السلام عليكم ورحمه الله وبركاته

كل عام وانتم بخير ياحلى متصلبااات
كيقك دكتوره دلع >>>>ترشيها عشان لاتخصم عليها ههههه

وحشتووني ووحشتني اخباركم ...وش قصصتكم ويا فيتامين دال...
ماعمرهم عطوني هو ضروري لمرضنا؟
ادعوا لي يابنات الحين عندي موعد وهذا الرنين المغناطيسي الثالث اسويه
وبروح اشوف النتيجه:(وربي خايفه بما اني جديده على المرض ...
كان عندي نقطتين الزياره الثانيه 4 الحين مادري:09:
بس يانا بحط حرتي بالدكتور طبعا هو ماسك قسم العياده الخاصه بمرض التصلب اللويحي بالعسكري ويانا وياهو :42: مايبي احد يجيب له سيره القسطره ..هذا الكلام من فتره قبل الكويت تستانف العمليات..وقالي
وش قصتكم ذبحتوني اتصالات ومدري شنو العمليه مفعولها نفس البيتا فيرون بقوله اليوم هاه ولش العالم قامت تجريها الله يستر بنطرد خخخ

بس ناويه عليه:)
دعووواتكم لي...

اهلين بناات جت المدارس وجاء غثاء المستشفى:44:
من الصبح وانا افتر تو دخلت البيت ...
لي سنتين متصلبه تو يعطيني الدكتور فيتامين دال:mad:
صح النوووم ..قلت كيف التحاليل قال الغده ماش..حولني على دكتور غدد:44:انا كذا بعض رمضان تنتكس غدتي..
وقال ماسويتي اشاعه وتحليل وكان معصب:mad:ونفخت عليه
قلت الا سويتها وكان عنده اثنين متدربين كنت مستحيه ..بس رفع ضغطي وبس ..وامشي لفي وبعدين قال امشي وانتي ضامه رجولك

كنت بطيح كان بيصير زلازل بالرياض بس الله ستر:35:
والاشاعه كل مره اشوفها بس هالمره ماشفتها جلس يوريها المتدربين
بس كلامه كان مايطمن قال خلاص ..قلت دكتور وشلون الاشاعه
قال النقط زادت بس احنا مانخاف من النقط البيضاء نخاف من السوداء
لانها تسبب تلف في خلايا المخ احس انه يضحك علي:mad:
صدق كلامه يابنات ولا يلعب علي للحين ماعندي خبره بالمرض
بناااات وش كنت بقولكم..فيتامين دال عطوني نقط علبتين العبوه
فيها 10 مل بالاسبوع لمده ست اسابيع..
يعني كل يوم علبه ؟؟؟
ولا يمكن غلطانين كل يوم 10 نقط تكفون علموني ..
اذا 10 مل ليش عطوني علبتين بس ؟؟
قولوا يابنات اذا 10 مل بالاسبوع الله يعين بروح اشتري..

اهلين ابشرك يادلع التنميل مازاد بس علا حاله:27: هلا هم هلا علا قوله امي بفرواله كيفك والحمد لله على سلامتك الله يعافي المدراس الي خلتنا نشوفك:35:امزح بس ولهنا عليك ام عبدالله شلونك وش الدنيا بك تدرون ان المرض انتشر بشكل واسع حتى المسلسلات كتبو عنه من شافت مسلسل زوراه خميس كان في ولدهم بس مضخمين الموضوع:44: ماقول الاالله يشفينا جميعا قولو امين يااحلى متصلبات

هلالالالالالالالالالالالالالالا بنات هلا هبووبه هلا فراوولة..
كيفكم.. يازين المدارس الي تخلينا نشووفكم..
ام عبدالله غااااطه شكلها تجلد الكتب..
وبااقي البنات وينكم؟؟؟
فراااولة.. انا ولامره الدكتور قالي كم عدد النقااط..بس النقااط قالوا عددها مو مهم.. اهم شئ هل هي نشطه او لا..
ممكن تكون كثيرة وخااامله..الله يهجدها الى يوم القياامة..
بالنسبة للفيتامين.. تو الاطباء كلهم يلتفتون لفيتامين D بعد ما عل المرضى قلب الاطباء..
لانه المرضى يطاالبون بالتحليل..
انا لسه ما اخذت فيتامين D.. في موعدي الجاي..
ويااقلبي لاتستحين من طلبة الطب..انا اصلا ما اشوف دكتوري الا قليل اكثر شئ الطلبة..

السلام عليكم بنات انا مره جيتكم هنا من تقريبا اربع شهور ونص وسالتكم عن التمنيل وضعف في النظر تذكروني !!<<<مرررره مصدقه

المهم انا بعدها عشت فتره مايعلم بها الا الله من دكتور لدكتور ومن اشعه في اشعه ومن وسواس لوسواس لين لعبت بي الوساويس لعبب مابين ذئبه حمراء وتصلب او نقص فيتامينات المهم الله يجعها تكفير وكل دكتور يقولي شي

المهم انا رحت دكتورين كلهم قالو لي تصلب مع العلم انهم ماسوو لي الا اشعه رنين بس!!
الا استغفر الله واحد منهم قال يمكن ذئبه او مرض ثاني وهذا هو اول دكتور رحت له وفجعني فجعه الله اعلم بها اسلوبه كان قااسي مررره ومخيف بس قال 80 بالميه تصلب وطلب مني تحاليل عشان يتاكد بس انا سحبت عليه ورحت للثاني وماسوا لي اي شي غير الاشعه بالضبغه وقرر تصلب وقالي ابر وكرتيزون
تحولت ع الجامعي واخذت الكرتزون خمس ايام وهذيك الفترك نبضات قلبي صارت سريعه بقووووووه لدرجه حتى وانا نايمه احس بها فصدري هل هذا طبيعي!!!
وبعد الكريتزون شافني دكتور بالجامعي وقالي ننتظر انا ماودي ابدا معك الابر لان فيه ناس كثير يكون عندهم النقط هذي لكن تكون خامله او شي زي كذا وممكن اللي عندك شي عارض ويروح وفي ناس تجيهم مره وحده وتروح وعطاني موعد بعد اربع شهور وعطاني معه تحاليل اسويها يشوفها اذا جيت وقالي اذا حسيتي بهجمه تعالي على طووول انا بصراحه بعد الكرتزون ماتحسنت عيني الا بعد 3 اسبيع !!! طبيعي!!!
قعدت يمكن اسبوعين ثلاثه وبدت تخبط مره ثانيه بالاضافه احيانا احس بضغط اسفل راسي والحين صايره تجيني دوخه احس كان فيه شي يشدني هلى تحت !!!
حتى كل فتره وفتره احس بالام او شي نغزات جهه قلبي هل هذا طبيعي هل هو من اعراض التصلب!!
انا الدكتور مايعطيني وجه كله مستعجل مايلحق على المتصلبين الله يشفيني ويشفيهم
انا اللحين انتهت فتره الاربع شهور وموعدي بعد عشر ايام تقريبا هل بيسوي لي رنين ثانيه!!!
مررررره خايفه وخايفه من نتيجه تحليل الدم بعد الله يستر يااربي تكفون بنات ادعولي ادري حكيت كثير وحكيي بعد يمكن مو مترابط بس احس ودي افضفض:(





فيتامين د حتى انا بالحضيض وسويته من نفسي محد طلبه مني الله يخلف الا الاول اللي فجعني للامانه كان كاتبه ضمن التحاليل الي يبغاني اسويها وانتبهت له