:icon28:





مابي اشوف بهالتجمع احباط وشؤؤؤؤؤؤؤؤؤؤؤؤؤؤؤؤؤؤم
مابي الا تفائل
انبسطوا واستنانسوا
غيركم اسوووووووووووووووووووووووووووء ضروف
وحنا جالسين ناخذ لنا اجر
وش احسن من تسذا

حياكم الله...

اي والله صادقه اختي ام عبدالله...

والله يكفي اننا ناخذ الدواااااااااء ببلاش..

غيرنا.. يتعذب عشان يحصل الابر..

يكسروون خاطري اللي يتعذبون عشان ياخذون الابر..

وحنا ترى زين جينا في وقت معروف المرض.. ومتوفره الادوية.. مرة قريت عن واحد باع بيته..

عشان يوفر الابر.. وفي باقي الدول يتعذبون .. الله يعين كل مريض...

تدرين دلع
مره جتني هجمه من ظمن 19 مره
وقالي الدكتور راح نجرب علاج يعطوني ايها بالبيت لمدة اسبوعين
هو كرتزون بس بالعظل وسعره بس 15 ريال
< طبعا مو اي احد يااخذه انتبهوا بناااااااااات مو زي البنادول
المهم عطوني المستشفى 3 علب بس حقت اسبوع واحد لاني 3 ايام بالاسبوع
وباقي الا سبوع الثاني
رجعت للبيت وقلت لاامي السالفه
طبعا ماقلت لها وش هالابره
هي تحسبها الانترفيرون
ويسود وجهها ياعمري هي
وتتصل على اخوي وتقوله تعال للبيت بسرعه
وتجلس معه بالمجلس
واثري سمعتها وهي تقوله وشلون ادبر 4439 ريال
الحين انا عندي 39 ريال بس 4400 من وين
واخوي صكت فيه الدنيا
انا دخلت عليهم منفجره ضحك
فااااااااااااااااااااااااااااطسه

قلت لاامي وشوله الاربع الاف
وهالخرابيط
الابر بس ب15 رياااااااااااااااااااااااااال

امي طيرت عيونها قالت بس متى نزلوا سعرها
جلستهاوشرحت لها الموضوع ياعمري هي وربي انها بكت من الفرحه
ولااول مره امي تضمني ههههههههههههههه

على قولتك دلع احسن من غيرنا
بس لو يحطون لنا مواصلات عشان هالمواعيد ياسلام

يالله انت تحفظ لك امكـــ ...

ياعمري عليها والله ما الومها.. انا الابر اللي اخذها سعرها 5083ريال و45 هلله... الهلل مقدور عليها بس الـ5083 كيف ندبرها كل شهر...

الله ييعز الحكومة..

وهذي الابر اللي اخذتيها.. كيفك معها؟؟ وايش اسمها؟؟؟

الله يكتب لك الشفاء يارب..

الله يمن عليك بالشفا ولاعاد تشوفين دمعة الغاليه