والله معك حق يا ام عبدالله
احنا مثل الغرقان ويتمسك بريشه
عمومأ ايش الرقيه اللي مشيتي عليها
انا معك علاجنا بالقران

لبى قلبك NA19

عسى عمرك طويل ويشفينا يارب

ناسيه نصها
لاني مضيعتها وعشان كذا لين الحين مارجعت لها
باخذها من دلع


دلع تكفين نزلي لنا الرقيه كامله لبى قلبك

تسلمين ام عبد الله ترى زيرو مو ناين
دلع انتظرك

الله يشفيكم ويعافيكم اجمعين وبنتي والمسلمين
أنا اول مرة ادخل هذا التجمع
بنتي ظهرت عليها بوادر التصلب المتعدد
صحت من النوم عندها ازدواج في النظر
طبيب العيون حولنا على مخ وأعصاب
سوى لها رنين مغناطيسي
طلع عندها بقع بيضاء ع المخ
تنومت أخذت كورتيزون وريدي خمس جرعات
وطلعت
تاخذ كورتيزون الان مع علاجات اخرى لمدة اسبوعين وبعده موعد
تعتقد هي انه تاخذ العلاج هذا بس اسبوعين وبعدين خلاص
لكن انا بحثت عن البقع وعرفت هذا المرض فمانقول الا مايرضي ربنا اللهم اجبرنا في مصيبتنا وأخلف لنا خيرا منها

فارجوكم تعطوني معلومات عن
افضل طبيب ممكن نتعامل معه وفي اي مستشفى
أدوية شعبية تعاملتي معها وكان لها اثر واضح في علاج او تخفيف المرض
هل الحجامة ممكن تفيد
وسمعت عن لسع النحل لكن لقيت تجارب مانجحت
هل فيه معالج شعبي او معالجة تنصحين بها
فيه واحدة منكم راحت الصمعاني؟ اعتقد ممكن نلاقي عنده طب لانه خبير

بنتي زاد وزنها في اسبوعين بصورة واضحة وطبعا نفسيتها في الحضيض وعصبية بزيادة
وش نصايحك بما ان بنتي مصابة جديدة لانها الى الان مااحد فاهم وضعها غيري كلهم يتصورون ان الوضع مؤقت فترة وتعدي
الا أنا لأني سويت بحث وعرفت اسم المرض من خلال الأعراض حتى الدكتور ماقال عنه شي غير ان الجسم يهاجم نفسه
شكله يبي يعلمنا بالتدريج

الله يجزاكم عنا كل خير ردوا على أسئلتي مادام اننا في البداية لعل الله يرفع عنا وعنكم
اسأل الله الكريم رب العرش العظيم ان يشفيكم اجمعين
ويجعل ماجاكم طهور يمحو به الذنوب ويرفع به الدرجات

اللهم اقدر لنا الخير حيث كان ثم رضنا به

الوف

نورتي التجمع لبى قلبك وياهلا فيك
اول شي اقولك سلامة بنتك من كل شي والله يشفيها ويشفينا يارب ويسهل لنا امور العلاج
افضل طبيب ممكن نتعامل معه وفي اي مستشفى؟

ماانصحك ابد بالدكتور الي اراجع عنده ابد ابد ابد
اسمه عبدالقادر الضعيف والكل يقول انه مره روعه وشكلي انا بس لي تاذيت منه كثير كبير بالسن
بمستشفى ملك خالد الجامعي بالرياض

أدوية شعبية تعاملتي معها وكان لها اثر واضح في علاج او تخفيف المرض

جربت الحميه حقت السع بالنحل تبع المعالج سامي الثنيان وكانت مره روعه من ناحية المرض
وقفت الهجمات عني تقريبا اكثر من 8 شهور ومع انها كانت تجيني بالشهر مره مرتين مع اخذ الابر الي تحت الجلد الريبف 44
كنت بسوي السع لكن ربي مااراد لي اياها لاني كنت استخير والخيره عند ربي

هل الحجامة ممكن تفيد
ماجربتها بس سمعت كثير سووها ونفعت معهم كثير

سمعت عن لسع النحل لكن لقيت تجارب مانجحت
هل فيه معالج شعبي او معالجة تنصحين بها
مثل ماقلت لك سامي الثنيان مره شاطر وفوق هذا كله يراعي نفسيت المريض بشكل ماتتصورين
وفوق هذا دارس ومسوي دراسات كثير عن السع وكل شي يخص هالمجال
اول كان يعالج كل الامراض اما الحين لا بس تخصص بالتصلب اللويحي المتعدد وله مقابله مع جابر القحطاني بالاخباريه



وحياك الله وتطمني لبنتك كل دكتور اراجع عنده او اقابله واساله يقول دام المرض اول مره هاجم العين
تطمني بااذن الواحد الاحد انه ماياثر على باقي الجسم الا خفيف
ولاانسى اقولك ابعدوها عن اي شي يوترها ويتعب نفسيتها
وتحملوا عصبيتها ترا شي غصب عنها

< اذا في اي خطاء تراني ماراجعتها