هلا هبوبه بالنسبة للفلوس هذاي اللي فهمتها انهم بيشوفون من الي قدم على الوظائف الحكومية وحريص على التقديم وماطلعت له وظيفة... بيعطونه فلوس..


كيف ووين ومتى ما ادري...

الشئ الثاني.. ام سلطان.. قولي لزوج قريبتك يحذر منها.. لايضيع ماله بالوهم.. هو شكله توه مريض.. والمرضى الجدد سهل ينلعب عليهم..

واسله من شرب الماي اللعب عليهم..

صدقيني لو انا حرامية وحقيرة.. كان العب على الناس بالادوية اللي اسويها.. واقولهم شوفوني مريضة وبعافيتي.. واخذ واحط وانزل بالاسعار.. يالله هذولي البشر وش قلوبهم من قلوب وامانه منها منتهيه...

بقولك .. القسط الهندي جدا مفيد .. وسبق تكلمته عنه هنا بهالتجمع.. واخذته لمدة شهور.. وهو جدا مفيييييييييييييييييييييد..

وفيه حبوب ومكملات غذائية جدا مفيده..تحسن من حالة مريض التصلب..

منها زيت زهرة الربيع- فيتامين اوميجا 3 - مركبات فيتامين b -فيتامين d - الكالسيوم- كبسولات الهندباء- زيت الحوت >> اتوقع كذا اسمه-

وفيه اعشاب مفيدة للمرضى.. منها
القسط الهندي - السنوت( الشمر) - حبه البركة- الدارسين

وفيه نباتات جدا مفيده للمريض
منها التمر - والقرع -والاشياء الخضراء- الثوم - الحلبة

وفيه اشياء مفيدة
مثل العسل - زيت الزيتون - ماء زمزم - زيت حبه البركة- الحليب - السمك


هذي الاشياء اللي كتبها هذي من مضادات الاكسده اللي يحتاج لها مريض التصلب.. ومن الاشياء اللي تساعد على توصيل الاشارات العصبية بشكل جدا كبير.. بحيث ما تتوقف الاشارات العصبية او تتأخر.. وهذي هي مشكلة مرضى التصلب في تأخر و توقف الاشارات العصبية.. واشياء تخلي حركة الدم طبيعية وانسيابيه في الجسم..وهذا برضوا يحتاج له مريض التصلب... وتزود الجسم بالكورتزون الطبيعي.. اللي مايخلي الغدة توقف انتاجها..يخلي كل شئ طبيعي وعمل الغدد طبيعية..

وفيه اشياء مضره لنا كمرضى تصلب
الشوكلاته - الدهون - اللحم الاحمر- الحرارة - الشمس - السهر - التوتر - الاكتئاب- العصبية - الرجيمات الحادة بدون اشراف طبي.

up

السلام عليكم ورحمه الله وبركاته

انا دخلت ع الموضوع بعد مابحثت بقوقل

المهم خواتي ارجوكم ردو علي

انا اختي الصغيره جاها هالمرض :(
حرام توها بالثنوي لو تشوفون نفسيتها زفت صايره
تقول خايفه من المستقبل
خايفه محد يتقبلها
اللحين صرفوا لها الابر الالمانيه 3 مرات في الاسبوع بعد ماتاخذها يجيها حراره مو طبيعيه ولا تقدر تتحرك من مكانها من التعب .. مع انها ماحست بهالاآم قبل الاستخدام

مره او يمكن مرتين طاحت لا شعوريآ
تحس بتنميل وعلشان كذا وديناها المستشفى وبعد الفحص قالوا ان فيها هالمرض
تنصحونا نوديها مستشفى ثاني نتأكد
وهل لان اكتشفوا فيها مبكر في امل يعني تتعالج وتطيب
ووشلون المجتمع متقبلكم يعاملوكم كـ مرضى او لا
لأن لسا احنا ماعلمنا قرايبنا محد يسلم من لسانهم :09:
انا ادري انه مرض عادي صديق ع قولتهم مثل السكري
لكن الناس ماتدري وبيأثر عليها
وبعد احنا نخاف عليها تطيح بالمدرسه ولا شيء تعرفون بتنحرج قدام صديقاتها
تكفووووووووون تكفون ساعدوني بأي كلمه
كلامي مخربط بس لان تو راحت تنام بعد ماتعبت من البكي :(

هلا فيك اختي خالة شعول|

هدي من روعك.. ليش هالخوف كله..

ولو قريتي موضوعنا بتلاقينا عاديين.. وعايشين طبيعي.. تقبل المجتمع.. الحمدلله حنا ماسوينا ذنب..او خطيئة نخجل..
يعني مو ايدز وجاي عن طريق زنا والعياذ بالله..
الابر الالمانية مافهمت قصدك.. ابر التصلب 3 انواع.. ربيف 3 مرات بالاسبوع.. بيتافيرون يوم ايه يوم لا.. افونيكس مره بالاسبوع..
الاعراض اللي تحس فيها اختك طبيعية.. وكلنا مرينا فيها.مع الوقت يتقبلها الجسم.. واذا مره ماناسبتها خليها تروح للدكتور يغير نوع الابر..
اذا كانت مشخصة تصلب .. والدكتور نفسه حلوه.. ويجاوبها لاتغيره.. ترى العلاج واحد.. في الهجمات كورتزون.. وفي الايام العادية ابر.. وقريب راح تجي الحبوب..
الافضل والاحسن ماتعلمون احد.. الامور الخاصة فيكم مو لازم تكون منشوره من يبي يجي يتفرج عليها..
والمرض شئ خاص في اختك.. ما لأحد دخل فيه..
والناس كلامهم مررررررر.. ومجتمعنا قررررررقره...وتأليف وايشاعات.. وحكي فااضي..
انا عن نفسي ملتزمه الصمت.. وعايشه جدا طبيعي.. وحتى البنات اللي يعرفون اقاربهم انه فيهم تصلب.. عايشات طبيعي..ومواصلات دراستهم وجامعاتهم.. وووظائفهم.. والمتزوجات في بيوت ازواجهم..
البكي ماراح يفيدها شئ.. واذا بكت يعني بيشيل المرض نفسه وبيطلع؟؟ لا بالعكس راح تتعب وتضعف..
ودوها لشيخ يرقيها الرقية مهمه جدا..
وفيه مريضات تصلب والناس يعرفون انهم مريضات.. والحين اعرفهم مملكات.. وبنات ينخطبون..
يعني الوضع جدا طبيعي..
شوفي المرض مزمن.. والشفاء بيد الله.. لكن مو مهم النقاط البيضاء تروح وهي امنيه كل مريض كثر ماهو مهم يوقف نشاطها..
اذا وقف بتعيش طبيعي كأنها مافيها شئ..

الله يسلمك ويشفيك اختي

مادري بس اقرأ بالنت انه طول العمر تقعد تستخدم الابر هاذي ويمكن تزيد عليها الاعراض
هي اللحين تستخدم الابر على امل انها تتركها بعد فتره ماتدري انه للآبد
والدكتور ماقال شيء اعوذوا بالله كل ماسئلناه مايرد يقول مو معروف السبب
بس ابي اعرف في مجال تطيب ؟؟؟
وايش قصته هالمرض وايش النقط البيضاء
انا مارحت مع اختي ولا كأن سئلته وهو ماقصر شافها صغيره ولا علمها شيء بس قلها فيك كذا وهاذي ادويتك