مايا # :

السلام عليكم .. عندي تعليق على التجمع .. أنا من اللي كنت أعاني من نقص .. وكان 11 .. صح ما كان ناقص مرا بس أعراض كثير طلعت لي نفسية وألم عظام ومفاصل وأشياء كثيرررر .. كنت أدخل ذا التجمع أتطمن إن في أحد زيي . شهر أخذت العلاج وكانت جرعتي خفيفة مرا ( حبوب ون ألفا ) يعني خفيفة مرااا بس كان عندي توكل الحمد لله وكنت أطالع في اللي حواليني اللي معاها فشل كلوي واللي معاها قلب .. الخ يعني هم ذحين أهون مني ؟ لا والله أنا أهون بمليون مرة .. الحمد لله بس هم عايشين حياتهم برغم من أن مرضهم أخس من مرضي بس عندهم توكل عندهم أمل شايفين الحياة حلوة ليش أوقف حياتي عشان عندي نقص فيتامين ؟ صحيح الأعراض تكرهك في حياتك بس المفروض إنك تكونين أقوى .. خليكم طول الوقت مبتسمين لأنكم عارفين إن ربي فوق وعارف بكل شيء وافتكروا ذا الحديث ( لا يصيب المؤمن هم ولا غم ولا حزن ولا مرض، حتى الشوكة يشاكها إلا كفر الله بها من خطاياه ) راح عن بالكم صح ؟ صدقوني هذا علاجنا بالإضافة للنقط والشمس .. وأنا ذا الكلام ماقلته إلا عن تجربة وحطي ببالك إن مو بس إنتِ اللي فيك نقص .. 90% من الحريم فيهم بس إنتي أحسن منهم تدرين ليش ؟ لأن اكتشفتيه وجالسة تعالجينه .. سيد الإستغفار كرريه طول اليوم .. بتشوفين فرق عجيب { اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت} أبوء لك بنعمتك علي : وأبوء بذنبي .. ( يعني يارب أنا أعترف بنعمك واعترف إني فوق هذي النعم أعصيك ) هذي الجملة لها أثر عجيببب كرروها وشوفو الفرق .. في شيء ثاني أبغى أقولكم عليه .. أنا يوم كنت أشارك بالتجمع وأشوف أعراض البنات كنت أحس إن الأعراض بتطلع فيني .. وبعض البنات يقولون إن الأعراض ما اختفت بعد العلاج .. كنت أتحطم :icon32: .. طيب أنا غير أنا مواظبة عالعلاج .. مواظبة عالشمس .. متوكلة .. ! هذي الثلاث أشياء دخلتها براسي ووالله العظيم ما أكذب 6 شهور وارتفع الفيتامين واختفت كل الأعراض وأنا ذحين تفكيري غير يارب لك الحمد .. وما يحتاج تعيشون بقلق عشان الأعراض والنفسية ترا من أول شهر في العلاج بتلاحظين الفرق .. بشرط تلتزمين بالعلاج وتنسين إنك ناقصة عن غيرك عشان عندك نقص لأن الكل عنده نقص إلا من رحم ربي .. ابتسموا واطلعوا غيروا جو وشوفو الفرق وادعولي

السلام عليكم .. عندي تعليق على التجمع .. أنا من اللي كنت أعاني من نقص .. وكان 11 .. صح ما كان...