مدام نون
•
يارب يردون عليك ويفرح قلبك ويكتب اجرك وقولي لنا اذا استلمتي الطفل؟
مدام نون
•
سوري كنت مستعجله اليوم وﻻكملت استفساري حبيبتي شنو مشاعرك اول ما اتصلو عليك يخبرونك ان الطفل موجود عندهم عطينا التفاصيل وشنو شعورك وهل انتي الي تختاريه وﻻ هم الي يختاروه لك وهل عطوك معه مﻻبس او مصروف وهل تقدري تغيري اسمه صحيح وﻻ ﻻ وطفلك كم عمره تقبله برضو او لسى....? ﻻتنسينا من دعواتك بتيسير امريسوري كنت مستعجله اليوم وﻻكملت استفساري حبيبتي شنو مشاعرك اول ما اتصلو عليك يخبرونك ان الطفل...
هلا ترانيم الحياه طبعا انا ماانتظرتهم يتصلون علي رحت لها بعد العيد مباشره الاتبشرني ان فيه اطفال بس لسى ماوصلوا بغيت اطير من الفرح وتلعثمت ماقدرت اقول الا الله يبشرك بالجنه متى اشوفه ؟ قالت انتظري لما اشوفه واشوف هل هو مطابق لبشرتك وارد عليك وجلست انتظر يومين ماردت علي ورحت لها مرة ثانيه قالت ابشري تعالي بكره وتشوفينه وثاني يوم رحت اخذت من الاشراف خطاب ورحت للحضانه وشفته ماتصدقون كيف حبيته من اول ماشفته وطلبت ان زوجي يشوفه ودخل زوجي وولدي وشافوه قطعة قمر لااله الاالله صحه وبياض وشعر وابتسامته تجنن وعمره شهرين الا كم يوم اول ماشلته تمسك بعباتي وابتسم ولما شاله زوجي طلع سعابيل هههه وزوجي انهبل عليه وقال خلاص سلموناه الحين ولما جت الموظفه ترجعه الحضانه زوجي رفض قال خلوه في حضني ويلاعبه ويتبسم له وولدي استانس يقول ولد مين ياماما؟ قلت هذا اخوك بعدين قلت بستلمه قالوا مو الحين باقي ندخل اسمك وبياناتك نكملها يبغالك اسبوع هنا كانت الصاعقه تعلقت فيه خلاص كيف بنتظر اسبوع؟ والله اني صابني حزن واكتآب واخذني زوجي نشتري اغراض وملابس ورضاعات وحفاظات وادواته كامله ورجعت البيت افرش اغراضه وافتح صورته في جوالي وابكي لين كلمتني وقالت مدام نون خلصنا بياناتك تعالي استلميه وراح مني التعب والخمول من الكآبه ودخلنا على زوجي انا وولدي واحنا ننطط قلت يالله نجيب النونو ونروح وناخذ خطاب الاستلام والحمدلله استلمناه واخذه زوجي واذن في اذنه واقام في الاذن الثانيه وانبسطنا الحمدلله كأني ولدته يشهد الله بالنسبه للاستلام عطوني معه ملابس وحفاظات شوي وعلبه حليب صغيره ورضاعه فيها حليب وشهادة تطعيم وصورة تذكاريه بالنسبه للاسم غيرته شفهي فقط لكن التغيير الرسمي اما يكمل سنه وولدي عمره خمس سنوات الا كم شهر فرحان باخوه ودايما يدافع عنه مايخلي احد يلمسه لكن فيه احيانا غيره زي اي طفل مدلل وجاه اخ عادي يعني
مدام نون
•
ماشاء الله تبارك الله الله يجزاك الجنه ياااربماشاء الله تبارك الله الله يجزاك الجنه يااارب
جزاك الله خير😊
مدام نون
•
فيه وحدة اخدت ولد من الرعاية وعمره شهور تقول لما كبر بد يضربه وهي ماعندها عيال وصاحبة اموال ومو مقصرة معة تقول يضربها من عمرة 6 سنوات يشوف ان ماهي امه وهي هالحين عجوز وهو رجال وكل شي يبه له وهو ولا سال عنها تقول لو دريت ماربيته وهي يحرام متستغني عنه رغم اساته لها الحمد للله =======اشوف تدفعين فلوس احسن لرعاية الايتامفيه وحدة اخدت ولد من الرعاية وعمره شهور تقول لما كبر بد يضربه وهي ماعندها عيال وصاحبة اموال ومو ...
كلامك مايصح اختي يعني الحين لان فيه وحده ولدها يضربها خلاص كل الاطفال المحتضنين بيطلعون مثله؟ لا طبعا حتى اطفالنا اللي جبناهم من بطوننا فيهم الصالح والطالح ويمكن هذا الولد اللي تقولين مدلل بزياده حتى اللي تدلل ولدها بيتصرف نفس تصرفه. هل ممكن نقول لاتجيبون عيال لان في اولاد عاقين؟ طبعا لا الاولاد فيهم البار والعاق وكذلك الاطفال المحتضنين حسب التربية والمعامله
مدام نون
•
ممكن أعرف شروط اللي تسمح بكفاله اليتيم .؟ممكن أعرف شروط اللي تسمح بكفاله اليتيم .؟
يطلبون تعريف براتب زوجك وحسن سيرة وسلوك من عمله وشهود هذي الطلبات بالنسبة للشروط مطابقة بشرة الطفل للأسرة وصلاحية السكن وموافقة الزوج وان لايتجاوز عمر الحاضنه خمسين سنه وان يكون عدد الاطفال ممن هم اقل من 6 سنوات لايزيدون عن 3 وطبعا يرسلون لك مشرفه تشوف بيتكم
الصفحة الأخيرة