اخواتي العزيزات حبت اسالكم عن الدكتورة ابتسام المزين في مركز ذرية مين منكم سمعت عنها او جربتها وهل تنصحون بها لعملية التلقيح المجهري

مراااااااااااااااحب


زوجي قلتله نبي نسوي تلقيح صناعي ورفض وانابيب رفض
قال روحي سوي اللي تبينه راح من عمري سنوات
قلتله اجل بنفصل قال احسسسسسسن انسي الانابيب وغييرة
افكر قسم بطلاق صبرت عليه يقول مافيني شييء
وش السوات دخلت الرجال اخواني وقال انابيب ومستشفيات انسو
حياتي معه خلاص جحيم تصدقون افكر بالانفصال وتزوج واحد كبير له اطفال اربيهم او معدد لاني كرهت الحياة والحب وش جاء من حبي لزوجي غير طلاق له كم مرة يطلقني ويذلني عشان الذرية
واذا تطلقت وين اروح اروح لااخواني اللي مايبون يستقبلوني ؟؟؟؟؟؟
خواتي اللي مع ازواجهم؟.؟؟؟؟
او خواتي الصغار اللي مع اعمامي ؟؟؟؟؟ لانهم ايتام
اروح ادخل القبر اروح الحق امي وابوي وهذا اللي ابيه الحق امي وابوي بقبرهم
ودايم متني الوحيد اتمشى حول المقبرة اقول متو هني لكم راحة رحتو عن الدنيا ارتاح اذا ادو
الله يرحمهم واقول ياليته حلال ادخل واضم قبر امي وابوي
طبعا المقبرة مقبرة النسيم من برا بسيارة اروح بالسيارة وارتاح وادخل جو ثاني اتذكر امي وابوي
حبيبتي ألم وعشناه...
الحياة فرص ولا تسير عجلتها إلا بالصبر والتضحية
والله اني عاذرتك ومقدرة الألم اللي تعيشينه وسبق وجربت هالموقف تصوري أنا ثمان سنوات بدون أطفال اللي تزوجوا معانا عيلو وعيالهم دخلو المدارس وياما سمعت من الهمس واللمز والكلام بس وش نسوي ؟؟
الحرمة مسيكينة وكل العلل تلصق فيها وكأنها المسوؤلة بش الشكوى لله صبرت وبلعت من الحكي والتلميح !!
ولجل عين تكرم مدينة !!ماي هزبند حبوب ولا له ذنب ودايما يهديني ولا قد حسسني بمعاناته يقول الشكوى لله ماخلينا طب ماسويناه ولا تركنا دكتور ومازرناه بس هذا قدرنا وعشناه
ويوم ربي كتب رزقنا بالطفل الأول وسبحان الله عند اخصائية وفي مستوصف أقل من عادي ولهينا فيه ونسينا أنفسنا صدقنا إنها سبحة وبتنفرط على بالنا بيهلون ورى بعض !!
عشنا ودخلت طفولتي المدرسة وبعد مانجحت من خامس ا تذكرنا الوقت والعمر وبدينا نراجع وبالصدفة تعرفت على وحدة في دبي وتراجع عند فورتي كلينك (ذرية سابقا) فقالتلي عندكم بالسعودية دكتور شاطر وعطتني رقمهم وكلمت بعدهاعملت عدة محاولات للاسف (3)عند الدكتورالصفيان فاشلة والرابعة نجحت بس توقف نبض الجنين واللهم لا إعتراض !!
حولت على الدكتورالشهراني والصراحة إرتحت له كثير كان معي أخ وإنسان قبل مايكون طبيب والله يجزاه الخير طمني وخلاني جدا متفائلة وسويتها عنده (3) محاولات والنتيجة لم ينجح أحد!!!
بعد أشهر وفجأة قررت أغير المركز يمكن إيحاء من الكريم رب العالمين وقلت للدكتورالشهراني وقالي روحي سبحان الله يمكن نفسيا تمشي معاك وقتها كان عمري فوق الأربعين وكثير من الدكاترة مايوافقوا يعملون العمليات لوحده في هالعمر بس سبحان الآمر اللي إذا اراد شيئا قال كن فيكون..
طلبت توفيق جعفر وماحصلناه طبعا اتجهت للحبيب وقلت بسويها عند بقنة وسويتها وكل شي تمام بس فشلت !!
صبرت شهرين وأخذت موعد عند توفيق جعفر وسويناها والحمد لله نجحت العملية أخييييييييييييييييييرا
ماصدقت ولا زوجي صدق إلا بعد ماسمعنا نيبض الجنين بعد شهر من التحليل وعشنا الأيام على اعصابنا ومريت في اشهر يجيني دم ودخلت المستشفى وتنومت بس الحمد لله مرت بسلام وأذكر كانت في هالوقت معاناة حبيبتي طفلة عشرينية مع حملها السابق الله يعوضها بتوأم (بيتيوفل توينز) ورزقني ربي بوجه السعد ولي العهد هالحين بيكمل الشهر السادس الله يصلحه إن شاء الله
حبيبتي انا ادوشتك بقصتي انتي والصبايا بس والله اني حابة انشرها كاملة معاناة (19) سنة عشان تتفاءلو بالخير ولا تفقدوا الأمل ولا تقولون العمر انا جبت ولدي هذا وانا (43) قولوا ماشاء الله
مروا على التوقيع تبعي وفكروا فية وراح تبسطوها على أنفسكم إن شاء الله
حبيباتي اي استفسار انا في الخدمة راسلوني على الخاص والله يفرحكم مثل مافرحني

السبيعيه تجربتك حركت فيني حاجات واجد واحلى مافيها دعوتك لي وخروجك من الحقن المجهري بطفل سليم معافى

كيفكم ياذريااااااااااااااااات ان شاء الله طيبين معليش لي فتره ماشفت اخباركم ؟؟
والله اني شايله هم عمليه الحقن وممرررررررررررررررررررره خايفه من فشلها ادعولي يابنات والله اني محتاجه للدعاء لأنو لا سمح الله اذا فشلت العمليه مااقدر اسويها مره ثانيه لأنو ظروفنا الماديه صعبه شوي الله المستعان ... لاتنسوني من دعواتكم

مراااااااااحب

ياقليبي ياطفووووووووووووولة يمكن انتي أكثر وحدة احس بمعاناتها لأنك معانا في التجمع حق ياسمونا الله يذكرها بالخير
إلا وش الدنيا فيها وبنيتها وش اخبارها انا من زمان عن المنتدى بس غرت من الحبيبة روح النمسا وقلت هي اشطر مني و
مايصير ولدها قد وليدي وقررت اعيدها بس بعد العيد إن شاء الله