سلاااام ياحلوات وش أخباركم
الله يجزاكم خير على التجمع وأسأل الله لي ولكم الشفاء العاجل
واعذروني حاليا ماراح أدخل المنتدى إلا قليل مشغوووووووووووووله
يالله حبايب قلبي مع السلامه ودعواتكم يالغوالي

اللهم امين وحياك غنيه بربي ونشوفك على خير ان شاء الله ~

يالف ونص وميتين هلا بغنيه
نورتي والله
ننتظرك فديتك

هلا حبايب قلبي

انا عندي اخوي مصاب بهالمرض وسبحان الله اول مره نسمع فيه من جاء لأخوي..

اخوي عمره 31 والمرض فيه من 3 سنين بس ما اكتشفناه الا من سنه ونص
طبعا صدفه كان لما يطلع مع الشباب يلعب كوره يرجع هلكان واطرافه منمله
بدأ التنميل باطراف الاصابع الرجلين وكل فتره كان يرتفع للاعلى الين ماقرب للركبه

فنصحه مدير العمل ان يروح للمستشفى يعمل فحوصات

وطبعا بعد عدة فحوصات مطوله واخذ ابره في النخاع ومدري ايش كان الخبر المفجع.. الحمد لله على كل حال ..

بالبدايه وصف له الدكتور الكرتيزون ...

وبعد فتره وقفوله الكرتزون وصار ياخذ ابره يوم ايه ويوم لا

والابر طبعا غاليه جدا جدا لأننا مو سعوديين
فالملك عبد الله حفظه الله واطال بعمره وجعله ذخرا للأمه الاسلاميه والعربيه

بعد رفع تقرير الى سمو بحالة اخي اصدر قرار بعلاجه وصرف الابر له

والحمد لله على كل حال مستمر على الابر والهجمات جات له كذا مره في لسانه بحيث انه مايقدر يتكلم ومرات في رجله مايقدر يمشي تكون مايله

والله يابنات ان امي مره تعبانه على شانه وخايفه عليه وخصوصا انه البكر

والشي الثاني اللى مأثر على نفسيته ونفسيتنا كلنا انه له 8 سنوات متزوج وماخلف والحمد لله سليمين

ادعو له يابنات ان ربي يرزقه بالذريه الصالحه عشان نفسيته ترتاح

وربي يابنات انه من بعد المرض تغير كثير صاير طيب القلب وحساس ويفكر وطبعا هو مسجل في منتدى التصلب السعودي

وعلى فكره يابنات سمعت الدكتوره فوزيه الدريع تتكلم عن هالمرض وقالت انه مرض العصروانه في الكويت يصاب يوميا بهالمرض 7 تقريبا


الله يمن عليكم وعلى اخوي وكل مرضى المسلمين بالشفاء العاجل وان يجعله كفاره لكم

الله يسعدك ام عبد الله احسك مررره حبوبه ومتفائله

ام هتـان


يابعدي والله انتي
ابد بشري اخوك قولي له المرض مااااااااااااااااااله دخل بالذريه لله مير يرزقه يارب الذريه الي تسعده
والخبر الحلو تدرين وشو

انا اطفال مرضى التصلب مناعتهم جدا ممتازه وصحتهم احسن من الممتاز وهذا بفضل ربي اول وااخيرا
والسبب تدرين وشو
انا مريض التصلب المناعه عنده ممتازه
هالشي طبعا الي اعرفه للحرمه اذا حملت وهي مصابه بهالمرض عاد من ناحية الرجال مادرري
مالي علم فيها

في شي شي ثاني ياام هتام قولي لااخوك ياحاول يرقي نفسه
يوميا


صدقوني يابنات والله العظيم احسن شي التفااااااااااائل بهالمرض لاتخلونه يغلبكم


بس لاتتفائلون زيي << تفائلها عجيب
تخيلوا اتفائل اني بالموعد الجاي اترك الابر < طيري بس

وفعلا كلامك سليم ياام هتان مره شفت سعر الابر بالكرتون
بحدود 4439 ريال

والله يعينكم
يارب

خلكم معنا متابعه وعطينا اخر التطورات عن اخوك
والله يشفيه ياحي ياقيوم وكل من قال امين <<طماعه هههههههههه