تجمع لمرضى التصلب الويحي المتعدد/ قديم

دلع شرقي • 15 سنة

هلا فراولة .. انا كذا مره اذكره.. افرفر بالنت وادور..

وكثير اعتمد على منتدى مرضى التصلب بالسعودية..

تكفوون بنات خل نعل قلب وزراة الصحة..

وخل نراسل كل من نقدر من جرائد وغيره..

ليش ابرة التيسابري اللي قتلت كذا شخص بالعالم.. واللي الان جديدة ولاهومو مثبت فعاليتها.. جالسه تدخل للسعودية..

والابرة الوحده بـ11.500 ريال.. حدعشر الف وخمسمية ريال..

المستشفيات تبع وزارة الصحة صحيح ماتصرفها.. لكن فيه مستشفات الحكومية تصرف اللي ماتتبع للصحه..

ومندوب الابرة احمد جالس يفرفر بالسعودية.. في وقت عملية اوردة بسيطة ماتكلف حتى 10 الاف.. ممنوعين منها..

وعمليه وحده على مدى العمر..

والله العظيم شئ يقهر.. لانه مافيا الادوية موجوده حنا لنا حق فقط .. اننا نتعذب .. ونموت..

يالله..

آه آه آه.. ياربي والله يحق لنا العلاج...

اطباء الاعصاب الله لايحرمهم من مووت حنا نذوقه..

اموت خوف وحزن اذا شفت الدكاتره مثل الضيف اللي اليوم والدكتور .. ايوب.. كيف اثر المرض عليهم.. حسبنا الله ونعم الوكيل على كل من كان السبب..

وعلى كل من يعادي فكره الاوردة..انا وحده من

السعوديين اللي مستعده اسوي العملية.. وعلى قولة المذيع سعود.. دام المريض راضي.. والطبيب رااضي.. انت شكو يا الوزير.. ويا طبيب الاعصااب..

اطباء الاعصاب عبيد للمال.. لانه كل واحد منهم عضو في الجميعة.. ولازم يحارب هذي النظرية ولازم تطلع من عنده..

آه ياقلبي.. رئيس جميعة مرضى التصلب بالامارات.. ولا هو داري عن النظرية مريضة راحت تشرح له.. ارتبك مو عارف عن الموضوع شئ.. واخر شئ ينفى .. بشكل قاطع هذي النظرية..

ابي اعرف رئيس ايش يسوي واذا هو مايدري عن المرض وينه..؟؟!!!

الله ياخذ حقنا من كل مسؤول.. والله يذوقهم حرارة المرض في اجسااامهم.. عشان يحسوون فينا..

فراولهـ فوشيهـ • 15 سنة

دلع هذا نصيبنا ولازم نرضى فيه وان شاء الله يوم الاحد يصير خير ويرحمونا ويحسون فينا للان ماصار الرفض ولا القبول لانسبق الاحداث وماتدرين برى فين يسونها غير الكويت اللي كنا متاملين فيها خير ~

دلع شرقي • 15 سنة

نعم يسوونها بغير الكوويت..

لكن انا ابيها في بلادي..

ابي تكون متابعتي هنا.. داخل السعودية..

ليش اتشحطط برى السعودية.. وبلادي متوفر فيها كل شئ..

وبلادي تجيب اطفال العالم وتفصلهم.. تجيب مرضى من برى وتعالجهم..

الكويت مافيها علينا.. يكفي للان فوق 5000 مريض.. صافين دور..

ارسلت ابي حجز.. ولسه ماجاني اي رد..

ليش انطر وانطر.. انا اخاطب بلادي.. وعلى الغير مو اعتماد..

بولندا الى اليوم تسوي العمليات.. والعملية رخيصه.. شاملة الفندق والفحوصات وكل شئ.. تقريبا 6.700 يورو..

لكن لو احتاج للطبيب استشيره.. كيف استشيره وهو بدوله وانا بدولة..

الطبيب الكويتي يقول نسعى انه نسوي 20 عملية بالاسبوع..

اميرة المشهود تقول انه بس هي وصل الطللبات عندها الى 5000 شخص..

على كذا ما راح يجيني الدور الا بعد 4 او 5 سنوات..

فراولهـ فوشيهـ • 15 سنة

صدقتي وانا كنت اقول لعيالي وانهرت يوم انتهت الحلقه امس بلدنا فالحه تفصل هالتؤام وخيرنا كله لبرى مارحمونا حنا عيال بلدهم وحنا اولى بها الخير الله يحرمهم عافيتهم رجع لنا الامل وكسروا بخاطرنا الله يكسرخاطرهم ويعيشهم الي حنا عايشينه وربي انا بحاله نفسيه مايعلم فيها الا الله ليتنا ماعرفنا ان هناك فيه امل لشفانا وحارمينا منه وقال امس دكتور طارق القسطره بسيطه والمريض صاحي وهو يشوف موضعي فقط واذا مانفعتهم ماتضرهم ولو رفضت الكويت العمليه خلاص ننسى انهم يسونها بالسعوديه ولو سوتها الكويت بندخل بعيونهم مب ساكتين الكويت شفتي الي امس تقول بنسوي مظاهرات املنا في الله ثم بالكويت يارب اسالك في هذا اليوم الفضيل اجبر خاطري وخاطر كل مريض تصلب ~

ديـــــراوية • 15 سنة

لــــــــــــــرفع,,,,

لااله الا الله محمد رسول الله,استغفرالله واتوب الية

الله يشفيكم اول مرة اسمع بالمرض هذا