بنات هل من أعراض نقص فيتامين دال نبض متفرق بالجسم والوجه وافضل واسرع علاج الله يجعلها بموازين حسناتها الي تجاوبني .  

ريما ايوه تحسين عضلات الجسم تنبض وتتحرك


والعلاج النقط السويسريه. ولازم معاها حبوب كالسيوم

والتعرض للشمس وشرب الحليب واللبن واكل الفطر والاجبان والتونه وسمك السلمون والبيض والكبده وشرب عصير برتقال طازج


لكن لازم تراجعين الطبيب

المقياس واحد لما سالتها لانه تشوش ذهني هناا قلت يمكن له مقياسين قالت مقياس واحد والطبيعي من 70 الى 250

وعندي صورة التحليل ومكتوب جنبه النورمل الطبيعي من 70 الى 250




+++


زمن الجراح الله يكتب لك الذريه الصالحه يارب ما يمنع تحللين وتبدئين في العلاج كذا كذا حتى لو الله كتب لك الحمل انتي محتاجه الفيتامين لو كان ناقص لو طبيعي يارب لك الحمد

+++

ريماا نعم نبض متفرق انا كانت تجيني في العين لدرجه اقول اكيد اللي قدامي يشوف وجهي كيف جالسه عضلاته تلعب ههههههههههه

++++

رحلتي وحدي سبق رديت يالغلا في السابق على سؤالك بس شكلك ما انتبهتي

اتوقع اغلب الدكاتره ما تحب تقول انه الطبيعي من 70 لانه اصلا مريض نقص فيتامين د ذابحه الوسواس فلو قاله بيزيد وسواسه والدكتور اللي بيبلش من كثر الاسئله فيقول طبيعي من 30 عشان يمهد للمريض مراحل العلاج الين يرفعه لمستوى فوق 70 اعتقد والعلم عند الله المساله نفسيه اكثر منها معلومه صحيحه لكن انا شفتها بعيني مكتوب 70 - 250

الكالسيوم واحد مهما تغيرت اسماء الشركات اهم شي احرصو على الجرعه

+++

نظرات حب

مش كل طبيب له طريقة علاج بل كل مريض له طريقة علاج


لانه مش كلنا نعاني من النقص فقط فيه البعض نقص مع نشاط غده وفيه البعض نقص مع توازن للغده فيه البعض نقص مع هشاشه وفيه البعض نقص مع امراض ثانيه فكل حاله لها علاج لكن العامل المشترك بينا هي

علاج نقص الفيتامين والمتفق على فيتامين د+كالسيوم

طبعا نصيحه لا فتكرو تاخذو جرعات كبيره من فيتامين د للي تبغى أبر او تاخذ حبوب قوتها عاليه خصوصا اذا عندك قصور في الكلى او مشاكل فيها او حتى ان الكلى مرض منتشر في العائله لانه يسبب مشاكل في الكلى تقيدي بالجرعه اللي وصفها لك الدكتور


لما طلبت الابر رفضت الدكتوره قالت حتسبب لك مشاكل في الكلى خليك على النقط افضل الابر اذا كان المريض يستدعي اعطاء جرعه سريعه وقويه من الفيتامين بسبب تدهور حالته على الاخر ولازم تحت اشراف طبي ومتابعه دقيقه انتبهووو

+++


ايس تشوكلت


يمكن انتي تشربي حليب كل يوم او لبن زبادي او لبن او جبن اذا بتاخذي هالاشياء بشكل يومي تغنيك عن الكالسيوم يعني كاسين حليب في اليوم عن حبه كالسيوم علبتين لبن زبادي في اليوم عن حبة كالسيوم شريحتين سميكه من اي نوع جبن ابيض عن حبة كالسيوم لانه سالتني الدكتوره اذا بشرب حليب او لبن او جبن قلت مش دائم يمكن مره في الاسبوع عشان كذا صرفت لي الحبوب

++++

ملكه باحاسيسي انا نفسك اول ما اخذ الفيتامين احس بثقل في جسمي وراسي بس يجي نهاية اليوم خلاص يصير الوضع طبيعي والايام اللي بعدها احس حالي نشيطه واليوم اللي قبل جرعة الفيتامين احس حالي دخلت في خمول خفيف

++++

بالنسبه للي تخاف من اي مشاكل بالكلى تتوكل على الله وتكثر شرب ماااء تغسل الشوائب والكميات الفائضه من اي جرعه تاخذها


+++

والله يكتب لنا ولكم الشفاء التام يارب


ابتسامه صامته اشكرك من قلبي على المعلومات القيمه المطروحه

مرحباا صباياا

انا اعاني من نقص الفيتامين د وص لي الدكتور 30 نقطه 3 مرات باليوم

اللي جاني ماصرت اقدر امشي رجولي ماتشيلني غير الكدمات بجسمي

كان احد ضاربني بعصااا حتى الدكتور استغرب

كنت امشي ع عكاز بالبيت والا احد يشيلني عانيت منه تقريباا شهر


الحمد لله هالحين احسن بكثير

بس الشمس ماقدرت اطلع يومياا عشان ساكنه بشقه لاحوش ولا غيره


الله يشفيكم ويشفي جميع مرضى المسلمين ^_^

ودي صدى

السلام عليكم ورحمة الله وبركاته
مساااااااء الخير عزيزاتي اشتقت لكم ولتجمعكم بس والله ماصرت أقدر أدخل النت إلا من جوالي وأحس التصفح فيه كئيب نوعآ ما
كيفكم مع النقص عسى فيه تحسن وتقدم للأفضل 
أنصحكممم يابنات بالشمس واللي ماحللت تروح تحلل لاتتهاونون فيه ترى والله نقصه خطير الله يكفينا الشر وعلاجه ولاااأسهل منه بس يبي لكم مداومه وترك العجز والكسل أبشركم أنا ولله الحمد لي شهرين موقفه العلاج ويبي لي تحليل علشان يشوف الطبيب هو نقص مع ترك العلاج ولا لا عاد ناويه أحلل قبل رمضان بإذن الله وأي سؤال أو استفسار حاضره