روح والله معك حق الهزايم تهلك الواحد..ومن اول كانوا صديقاتي يفطرون عندي مرتين او ثلاث مرات واهلي احيانا 3 مرات بالأسبوع واصحاب زوجي نادر يفطرون ولكن كنت اسوي له فطور للعمل لأن كل يوم على واحد..
والسنوات اللي فاتت كانت عندي شغاله بس الحين ماعندي بس تجيني شغالة مؤقته



وش سالفة الكهرباء انقطعت عليكم؟




الله يشفيه ويعافيه ويرزقك بالحمل السليم الهين يارب..



من جد قهر..بس احيانا هالبويضتين ربي يبارك فيهم وانا مره سحبوا 13 ومره 14 وكلهم مايتلقح غير ثنتين والله قهر نفسي اجمد وارتاح من هالتعب والمصاريف..



من جد عالم حواء صاير ممل لازم يشوفون له صرفه :mad:
كان نفسي اصورها والله انقهرت بس ماذكرت الا بعد ماخلصنا اكل :angry: ان شاءالله مره ثانيه






هههههههههههههههههههه موتيني ضحك ..لا ياقلبي الا حرمة وست الستات بس احيانا الواحد يجي له كسل وخمول..وصدقيني عزايم رمضان انا شخصيا ماأيدها بس سبحان الله كذا تصير معي بدون تخطيط

رداً على تساؤلات الاخت حلم وباقي الاخوات عن تجاربي السابقه

كتبت هالرد المختصر والله يعينكم على القرايه..

غلطتي الكبيره اني تاخرت كثير في الانابيب
لان ماكان عندنا سبب قوي يمنع الحمل فمااحد نصحنا فيها كنت اراجع في مستشفى اليمامه ماكنت عارفه شي عن المراكز الخاصه مثل ذريه و هلكوني ابر منشطه في الحكومي وصرت اقرا في النت وعرفت اني المفروض ادخل في مرحله التلقيح..قلت للدكتوره ابي اعمل تلقيح قالت ماعندنا روحي مركز خاص وقالت لي على الدكتور سليمان النجاشي اللي كان رئيس وحده العقم في اليمامه وترك المستشفى وراح خاص يقول في المستشفى الاجهزه حقت العمليات بس مقفلين عليها ومو راضين يشغلونها انقهر منهم وتركهم دكتور كبير وش يسوي في مستشفى مايعمل عمليات حقن وتلقيح

عملت في البدايه تلقيح صناعي ثلاث مرات وبعده تلقيح مجهري ثلاث مرات عند البرفسور سليمان النجاشي في المركز التخصصي الطبي
روعه بصراحه خصوصيه لابعد حد وتنويم يوم في غرفه خاصه عند الترجيع 
حملت في اول محاوله حقن مجهري وقبل اخلص شهر جاني نزيف ونزل الجنين
المحاولة الثانيه عنده رجع لي 4اجنه وماصار حمل 
المحاوله الثالثه الاجنه ماانقسمت فماصار ترجيع وهنا كانت الصدمه الكبيره ماكنت عارفه انو ممكن مايصير ترجيع ..
بعدها سمعت حرمه تتكلم عن التابعه اللي تجي الحريم وتمنع حملهم وتموت اجنتهم 
شكيت ممكن تكون عندي على اني قريت عند شيوخ وماكنت احس بشي ابدا ابدا
رحت للحرمه في الدخل المحدود مسكت بطني على طول قالت عندك تابعه واعطتني علاج للتابعه وللحمل بثلاثة الاف ريال وقالت اذا حملتي تعطيني 2000 وتعطيني كمان علاج عشان يستمر الحمل.. 
علاج الحمل مررره شين طعمه فما اخذته مضبوط لكن علاج التابعه سهل عزايم وسدر الخ استعملته ورحت لها بعد شهر متغطيه طبعا ماتعرفني كشفت علي قالت مافيك شي قلت انا جيتك قبل وقلتي عندي تابعه قالت اخدتي علاج قلت ايه قالت خلاص راحت..
بعد ها جا موعدي في الحرس واللي كنت مقدمه عليه قبل ابدا عملياتي الثلاث السابقه 
عملتها وكانت اصعب شي لانهم مايخدرونك وقت السحب وبعد الترجيع عشر دقايق بس ومع السلامه.. 
وسبحان الله صار حمل وكان مره ممتاز لانزيف ولا شي وكان بشهر رمضان بعد العيد باسبوعين رحت اعمل اشعة النبض وكنت بالاسبوع السابع والصدمه الاقوى ماااااافيه نبض كنت متماسكه وقلت الحمد لله على كل حال اللهم اجرني في مصيبتي بس ماكنت مصدقه رحت لمركز خاص وعملت اشعه مره ثانيه ونفس الكلام وسبحان الله من يوم حملت كنت ادعي من قلب ان الله يثبته وفعلا ثبت بس ميت ليتني دعيت ان الله يكتب لي مافيه الخير وبس...
جلست اسبوعين بعدها ومانزل رحت للعسكري وتنومت واعطوني حبوب طلق 
موووووووووت سبع ساعات طلق الين نزل بعدها سويت عملية تنظيف ..
وقالي الدكتور بكتب لك حبوب منع حمل لاتحملين الا بعد 6شهور قلت تنكت يادكتور حملي هذا انابيب وتبغاني اخذ منع حمل ..
عملت مواعيد عندهم كنت ابي اعمل حقن بس قالي الدكتور مانعمل حقن على طول لازم قبل تلقيح ولازم تعملي اشعه الصبغه 
انا عملتها بداية زواجي ومستحيل اعيدها متعبه حاولت فيه قال مره مااقدر لازم تلقيح اول قلت خلاص مو معقول بعد ماصرت في مرحلة الحقن ارجع للتلقيح طلعت من عنده مكسوره وحزينه :(
بس اعطاني حبوب لهرمون الحليب 
بعدها بثلاث شهور كنت انا وزوجي يوم الجمعه الساعة الثامنه مساءً نشاهد برنامج التفاح الاخضر اللي استضاف دكتورنا الغاااااالي عبدالعزيز وكان يتكلم عن تقنية الاي في ام  للي عندهم تكيس مبايض وانا دكتوري الاول وكل اللي رحت لهم قالو عندي تكيس فتحمست اروح له
اتصلت على المركز يوم اربعاء لما جتني الدوره قالو مسافر وبيجي السبت قلت طيب الصفيان قالو مافيه موعد الا بعد اسبوعين وانا ماكان عندي صبر ابي اعمل العملية مع هالدوره قلت اجل احجزي لي عند الشهراني صباح السبت وسحبت على الدوام 
ورحت له واخذت معي تقرير من دكتوري سليمان ..لما عملت اشعه عند الدكتور عبدالعزيز قالي مايعتبر هذا تكيس بعمل لك الحقن بالطريقه العاديه 
طبعا انا انسانه مسالمه وماحب اناقش كثير وافقت على طول وحسيت انه دكتور فاهم وشاطر واخلاقه رووووعه ...وهذا المهم
سألني عن اخر تحاليل لزوجي ولي وقلت له النتايج وماقال اعملو تحاليل لانها كانت معموله قبل بكم شهر بس ..
وبديت معه على طول تنشيط والله يجزاه خير شفت دكاتره كثير لكن مثل اخلاقه وطيبته وتعامله ماشفت ابداً...
كان السحب يوم اثنين والترجيع الاربعاء 
والسبت رحت الدوام قلت للدكتور مااخذ اجازه قال لا مايحتاج
قبل السحب بكم يوم رجعت للحرمه لاني سمعت ان التابعه ترجع وشكيت انها سبب فشل حملي السابق ماكنت ادري انو لازم استمر على العلاج حتى الولاده
قالت لي عندك شوي من التابعه وحسد واعطتني علاج التابعه بس لاني قلتلها بعمل انابيب مابي علاج حمل..
وبديت علاجها واللي راح اكتبه هنا للاستفاده..
بعد 12يوم من الترجيع اخذت تحليل من الصيدليه وعملته طلع الخط الثاني خفيف بس واضح من الفرحه على طووول بلغت الدكتور
قال الله يتمم على خير ..وصار الحمل 
وفي كل التجارب كانت الاعراض مثل اعراض الدوره مغص بسيط ونغزات في الصدر ..لما جا موعد التحليل رحت حللت وانا مرتاحه وواثقه اني حامل وفعلاً اتصل علي المركز وبلغوني اني حامل وبعدها بشوي اتصل الدكتور الله يفرح قلبه يبارك ويطمني ان النسبه ممتازه..
طبعاً انا كنت مستمرة على علاج الحرمه وكمان الرقيا الشرعيه كنت اقرا في الصباح والليل وتركت التلفزيون ماكنت ابي شي ينقض التحصين حرصت اني اكون طول الوقت محصنه خفت ترجع التابعه وتموت الجنين ..
بعد اسبوع من ظهور النتيجه بدت عندي افرازات بنيه خفت مره قلت شكله بداية اجهاض وكان موعد تحليل الهرمون الثاني
رحت عملته بالمركز وشفنا الدكتور بالممر سلم علينا وقلتله قال عندك مغص قلت لا قال اجل طبيعي لاتخافين اعملي التحليل وبشوف النتيجه وقالي خذي التحاميل 2 في الصباح و2 في المسا..طلعت من هناك وبعدها بشوي بلغني ان التحليل ممتاز ارتحت كثير 
بعدها بكم يوم نزل علي دم انصدمت بكيت وتوقعت انه خلاص اجهاض في الصباح كلمت الدكتور قالي تعالي لازم اشوفك عملت موعد باليل ورحت عمل لي اشعه مهبليه وسمعنا نبض الجنين بغينا انا وزوجي نطير من الفرحه اول مره نسمعه الله لايحرمكم من هاللحظه ..
قال الدكتور الدم ماهو من الجنين يمكن من الرحم واعطاني ابر زيتيه تساعد في التثبيت 
والحمد لله توقف الدم بعدها  ...
استمر حملي وكنت مره خايفه كل موعد اقول الله يستر لايتوقف النبض وكنت اروح كل اسبوعين من نفسي عشان اتطمن ..
وكنت مررره محافظه على الاذكار والتحصين ويوميا اشغل سوره البقره عندي وانا نايمه
الين اصحى ..
في الشهر الخامس رحنا نشوف جنس الجنين كنت مره مشتاقه اعرف وكان نفسي بولد ..الدكتور يقول ماراح اعلمكم مدري يمزح والا ايش قلت هين بتعلمنا ولما عملت اشعه كان الاخ مسكر رجوله انقهررررت 
قالت الممرضه خلاص مافيه شوف ولما جت بترفع الجهاز الا وهالضفدع يفتح رجوله وكأنه يسبح وفعلا كان شكله مثل الضفدع لما ينط ..وعرفت على طوووول انه ولد قبل تقول السستر..فتحت البوك واعطيتها اللي فيه من الفرحه... طلعنا للدكتور سألته وش نوع الجنين ماعطيته فرصه يقوول سبقته قلت ولد وانا طايره من الفرحه  قال انا اصلا في صف البنات ..ياثقل دمك يادكتور في هذه اللحظه لو انك متأخر مثلنا ثمان او تسع سنوات كان تمنيته ولد..
والحمد لله استمر حملي الين ولدت بالسلامه في التخصصي الطبي وطبعاًاخذت ابرة الظهر  الله يجزاها خييير ،،

وسلامتكم
 

يس هي

روحي لها ولاتترددين

عمتي راحت للدكتور سليمان قالها عندك التصاقات بالانابيب ولازم حقن مجهري

عمتي عندها عيال من قبل بس لانها عملت تجميل اثر الظاهر على الانابيب

المهم راحت لها عمتي ومرختها واعطتها عنبر بالف ريال طبعا هو منشط

والله حملت بعد شهر حتا العلاج ماخلصته

اذا انتي ناويه تعملي انابيب خذي منها بس علاج التابعه

لان علاج الحمل مررره شين .. 

حلو كذا ياخذ الفطور الاستراحه

التعب لو افطرو بالبيت تحضير السفره وترتيبها وغسل الصحون بعدها

يهد الحيل ..انا عملت فطور لاهل زوجي قبل يومين لانهم كانو مسافرين ورجعوا بالليل

وعندهم شغاله بس قلنا صعبه لازم نفطرهم عملته وراح زوجي افطر معهم مارحت انا كنت ابي ارتاح

بس رحت لهم بالليل ..تعبت خاصه من لف السمبوسه وجعني ظهري مره بس الله يكتب الاجر 

بسم الله وعلى بركه الله
تنطلق صفصف ههههههه الى اراضي الموقر عزوز
البارحه نزلت الدوره ابشركم وع لاطوول حركنا من الجنوب للريااض
وصلنا اليوم الصباح واللحين بقوم اتجهز بروح للمركز
دعواتكم ربي ييسر امري احس بخووف مدري لانها اول مره اعمل مجهري
يارب يسر امري وفرج همي
دعواتكم تكفووون
يالله من اللي بعدوه انا ثاني وحده بالرمضانيات
ههههههههه
يارب نبشرركم بهالشهر يااااااااارب