ودلع وولع وكل صفات البنات المفعوصات فيه
اشتقت لكم ياامهات الاولاد اللي كلهم عنف ومصارعه << مبهذلني اللي عندي بس يرفس فيني ويقول ( ماما واجهيني هيا هيا )
على باله سلاحف الننجا والا سبايدرمان ههههه
اخباركم وحده وحده
ام غازي اخبار طيبه الطيبه
سويييييييييييت اخبارك مابضتي خخخ انا الحمدلله بخير ومافي جديد قاعده استنى الست الهانم تشرف
ام صباح اخبار البيبي وزين سويتي في الدكتوره المتخلفه صراحه انا ملاحظه لما نتكلم معاهم كلام علمي يخافون ويحسبون لنا الف حساب
مس وااااو اخبارك ان شاء الله يارب تحملين هالشهر وانا معك وكل التجمع ماعدا سويت وام صباح وزينات الله يتم عليهم
رفيقة الدرب اخبارك لي لحين تفقدين عقلك اذا شفتي بنوته خخخ
زينات اخبار الغربه؟ تسلمين على مواضيعك الحلوه والله يتمم حملك على خير
احساس الكون ارجعي للتجمع احسن لك هههه
امممممممممممم ياربي مين بعد امممممم
سامحوني اذا نسيت حد بنات والله الذاكره الله يخلف عليها بس
مرااااااااحب على بنات تجمعنا الغالي الوردي الفوشي المكرمش اللي كله فيونكات وربطات وشباصات
ودلع...
شو الأخبار ياامهات
انا اليوم ولدي طقاني بجوتيه وجت الضربه مباشرة على بطني وفجأه ياعيتي عليه حسيته تحرك حركه قويه طبعا هو ما يقصد ما خدنها بمزحه عصبت عليه وخاصمته نصف ساعه حس بغلطه وقال لي ماما حبيبي وانا ما اكلمه
احسه ما يفهم والله احاتي اشلون بتعامل معاه وايد يغار كل شي ملكه ماني قادره اسيطر عليه يكسر خاطري اذا ضربته شسوي يعصبني
المهم صادف اليوم كان عندي موعد والدكتوره اجازه فطريت ادخل على دكتوره ثانيه وخبرت الدكتوره وطمنتني كل شي طبيعي والحمدالله
سألتها كم وزن البيبي وطوله لأن بطني صغير قالت لي الجهاز قديم وما يبين ولما سألتها عن نوعية الجنين سالتني ما خبروك من قبل قلت لها احتمال ولد قالت لي ايه ولد
انا استغربت الوزن مو باين والجنس يبان رغم كل زياره اسالها تقول لي الجهاز قديم وما يبان اذا تبين تعرفين روحي لقسم السونار وادفعي مبلغ وراح يخبروك
واخر وياره رجعت وسألتها قالت ما يبان بعدين انت صبرت همده اصبري اسبوعين وراح تعرفي وقت الولاده
المهم طلعت وطرشت مسج لزوجي اضحك عليه واقوله شكلك مافيك الا الأولاد ما فيك بنات ومره ثانيه اذا بتخطط تحمليني روح سو فحص واتأكد من حيواناتك الأنثويه مارد علي رجعت اتصل اليه سالته وصلك المسج قال ايه وما علق حسيته انصدم قلت له انصدمت متأمل ان بي بنت قال لا عادي انجيب اسود
والله مو من قلبه