اللهم لك الحمدالله على ابتلاءنا بهالمرض
ومحد معترض على قدر انكتب لنا قبل نخلق

وفعلا هالمرض مو معرفو اسبابه لحد الحين يالله يكفينا شره


بس تدري وين المشكله
انا اهلي مو متقبلينه ابد
مره قالت لي امي انتي اصلا تكذبين مافيك لامرض ولا شي
<<هالكلمه كانت لي صدمه

بس طنشت وقررت اعيش حياتي زي ماابي انا
وامشي حياتي زي ماابي انا
وبديت اشن حمله على نفسي

اول حمله كانت بتوحيد لون جسمي
بعدين قررت انقص الوزن الي اكتسبته من هالكرتزون
والحمد الله نقصت كيلووين ونص
والحين حمله بعد على شعري الي اندمر من العلاجات

انتم مثلي ولا بس انا الي شنيت هجوم مكثف خخخخخخ

ام عبدالله شكرا على التوضيح انا كمان قرات اليوم موضوع فراولة فوشية وبالتحديد الاعراض والله خفت لان بعض الاعراض موجودة عندي منها ازدواجية الرؤيه وصعوبة التفكير والتركيز والنسيان وتغير المزاج تشنج عضلي ومشاكل في الامعاء هذي كلها عندي
افكر اروح للدكتور اطمن لان انا كمان عندي مشكلة رعشة في يديني الاحظها لما مثلا اصب قهوة او امسك الجوال فترة طويله

يالله نقول الحمد لله على كل شي انا اول شي فكرت بعيالي لدرجه اني كنت اقول ماراح ازوجهم الا وانا مشلوله جاني احباط واكتئاب كرهت نفسي وكرهت حياتي وكرهت كل شي بحياتي مره استغفر الله قلت ليه انا الي جاني المرض انهبلت لدرجه اني للحين مو قادره اقول الناس مرضي يسالوني يقولون سمعنا انك تعبانه بس مو قادره اقولهم حولتني دكتوره سونيا خان لنفسيه اعصاب وصايره حساسه بكل شي لوزوجي زعلني بشي قلت عشاني مريضه بالتصلب بيتي كان بينهار بس الحمد لله فكرت ورجعت لعقلي وقلت يابنت فكري باليوم وبكره خليه لبكره المرض مو عيب المرض من الله واذا احب الله العبد ابتلاه~

عشنا وشفنا
العفو ياقلبي

حلو انك تطمنين وطمنينا معك
بس انتبهي يتحول عندك وسواس

تدرين مره يوم كنت متنومه
طبعا انا تنومت 19 مره كلها مواقف رهيبه بس بذكر لك هالموقف الي اثر فيني جد

كان في وحده فيه التصلب بس ماكانت معي بنفس الغرفه لا
كانت بغرفه خاصه
المهم كان معها بنتها وقالوا الدكاتره احتمال يكون هالمرض وراثي ويااثر على عيالك
قامت هالبنت وبدت توسوس يمين يسار لحد ماطاحت ماقدرت تمشي
يوم كشفوا عليها وسوا لها فحص التصلب طلعت البنيه سليمه والي فيها شي نفسي وحولها على طول على دكتوره نفسيه


ولحد الحين اثبت العلم ان المرض مو وراثي ابد ابد ابد
ولايزال مجهول الهويه

فرواله فوشيه

شكلك مثل حالتي اول مادريت عن المرض

بس انا كان الدكتور الي قالي عنه ماعنده سناعه ابد
تخيلي دخلي علي قالي فلانه
قلت له ايه
قالي شوفي اختي بعد الفحوصات والاشعه وبعد ماطلعت نتيجه تحليل السائل النخاعي طلع عندك مرض التصلب العصبي المتعدد
طبعا ماقالي لويحي لا قالي عصبي وهذا الي خوفني الي يصلحه
المهم بعدين قالي عندك اساله قلت انا ايه وش هالمرض قالي بعد الظهر راح يجيك البرفسور الطحان وهو يقولك كل شي يالله عن اذنك
طلع من هنا وسكر ستارتي انا انفجر اضحك
صار عندي رد فعلا مو طبيعي
طبعا انا اذا انصدمت من شي اضحك وبعد فتره طويله استوعب الي صار بعدين ابكي بالبدايه يكون عندي حالة نكران للي صار
المهم جاني البرفسور وجلست اساله وهو يرد علي بطريقه طبيه يعني بطريقه انا مو فاهمه شي من الي يقوله
سكت ورجعت للبيت بعد كم يوم
وبدت عمليه البحث عن هالمرض
وسجلت بمنتدى التصلب الويحي السعودي
بس صراحه زززززفت شويه عليه
سبب لي اكتئاب وربي اكثر من سنه لحد ماتركته وبدت ترجع لي نفسيتي شوي شوي ورجعت لي بسمتي
صح احيانا انهار وابكي بس خلاص مو بيدي شي