روز الله يتمم شفاك ويجملك بالعافيه وراحه البال انا اكثر شي يرجع لي الوسواس اني كل بعد فتره احس يضيقه او كابه حتى لوبسيطه اقعد افكر فيها واخاف وترجع الافكار وحتى اذا شكى منها اي احد من اخواني واهلي ترجع وخوف غير طبيعي من العين واخاف من خوفي من العين اقول بتجيني عين بسبب الخوف منها ويزيد القلق

يآبنآت لاحسيتوآ بالخوف استغفروا الله والا اقروا قران او اسمعوا ادعوا ربكم الشفاء

الله يشفيني ويشفيكم ويشفى كل مريضة ي رب يارحيم ارحمنا

السلام عليكم
لي فترة مضيعة عضويتي وابي ادخل بس عشان اعلمكم وش عندي
انا يابنات قبل فترة كنت زيكم واجي ادخل التجمع هنا واقرا بس ما استفدت شي لاني اكتشفت اني لما اجي أقرأ ازيد على نفسي اصير اتخيل الي اقراه فيني وكذا
بعد فترة قطعت التجمع وبدأت بنظام جديد وجيت وكتبته لكم هنا بأحد الردود وكانت فيه بداية تحسني
والآن الحمدلله لله الحمد من قبل ومن بعد والله يابنات اني تغيرت كثيييييييييييييييييير الحين
اذكروا الله
الحمدلله اكتشفت ان العلاج سهل وبالرقية لاهو بطبيب ولا بغيره بس محتاج صبر
اول شي بديته قراءة المعوذات والاذكار والمواظبه عليها قدر الامكان
حاولت قد ما اقدر الابتعاد عن المعاصي وخاصة سماع الاغاني صرت اتجنبها قد ما اقدر
الحمدلله انا من اول احرص على صلاة الليل لكن بديت ادعي بأن يشفيني ربي و أقول (ربي إني مسني الضر وانت ارحم الراحمين ) وادعي من قللللللللللللب يعني قفلي غرفتك واصلي وادعي وانسي العالم الخارجي كله
وصرت ارقي نفسي بالرقية الشرعية بعد صلاة الفجر
وهالايام بديت اقرأ سورة البقرة والحمدلله اللهى يقدرني واستمر
واهم شي صرت اسويه هو اني الشي الي اخاف منه اسويه
يعني مثلا جاني الوسواس وقالي لو سويتي كذا بتموتين اول كنت اصدق وما اسويه وحالتي حاله بعدين قلت لا الى متى يعني
وصرتب العكس اضغط على عمري واسويه بالغصب عشان اثبت لنفسي ان الموت بيد الله ولو الله كاتبلي موت بموت بهالشي ولا بغيره مو الوسواس هو الي يتحكم بموتنا ولا اذا ماسويت هالشي مابموت لا ابدا
ادري كلنا عارفين هالشي لكن بديت اذكر نفسي فيه 24 ساعة
بالبداية جدا تعبت لكن مع الايام بدت نفسيتي تقتنع مع التجربة ان كل الي يدور براسي اوهااام
غير كذا اشغلت نفسي قد ما اقدر بدراسة بطلعات بروحات بكل شي عشن انساه
والله يابنات اني الحين تحسنت بنسبة اكثر من 80% ماشاءالله تبارك الله وكله بفضل رب العالمين
انا اقترح تسكرون هالتجمع وتحذفونه وتسوون تجمع ثاني يهدف الى وضع طرق للخلاص منه وليس مجرد تبادل يوميات وش صار ووش ماصار لانها تعتبر سبب كثير في زيادة الحالة

اذكروا الله والله يشافيكم ياارب ويقوي ايماني وايمانكم
اي استفسار راسلوني خاص لاني قررت ما ادخل هالموضوع بعد
فمان الله

السلام عليكم

أسأل الله ان يشفيني وإياكم شفاء عاجلا لايغادر سقما

انا تقريبا جميع انواع الوساوس جربتها وسواس الصلاه والوضوء والعقيده وطقوس حركيه وسواس الموت والحمدلله على كل حال

وقلت مالي غير ربي الجأ له وصرت ادعي ربي بتذلل واحسنت الظن بربي والحمدلله ربي ما خيب ظني

وتحسنت حالتي وخفت شوي والى الان مستمره وانا محسنه الظن بربي

لكن عندي سؤال هل الوسواس ياثر على الدراسه يعني لاحظت لي تقريبا سنتين كل ماجيت امسك الكتاب

اتركه كانه احد يقول لي اتركيه تلقيني اوصل للصفحه الثالثه بالقوه وفي الاخير اتركه وارجع له بعدين

وحتى معدلي نزل بشكل ما تتصورونه لو اقولكم راح تتعجبون حتى اهلي مو مستوعبين المستوى الي انا وصلت له

تكفووون ادعوا لي والله اني بحاجه لدعواتكم

ايه انا اثر على دراستي
العام رسبت بسببه

الله يشفيك