السلام عليكم ورحمة الله وبركاتة الله يكون بعون الجميع زوجي يعاني من الام في البطن متنقلة مره يحس بي الام في اليمين ومرة في اليساراخذادوية ولاكن ميحس منها فائدة وحس قبل فتره بتحسن وهوالان يعاني راح لعدة مستشفيات ولاكن للاسف لم يستفد من ادويتهم والان هوفي حيرة ودي بوصفه تخفف عنه على الاقل الام

السلام عليكم ورحمة الله وبركاته
كيفكم بنات

انا معاي قولون تقرحي وبكتب لكم قصتي

المرض بدأ فجأه فيني قبل4 سنوات كنت الاحظ على نفسي لما اكل اي شي اي شي على طول الله يكرمكم يجيني اسهال
كنت افكره عارض عادي او نزله معويه واطنش مااروح للمستشفى
وصرت احس بخمول وكسل وارهاق وحراره تجي فجأه وتروح كل يوم
واهملت نفسي لين صارت نفسي مسدوده عن الاكل واشتد الاسهال سواء اكلت او مااكلت وكنت ادخل للحمام اكثر من 15 مره واكثر وهالمره مع دم


كنت مخبيه عن اهلي باللي احسه لين شفت الدم وقلت لامي تقريبا بعد شهر
ورحت لمستوصف واخذو مني تحاليل براز وقالو عندك بكتيريا مدري اميبا
وعطوني علاجات واخذتها اسبوع ولا وقف الاسهال ولا المغص ولا الالام
ورجعت لهم وحولوني على مستشفى ثاني واخذذو تحاليل وقالو عندي جرثومه واعطوني علاج واخذته اسبوع
ماكنت اهتم احفظ اسماء الادويه هذيك الفتره


المهم زادت الاعراض صرت استفرغ سائل اخضر وتعبت لدرجة كنت اتشهد ويجيني زي التشنج وكان سكاكين تقطعني فبطني وبجسمي ومفاصلي
غير روحة الحمام الله يعزكم كل 10 دقايق
واخذت لي موعد بمستشفى خاص واخذو تحاليل وواهتمو فيني ترقدت فيه وسوو لي منظار للقولون
وعرفو المشكله وطلع تقرحي سويت جزئي وكتب لي ادويه اللي هي بنتاسا وحديد وحقن شرجيه
لمدة شهر وبعد الشهر طلب مني ارجع اسوي منظار كامل لكن انا احسب المرض زي اي مرض عادي ماعاد يرجع
ورجعت لي صحتي وعافيتي وطنشت الموعد


وبعد 6شهور رجعت الاعراض مره ثانيه واقوى بنفس الاعراض وطحت على اهلي ورجعوني المستشفى الخاص
وجلس الدكتور يفهمني ان المرض مزمن ولازم استمر على العلاج طول عمري وبسبب التكاليف بالمستشفى والتنويم والادويه


رحت لمستشفى الملك فهد بالخبر وقلت لهم بالمشكله كامله وطلبو مني تقارير من مستشفى السعد اللي كنت فيه
وعلى طول تنويم وتحاليل لان حالتي ماتسمح ارجع للبيت من التعب ونحفت 15كيلو وتنومت شهر
في البدايه عطوني كورتيزون بالوريد مدة اسبوعين ونفخني حييييل ومغذيات وكل ماستفرغ يعطوني ابره

والاسبوعين الباقي عملو لي منظار كامل وقالولي قولون تقرحي مزمن وبدو بالعلاجات
8 حبات كورتيزون و6حبات بنتاسا وكالسيوم
ومغذي واحد مغنيسيوم وفيتامين د واميوران وحديد


ولحد الان مستمر على العلاجات قبل سنه تركتها شهرين ورجعت تنومت اسبوع وطلعت


الله يكتب لنا الشفاء العاجل والاجر باذن الله


هذي معاناتي مع مرضي ومعليش كلامي مو مرتب
وحالتي نفس شدن بضبط كانها تتكلم عني

السسلآآآم علييييكم

بناااات من جررب منكم علاجات جابر القحطاني لتقرحات القولون

وهل تعرفووون احد تشششافى من القولون التقرحي نهائيااااا لاني تعبت منه

واذا فيه احد مثلي يقول لي وش الاشياء من الاكل اللي تهيجه

وحافظكم ربي ودعوووووووووواتكم لي تكفوون

ياعالم فيه احد مثلي
راسي كنه في بحر
يتموج يمين ويسار كاني بطيح
مدري كيف اوصفه
يترجرج والله غريب
انا ارجعه للقولون بس ماني مقتنعه

تقبل الله صيااااامكم وقيااااامكم

السسلام بناات حبيت اسألكم قرات وسمعت عن فوائد حليب الابل وانها تشفي التهاب القولون التقرحي تتوقعوون صح ؟ وهل فيه احد جررررب؟؟ واذا فيه تكفووون لاتبخلون علينا بالاجابه

ربي يسسسعدها اللي ترد