‏ ‏انا اليوم حللت فيتامين د وطلعت نسبتي اثنين وعشرين بعد معاناه شهرين مأادري وين اروح فيها من دكتور لدكتور اخر شي قالو نفسيه ورحت للنفسيه طبعا حملي كان صعب كنت حامل بعنقودي وجنين وطول فتره حملي الله يكرمكم استفراغ شديد ومن مستشفى لمستشفى اللي يقول حاله خطره واللي يقول نادره تعبو نفسيتي زياده واكتئاب شديد لدرجه تركت بيتي وجلست عند اهلي وماكنت اكلم احد بالايام بس اشر بيدي وعيالي اهملتهم وحسيت اني قربت اموت وبعدها على بدايه الشهر السابع اجهضت وعانيت في الولاده بسبب العنقودي الله ياجرني وجاني نزيف اخذت خمس اكياس دم بس الحمدلله بعد اسبوع من الاجهاض حسيت اني ولدت من جديد يارب لك الحمد والمنه حتى ان فيني لسه بقايا من الحمل العقودي والنسبه قاعده تطلع وتنزل وانا هامله نفسي لااروح لمستشفى عشان اتطمن ولاشي ادعولي ربي يفكني منه من دون مااظطر اخذ ابر كيماوي يارب ابعد عني وعن كل مريض كل شروبعد عشرين يوم بدات معاناتي مع ذي الاعراض دوخه_ قل نوم_ انسداد اذن وطنين _ عدم تركيز _ثقل في الراس عند النوم_ نسيان_ زغلله في العيون ووشوشه في النظر-صداع- وجع في العظام والعضلات-ضيقه وخوف ورعب ووسوسه كسل وخموول شديد وحتى لو نمت اقوم ماكاني نمت ابدا ومااتحرك ابدا ولا اتحمل اطالع تلفزيون او امسك جوال او حتى نت اخذ حاجتي منه واطلع على طول واذا طالعت احس اني ماافهم شي مفهيه وضايعه كاني عايشه حياتي في حلم مو واقع ومااتحمل النور ولا الظلام مدري كيف اوصف لكم خفت في البدايه انه يكون دخلني هوا في راسي لاني كنت نفاس وجاتني هالاعراض بعد عشرين يوم من اجهاضي ماخليت بخور ماتبخرت فيه حتى المكروشه سويتها رحت لدكتور نفسيه وصفلي دواسبراليكس للاكتئاب وليا اسبوعين استخدمه واخاف اتركه تسؤ حالتي والله محتاره هل اللي فيني من نقص الفيتامين ولا من اكتئاب بعد الولاده تكفون بنات مين فيها نفس حالتي والله معد اخرج من البيت واخاف اجلس في البيت لحالي واصحى من النوم وانا ابكي وحالتي حاله لدرجه اني فكرت اسوي حجامه في راسي قلت يمكن فيني هوا تعبت زوجي وعيالي واهملت بيتي لاتنظيف ولاطبخ حتى ولدي ابوه اللي يصحيه ويلبسه للروضه الله يعوضنا خير يارب ويشفينا وبنتي عمرها خمس سنين تساقط شعرها مع تعبي حالتها النفسيه تعبت معاي لانها متمسكه فيني مره اكتبلكم وانا ابكي من الضيقه حفله ولدي في الروضه بعد ٥ ايام ويترجاني اجي وانا مااقدر اتحرك ولا اقابل احد فكيف حفله تكفون ادعولي احضرها ولا اكسر بخاطر ولدي ياااارب يامن فوق سبع سنوات ارحم حالي وضعفي واجبر بخاطر ولدي وبلغني اشوف فرحته ياااكريم نسيت اقولكم اني بعد مارحت الحرم اخر ساعه من يوم الجمعه وقعدت ادعي ربي من قلبي رجعت البيت واخر الليل شربت مويا زمزم ودعيت قبلها انها تكون شربه شفا وعلطول شرقت وبديت اكح ورحت الحمام واستفرغت دم حسيته طلع من صدري مو من المعده لاتقولون فيك شي لاني ارقي نفسي ورحت عند معالجين بالرقيه ولا حسيت اي عارض من الاعراض اللي يقولون عليها غير شيخ قالي يمكن فيك عين هل نسبتي ضعيفه ولالا وش تنصحوني اسوي واكل لان حياتي انهارت احس اني انتهيت يارب ارحمني برحمتك واشفيني ادعولي يابنات لاني احس اني شبه ميته يارب رحمتك حياتي انقلبت في يوم وليله على طول بدات بانسداد اذني وجا الباقي وراه على طول الله يشفينا يارب احس اني الوحيده اللي عندها كل هالشي مين مثلي وتشافت تكفون طمنوني طولت عليكم سامحوني بس انتو مثل اخواتي تحملوني

اختي بلسم جرووح
ياقلبي. الله يشفيك ويرد لك صحتك وعافيتك
والله دمعت عيوووني
ودعيت بعد الاذان ان الله يشفيك

اللي تمرين فيه ان شاء الله ماهو نفسي
المعدل الطبيعي لفيتامين د اقل شي ٣٠
وانتي بالعشرين
هذا اولا
ومن اعراضه يسبب الكآبه والخوف والضيقه
شوفيني مثلك اعاني لي شهرين وتوي عرف عندي نقص حاد ٨

وثانيا حللي عن جرثومه المعده او القولون او قرحه المعده المهم اي شي فيه عن المعده حلليه
لانه نفس الاعراض سبحان الله
حتا لو ماتشكين من وجع فيها
انا ماكنت اشكي وطلعت جرثومة وكانت نسبتها قليله بس يوم عالجتها خفت علي الاعراض حيل
الحمدلله
وبنفس اليوم قال لي الدكتور عن نقص د وكان حاد
وقال هو اللي بعد مسبب لك الضيقه


اختي شوفي المشاركات اللي مزلتهن عن معاناه اللي فيهن نقص
بالصفحات اللي طافت
اغلبهم قالو لهم فيك نفسيه

وين اروح انا بعد اسبوع من التعب ودوني لدكتور نفسي وصرف لي حبوب اكلتهم خمس ايام وتركتهم
لانه زودن علي التعب

انتي اتركي الحبوب
وعالجي النقص اللي عندك

وان شا الله يصير كل هذا ماضي وتعيشين احلا حياه من جديد ياحي ياقيوم

بعد حللي عن الاذن الوسطى مادري اقرى عنه
يمكن هي البلا دام البدايه منها


يبي لك تحاليل شامله
جرثومه معده عن طريق النفخ
تحليل فيتامين ب ١٢
تحليل الغده الدرقيه
تحليل عن الاذن

بس هذا اللي في بالي
لاتهملين نفسك وتحطين ببالك انه شي نفسي وتاكلين من المهدئات

ايه بعد روحي لحرمه تعالج تقيس الراس
لايكون فيك فتق براسك اللي تحسين بحلم
وتنزعجين من الاصوات
لاني انا بعد رحت وقالت 7 سم وحطت علي صبخه مده اربع ايام
وشوي تحكمت بعقلي وطلع الهوا


ويارب اكون افدتك لو بشي بسيط
حسيت بمعاناتك ياقلبي

السلام عليكم ورحمة الله وبركاته

اخباركم بنااات

اختي مشمشه انتي مثلي عانيت من جرثومة المعده ونقص حاد بفيتامين د ولحد الان اتعالج من النقص لله يشفينا

ولاتخافون يابنات ترى النقص يسبب اعراض كثيره من ضيقه ووسوسه واكتئاب ودوخه والم بالعظام والم بالقلب والكتف وصداع الله يشفينا

وعليكم السلام اهلين اختي دودي
كم كانت نسبه النقص عندك

وهل ارتفعت مع العلاج والا توك بالبدايه

انا صارلي يومين بديت بالعلاج واهم شي اقعد بالشمس
ويارب يشفينا