مساءالخير
وانا بعد بنضم معاكم بالتجمع
صارلي شهرين اخذ علاج فيتامين د
بس الغريب كللللللكم دروب إلا انا حبوب
اسمهن فيتامين د٣
٥٠٠٠
وش الفرق بين الدروب والحبوب
علمآ ان النقص عندي ٧
وهاليومين بعيد التحليل ان شاءالله
انا اكثر شي تعبني
الالم بالعظام
رجلي اليسار ما اقدر امشي كثير منها
وظهري بعد تعبني حيل واحس الالم متجه لجنوبي
ولي يومين بفراشي مو قادره اتحرك من ظهري
واخر شي لبست مشد خاص للبطن والظهر وحسيت خف الالم ٥٪
والى الان مو قادره اتحرك طبيعي
حتى ولدي الصغير مو قادره اشيله من كثر ما انا منهد حيلي ومجهده مره
طبعآ زياده على نقص فيتامين د
خمول بالغده الدرقيه
نقرص بس الحمدلله قبل اسبوع حللت وقال الدكتور رجع الوضع طبيعي بس باقي ممتنعه عن اللحوم والبقوليات
ااااااه وحالتي النفسيه عدم
بس ابكي ومتضايقه حيييل
حتى على اساس اسافر مع زوجي بعد العيد خارج السعوديه يكمل دراسته بس شكلي اكنسل السفره
احس مالي خلق على السفر وادري بالغربه بتعب زياده وبتعبه معاي




اي بنات مين افضل دكتور بالرياض تعاملتوا معاه
وياليت تقولون لي باي مستشفى او باي مركز
انتظر ردودكم

تذكرت شي
قبل ٤ اشهر لما طلعت النفاس وقتها كنت حاسه بألم برجلي رحت لبروفيسور وقالي ان اللي فيني من الام كله بسبب عرق النسا وعطاني علاجات ٣ انواع
( على فكره تراه مافحصني ولا سوى شي غير انه قالي وقفي على كعب رجلك
طبعآ رجلي اليمين وقفتها عادي بس رجلي اليسار خذلتني وجلست كذا مره قدامه احاول ماقدرت وقالي خلاص )
ولما كلمت زوجي وسالته عن الحبوب قالي كلهم مسكنات
ولو تبغين تستبدليهم بـ بروڤين او ڤولتارين كلهم نفس النتيجه واخذت العلاج اللي صرفه لي والشهر اللي بعده اخذت بروڤين

بس من كلامكم اكتشفت انه مامعاي لا عرق نسا ولا نقرص ولاهم يحزنون
كل هذا كان بسبب نقص فيتامين د

لان النقرص يسببه كثرة اكل اللحوم والبقول
وانا ما احب اكلهم كثير يعني مره بالشهر الى مرتين واحيان اكل منهم حاجه بسييييييطه يعني كل كلامهم خرط فاضي

السلام عليكم ورحمة الله وبركاته
هلا وغلا بالبنات والشهر مبارك ولو اني متأخره
أخباركم وأخبار النقص معكم؟؟
أنا هنا موجوده ومستعده لأي سؤال لأني ماأدخل النت كثيير بسبب انشغالي

السلام عليكم

اليوم إن شاءالله بتطلع نتائج تحليلي.

سؤال من فضلكم حاليا عندي تنميل وتورم بالساق اليمين وثقل بجسمي ونبض مدري إذا هذي من أعراض النقص..؟ هل منم أحد مر بالحالة هذي.

الله يخليكم ظروري الحامل تقدر تاخذ فيتامين د
مثل ون الفا او النقط