Darawshe :

اختي نادية انا اسجل اسمي للمنتدى ام قسمت حبيبتي العرس عندنا بيكون تعاليل بالبيت من اول الاسبوع وهذا الشي بيكونببيت اهل العريس يعني اكل وشرب وحلويات وشوية موسيقى ورقص وهذا بيكون للاهل والمقربين بالنسبة لجهاز العروس نحن ببلدنا نجهز بيت العروس من اواني مطبخ بكل ملتزماته من الطنجرة للمعلقة وكمان الادوات الكهربائية نيجي للصالون وطقم السفرة كمان هذا اهل العروس بيجهزوه والسجاد طبعا يعني العريس بيجيب البيت خزائنالمطبخ غرفة النوم بالنسبة للبس العروس هذا مطلوب من العريس الفساتين لحفلة السهرة بيكونوا اتنين او اكتر واحد لاستقبال الضيوف والتاني تلبسه وقت الحنة كانوا البنات يجيبوا شي تراثي بس اليوم عادي سواريه خليني ارجع لبرنامج العرس اول شي رسمي بيكون سهرة للعروس وهي حفلة الحنة بتكون اما ببيت العروس او بقاعة وكل تكاليف الحفلة على اهل العروس نجيب دي جي واليوم صار يرافقه ما يشبه الالعاب النارية وشغلات للزينة من اضواء ومؤثرات مثل الورق الملون وهذا بيكون وقت التجلاية انا بنتي دخلت للحفلة بالفستان الابيض برقصة ناعمة مع اضواء حلوة وكملت بالتجلاية وكنت محضرة مجموعة من البنات الصغار بفساتين بيضاء وعملت لهم اطواق ورد للششعر وزينت لهم شموع وكانوا حواليها بالتجلاية بيدوا دار العريس محضرين صينية حنا وسلال صغار بتوزعهم العروس لصاحباتها وبيجي العريس كمان لسهرة الحنة وبيشارك العروس الحفلة بس بيروح قبل ما تتحنى طبعا العروس بتغير الفستان الابيض قبل ما ييجوا اهل العريس واخر السهرة بتلبس فستان الحنة وبتحنيها صديقاتها بمرافقة اغاني خاصة للحنة بس هذة الاغاني بتبكي كتير فيها كلمات مؤثرة بيقولوا متلا سبل عيونوا ومد ايده يحنولوا غزال صغي وكيف اهل سمحولوه يا لامي يا لامي شدي لي مخداتي وطلعت من الدار وما ودعت انا خياتي يا لامي يا لامي هيي لي مناديلي وطلعت من الدار وما ودعت انا جيلي يا اهل الغريبة لا يجبر لكم خاطر وش عماكم عن ابن العم هالشاطر وكمان اغاني وكلها تقريبا بنفس المعنى تاني يوم بيكون الحنة والزيانة عند العريس وهذة الحفلة للعريس واهله وعازيمهم ما بتشارك العروس فيها تالت يوم بيكون العرس الرسمي العروس بتلبس الفستان الابيض والعريس بيعملوله حفلة حمام وبيلبس طقم العرس وعادة ما بيعملوا غذاء كبير عبارة عن مناسف رز ولبن او زبادي كيف انتوا تسموه بس بيكون مطبوخ وطعمه زاكي كتير وبيكون اللحم كله لحم خروف والعروس بيوصلها غذاءها هي واهلها من بيت العريس وطبعا الحلويات والمشروبات الباردة والفواكه وعادة بيصير زفة يعني بيلفوا بالعريس شوي وبيغوله النسوان او بيكون حداء اللي بيعمل حفلة تراثية وكمان ممكن يزفزا العريس وهو راكب عالفرس وبيغنوا له اغاني حلوة كتير بعد ما تنتهي العروس من تجهيزها بصالون التجميل تيجي لبيت اهلها وبيجوا اقاربها وصديقاتها وبيعملولها قعدة حلوة وبيغنولها وبيرقصوا معاها عندنا فيه نقوط بيكون ليلة السهرة ويوم العرس كمان اعمامها واخوالها وكل الاقارب بينقطوا العروس بيجوا اهل العريس وبياخدوا العروس وعادة اللي بيطلع العروس اما اخوتها او خالها واخوها بتوصل لبيت العريس اللي بينتظرها وبينزلها من السيارة وكمان بيصير زفة للاتنين مع بعض ام العريس بتكون محضرة ابريق ماي مزين بتضيف للماي شوية سكر وماء الزهر وعجينة صغيرة مزينة بالورد لما بتوصل العروس بتلزق العجينة بباب البيت وبتشرب هي والعريس من الماي بيغنوا شوي وبيرقصوا شوي وبيباركوا للعروسين وبيخلص العرس نحن كان عندنا شوية تغيير قبل حمام العريس ما كانت حفلة الغداء الرسمية بس غداء بسيط للتهل طبعا رز ولبن لان الطقس صيف وحار فضلوا يعملوا عشاء بعد احضار العروسين بمنتزه بالبلد وعملوا الحفلة بعد العشاء عندنا بعد السهرة والحنة للعروس بيوم عملنا عشاء للاهل والقرايب كان حفلة مشاوي ويوم السهرة الضيافة بتكون اغلبها حلويات مشكلة شرقي وغربي شغلات جاهزة وشغلات شغل بيتي وامشروبات الباردة والفواكه هذا اللي متذكرته عارفة اننني كترت حكي بس هذا عرس يا ريت تتحملوني وان شاء الله كل ايامكم افراح

اختي نادية انا اسجل اسمي للمنتدى ام قسمت حبيبتي العرس عندنا بيكون تعاليل بالبيت من اول الاسبوع...

حمادة ورونة :

ربنا يفرحكم بمحمد ومحمد ان شاء الله وادعولى انا كمان بس محمد بتاعى لسة صغير 9 سنين ياه لسة عمر يا ترى مين يعيش عاملين ايه حبيبى انا عندى مشكلة مش عارفة ايه الى حصلى اى حاجة اشتغلها تطلع غلط وافك تانى لما تعبت يعنى الفستان اشتغلته مع ماما ام قسمت وكنت مسبقاها ومشيا مع الباترون اخر سطر فى الجيبة فكيته 5 مرات لما نفسيتى تعبت ادعولى يا بنات

ربنا يفرحكم بمحمد ومحمد ان شاء الله وادعولى انا كمان بس محمد بتاعى لسة صغير 9 سنين ياه لسة عمر يا...