السلام عليكم ورحمة الله وبركاته وبعد :
اخواتي مريضات القولون عامة والاخت كلاسيكية خاصة اعتذر انقطعت عن التجمع فترة بس صارت عندي ظروف منعتني وماكان النت متوفر عندي عموماً انا في اخر اسبوع في الشهر التاسع والله يفرجها علي وعلى كل حامل يااااااااارب وصار لي سنين معاناة مع القولون الهضمي والعصبي وعندي جرثومة المعدة والغدة الدرقية اسأل الله ان يكتب لي ولكم الاجر وفي العام الماضي سأت حالتي لدرجة فضيعه ماحد يتخيلها نزل وزني بشكل يخوف والكل قاطعته يادوب اكل خبز بر وزيت زيتون زشاي اخضر ونعناع بس ولا خليت طبيب وبدون فايده اصرف فلوس على الفاضي خاصة اني معلمه في منطقه مافيها ذيك التطور في الناحيه الصحيه والله شفت الموت وانا في منطقه واهلي في منطقه وزوجي في منطقه اخرى ولا عندي غير عيالي الصغار بس ، تخيلو بس الوضع الافكار الشينه جننتني والعبت فيني قلت اكيد عندي القلب الا الخبيث الا عندي ؟؟ وصر اهوجس صار لوني اصفررررر وتساقط شعري واهملت نفسي وبيتي واطفالي والحال مايعلم به الا الله وقدر الله وانا بذا الحاله اني احمل ومر علي رمضان بشكل ماتتخيلونه الآم لا يعلم بها غير الله ولا ادري اني حامل ال في 27 رمضان وانا اتجنن قلت كيف وانا بذا الحال وبداء العام الدراسي وكنت بعالم ثاني انخفاض في الضغط خفقان رعشة مغص دوخه الام في الصدر والظهر شي غير طبيعي ولا اكل ولا عنايه ولا شي ونزل وزني اكثر ولمشكله ماقدر استخدم العسل ولا الاعشاب لأن توي بالاشهر الاولى وعيالي جاتهم حاله نفسيه بس يبكون لما يشوفوني وانا زي الميته بس افكر فيهم وفي يوم كنت جالسه بالحوش الا ويأذن المغرب واجلس ادعي وابكي وابكي بكاء هستيري وافكر انو اش بيصير اكثر من اللي صار لي قلت يابنت على الاقل حاولي تقرين قرآن تدعين تصلين عشان تقابلين ربك وانتي مسويه شي للاخره وفعلا صرت اصلي قبل الفجر ركعتين وادعي ربي من قلبي يصبرني ويشفيني وداومت على اذكار الصباح والمساء وتلاوة القرآن ولو ان فيه جهاد للنفس كنت اتعب اذا قريت وادعي ربي واستغفر واتجنب اي شي يزعلني عشان نوبات الهلع والخوف ماتجي واذا حسيت بشي انادي جارتي الله لايحرمها الاجر كانت عارفه حالتي وياما وقفت معي المهم اني ما جلس لوحدي انا ماقول اختفت الالآم بس خفت كثييييير وصرت احاول اتجنب اي شي يثيرني حتى هواشي مع الشغاله بطلته خليتها اللي تشتغله تشتغله والباقي انا اسويه نصيحه من اخت تحبكم لا تستسلمون للمرض واملو وقت الفراغ باشياء مفيدة واذا حسيتوث بخوف اكثرو من ذكر الله والاستغفار وادعولي ربي يفرجها علي ولي عوده اكمل الباقي باذن الله .
السلام عليكم ورحمة الله وبركاته وبعد :
اخواتي مريضات القولون عامة والاخت كلاسيكية خاصة اعتذر...
تسلمين حبيبتي ماقصرتي الله لايقصر بعمرك